English | عربی | Kurdî دواهەواڵ
ڕاستەوخۆ  
 
وەزارەتى خوێندنى باڵا زەمالەی خوێندنى ماستەر لە کۆریا ڕادەگەیەنێت
2020-02-24 [12:23 PM]

ZNA - هەولێر


 

وەزارەتى خوێندنى باڵا و توێژینەوەى زانستى لە راگەیەنراوێکدا کە وێنەیەکی بۆ ئاژانسی هەواڵی زاگرۆس هاتووە تێیدا رایگەیاند، زەمالەى خوێندنى ماستەر لە وڵاتى کۆریا بۆ ساڵى خوێندنى(٢٠٢٠-٢٠٢١) بۆ فەرمانبەرانى وەزارەتى خوێندنى باڵا و توێژینەوەى زانستى ڕادەگەیەنێت، لەو چوارچێوەیەدا فەرمانبەرانی سەر بەوەزارەتی خوێندنی باڵا و توێژینەوەی زانستی ئاگادار دەکەینەوە کە وڵاتی کۆریا ژمارەیەک زەمالەی خوێندن لە بواری جیا جیا پێشکەش بە وەزارەت کردوە بەمەبەستی خوێندنی ماستەر بەم شێوەی خوارەوە:

 

·       پێشکەشکار دەبێت  فەرمانبەر بێت لە دامودەزگاکانی سەر بە وەزارەتی خوێندنی باڵا و توێژینەوەی زانستی لە هەرێمی کوردستان.

·       پێشکەشکار دەبێت بە لایەنی کەم دو ساڵ خزمەتی هەبێت لە پاش بە دەستهێنانی دوایین بڕوانامە.

·       دەبێت کۆنمرەی بەکالۆریۆسی لە (٪٦٥) کەمتر نەبێت.

تێبینی: ئەو بەڕێزانەی کە ئەنجامەکانیان بە پلەى (مام ناوەند، باش، زۆر باش، نایاب یا لە سەر ١٠٠ نیە) لە بڕوانامەکانیان نوسراوە، دەبێت لە لایەنی پەیوەندیدار بیگۆرن بۆ نمرە (بۆ نموونە ٦٥)، بە پێچەوانەوە دواجار لە وەزارەتەکەمان کاری لەسەر ناکرێت.

·       دەبێت تەمەنی پێشکەشکار لە (٤٠) ساڵ زیاتر نەبێت.

·        دەبێت پێشکەشکار بە لایەنی کەم ئاستی زمانی ئینگلیزی (5) IELTS یان هاوتاکەی لە (TOEFL) و ئایلتس و پی تی ئی بێت. خشتەی بەراوردکاری تێستی زمان هاوپێچە.

·       داواکار دەبێت لە هەمان بواری خۆی داواکاری بۆ بەرنامەی ماستەر پێشکەش بکات. (واتە بەکالۆریۆس و ماستەرەکەی لە هەمان بوار بێت).

·       کاندیدی سەرکەوتو، ئەوا لەلایەن وەزارەتی پەیوەندیدار تەنها مۆڵەتی خوێندنی پێدەدرێت واتە بە موچەی بنەڕەتی و دەرماڵەی جێگیرەکان.

·       کاندیدی سەرکەوتو لەلایەن وڵاتی کۆریا پشتگیری دارایی دەکرێت. وەک ئەوەی کە لە ماڵپەڕی زەمالەکە دەستنیشانکراوە.

·       دوا مۆڵەت بۆ پێشکەشکردن بریتیە لە (٩/٣/٢٠٢٠) بەڵام دۆکیومێنتەکان تەنها رۆژانی (٨) و (٩) ٣/٢٠٢٠ وەردەگیرێت.

·       بۆ زانیاری زیاتر تکایە سەرنجی فایلی پی دی فی هاوپێج بدەن و سەردانی ئەم ماڵپەڕە بکەن:

http://www.koica.go.kr/ciat/index.do

تکایە فۆڕمی تایبەت بەم زەمالەیە لەگەڵ تەواوی دۆکیومێنتی پێوسیت بۆ وەزارەتەکەمان/ بەڕێوەبەرایەتی پەیوەندییەکان رەوانە بکەن تا نیوەرۆی رۆژی (٩/٣/٢٠٢٠) بەم شێوەی خوارەوە:

تەواوی دۆکیومێنتەکان بە دو فایل (یەکێکیان بۆ وەزارەت و ئەوی تریان بۆ لایەنی کۆریا) پێشکەش بە وەزارەتەکەمان بکرێت.

-        فایلی لایەنی کۆریا:

فۆرمی زەمالەکە لەگەڵ تەواوی ئەو داواکاریانەی کە لە ماڵپەڕی زەمالەکە هاتوە بە هارد کۆپی و سۆفت کۆپی (بە شێوەی سی دی)

فایلی تایبەت بە وەزارەتەکەمان:

1. فۆڕمی زەمالەکە لەگەڵ تەواوی ئەو داواکاریانەی کە لە ماڵپەڕی زەمالەکە هاتوە.

2. لاری نەبونی شوێنی کارکردنی پێشکەش کار.

3. پوختەی ڕاژەی پێشکەشکار کە تیایدا بە ڕونی ماوەی خزمەتی کرداری لە دوای دواین بڕوانامە تیایدا دیاری کرابێت.

4. بڕوانامەی بەکالۆریۆس بە زمانی ئینگلیزی.

5. توانستی زمانی ئینگلیزی ( تۆیفل یا ئایلتس یا پی تی ئی).

6. وێنەی پاسپۆرت.

تێبینی: سەبارەت بە فایلی وەزارەت، تکایە تەواوی بەڵگەنامەکان بە دو فایل (ڕەسەن و کۆپی) پێشکەش بە وەزارەت بکرێت.

 





ئەم هەواڵە 2560جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad