English | عربی | Kurdî دواهەواڵ
ڕاستەوخۆ  
 
دوینێ داڤۆس ، ئەڤرۆ میونشن
2020-02-17 [10:07 AM]

‌نڤیسینا : غیاس خالد زێباری


هەرچەنە گۆربەندێ داڤۆس یێ ئابووری ل وەڵاتێ سووێسرا و کونفرانسێ میونش یێ ئاسایشێ ل وەڵاتێ ئەڵمانیا جهێ کۆمکرنا کەسایەتی و سەرکردێن وەڵاتێن مەزن و کاریگەرن لسەر ئاستێ جیهاتێ بۆ گەنگەشە و چارەسەرکرنا پرس و بابەتێن مەبەستا گرێدانا وان . 
لێ د چارچوڤێ وان دا پرسێن سیاسی و دبلۆماسی تێدا دهێنە ئەنجامدان و دبنە ئەگەرێن خورتکرنا پەیوەندیان چ لسەر ئاستێ کەسایەتیا یان ژی لسەر ئاستێ رێکخرا و سازی و کۆمپانیا ، یان ژی لسەر ئاستێ وەڵاتان . 
پشکداریا نێچیرڤان بارزانی سەرۆکێ هەرێما کوردستانێ ل کۆربەندێ ئابووریێ داڤۆس بەرێ کێمتر ل هەیڤەکێ ، دەسکەفتەکێ مەزنێ سیاسی و دبلۆماسی و ئابووری بوو بۆ کوردستانێ ، کۆ تێدا چەندێن دیدار و کۆمبوون لگەل سەرۆک و مەزنە بەرپرسێن وەڵاتان هاتنە بەستن ژوان سەرۆکێ ئەمریکا و .....هتد 
ئەڤرۆ ژی مەسروور بارزانی سەرۆکێ حکومەتا هەرێما کوردستانێ د کۆنفرانسێ میونشن یێ پشکدارە و دیدار و کۆمبوونێن وی لگەل مەزنە بەرپرسێن وەڵاتان دەست پێکریە و د بەردەوامن .
ژبلی کۆ پشکداریا ڤان هەردوو کەسایەتیا لڤان خرڤەبوونا بناڤێ هەرێما کوردستانێ دەسکەفتەکێ هەری مەزنە ، ژبەرکۆ هەرێما کوردستانێ وەک قەوارە بەرامبەر وان وەڵاتێن خودان سەروەری و سەربخۆ قەوارەیەکێ بچووکە ، چونکی بڕەنگەکێ فەرمی و دەستووری هەرێما کوردستانێ پشکەکا دەولەتا ئیراقێ یە ، ئیپاقیش ئەڤ ئیراقە یە ئەوا ئەم هەمی دبینین ، نە ژلایێ ئابووری شیایە سەروەت و سامانێ خۆ بۆ گەشەپێدانا وەڵاتی و وەڵاتیێن خۆ بکاربینیت ، نەژی شیایە بچوکترین ئێمناهی دابین بکەت و بوویە وەڵاتێ میلیشیا و عەشیرەتگەریێ و کوشتن و ڕەڤاندنێ و .... 
وەکێ کەسایەتی ژی نیشانێ سەنگ و پێگەهەکێ مەزن و گرنگە لسەر ئاستێ نیڤ دەولەتی و هەرێمایەتی ، پەسنا روولێ ڤان هەردوو کەسایەتیێن مەزنێن کورد ژلایێ بەرپرسێن وان وەڵاتان بەڵگەیە لسەر ڤێ چەندێ کۆ ب کەسایەتیێن خودان موعجیزە ددەنە نیاسین ، ژبەرکۆ هەرێما کوردستانێ دناڤ قەرقەشە و ڤۆلکانێن ئاگرین ژلایێ ئێمناهی و ئابووری لسەر دەستێ وان بوویە مێرگ ولەیلان بەرامبەر ئیراقێ و وەڵاتێن دەڤەرێ . 
ژلایێ سیاسی و دبلۆماسی ژی ئەڤ پشکداریا هەرێما کوردستانێ  ل کۆربەند و کۆنفرانسێن نیڤدەولەتی دەسکەفتێن مەزنن چونکی مینا وەڵاتێن خودان سەروەری سەرەدەری و پێشوازی لێ دهێتە کرن ، ئەڤ کۆمبوونێن دناڤبەرا وان دهێنە کرن چەندین دەرگەهێن دیتر بۆ بهێزکرنا کوردستانێ ژلایێ ئابووری و سیاسی و کارگێری دێ ڤەکەت و مەزنترین پشتەڤانی دێ بۆ هەرێما کوردستانێ دابین کەن ، هەر وەکی پشتی روودانێن شازدێ ئکتۆبەرا سالا ۲۰۱۷ بسەر کوردستانێ ئینای ، خورتیا دبلۆماسیەتا کوردستانێ یا سەرۆک نێچیرڤان بارزانی و بەرژەۆەندێن ئابووری فاکتەرێن سەرەکیێن دەربازبوونا کوردستانێ بوون ل مەزنترین پیلانا هەرێمی و ئیراق و ناڤخۆیی .
مەسروور بارزانی وەک سەرۆکێ حکومەتا هەرێما کوردستانێ ژی کۆ فاکتەر و ئەندازیارێ پاراستنا ئێمناهیا کوردستانێ یە و کارنامە وبریار و رێنمایێن وی یێن ئیدارەدانا حکومەتا هەرێمێ و دابینکرنا ئێمناهیێ و چاکسازیا و گەشەسەندنا ژێرخانا ئابووری و پیشەسازی جهێ حیبەتی و دلخۆشیا وەڵاتێن دیموکراتخوازێن جیهانێ  و ژبەرڤێ چەندێ بڤی ڕەنگێ گرنگیێ ددەنە .
ئەڤ گاڤ و پلانێن ئەرێنی یێن هەرێما کوردستانێ یێن ئابووری و ئێمناهی کۆ مەبەستێن سەرەکیێن کۆربەندێ داڤۆس و کونفرانسێ میونشن ، دێ دەرگەهێن مەزنتر بۆ وەبەرهێنانا بیانی و راکێشانا مەزنە کۆمپانیێن جیهانێ بۆ هەرێما کوردستانێ ڤەکەن ، ئەڤە ژی بجهــ هاتنا پشکەکا کارناما ڤێ کابینا حکومەتا هەرێما کوردستانێ یە بسەرۆکاتیا مەسروور بارزانی .
ئەز باوەرم کەسایەتی و وەڵاتێن نەیارێن کوردستانێ و حکومەتا هەرێمێ بڤان ڕەنگە پشکداریا نەحەت و دلتەنگ دین و  ئەگە د شیانا واندا هەبیت مەزنترین ئاستەنگ دێ بۆ دروست کەن ، چونکی چاڤێ وان ب بلندکرنا ئاڵایێ کوردستانێ دڤان رەنگە خڕڤەبوونین نیڤ دەولەتی ڕانابن و د ترسن ئەڤ پشکداریە ببنە ئەگەرین مەزنتر بوونا دەسکەفتێن نەتەوی و نشتیمانی و کارگێریێن هەرێما کوردستانێ ، کۆ ئەو ڤێ چەندێ لسەر خۆ ب مەترسی دبینن . چونکی وان دڤێن ئێمناهی و ئابوورێ کوردستانێ ئاڵووز بیت داکۆ ده‌رفەت بۆ وان بێتە پێش مایتێکرنێن راستەوخۆ ل ناڤخۆیێ هەرێمێ بکەت ، مینا ئیراقێ و سووریا .
سیاسەتا کوردستانێ ژی لسەر دەستێ پەیرەوێن پارتی دیموکراتی کوردستان و ڕێبازا پیرۆزا بارزانی نەمر ، هەمی هەوڵ و پیلانێن وان بن ئاخ دکەن . 
زۆربەی گەلێ کورد ژی ڤێ راستیێ دزانیت لەوما باوه‌ری دایێ ، شانازیێ پێ دبەت .
بڕەنگەکێ گشتی ئەڤ پێشوازیا نیڤ دەولەتیا ل سەرۆکێ هەرێما کوردستانێ  نێچیرڤان بارزانی و مەسروور بارزانی سەرۆکێ حکومەتا هەرێما کوردستانێ دهێتە کرن نیشانێ ، ئاسۆیێن گەش بەرامبەر گەلێ کورد و کوردستانێ ڤەدکەن ژبووی پێشڤەبرنا پرسا سیاسی و کارگێری و ئێمناهی و ئابووری یا هەرێما کوردستانێ .





ئەم هەواڵە 3913جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad