English | عربی | Kurdî دواهەواڵ
ڕاستەوخۆ  
 
تاریق گەردی: عێراق تەوافقی تێدا نەمێنێت سەقامگیریی ناوچەکە تێک دەچێت
2020-02-24 [02:12 AM]

ZNA - هەولێر


 

شارەزایەکی دەستوور ئاشكرای کرد، ھەموو حکوومەتەکانی عێراق بە تەوافوق پێک ھاتوون، ئەو وڵاتە ئەگەر تەوافقی تێدا نەمێنێ، سەقامگیریی ناوچەکە تێک دەچێت.

تارق گەردی، شارەزای دەستوور، رایگەیاند، عێراقی نوێ، بەتایبەتی لەدوای دەستووری ساڵی ٢٠٠٥ لە سێ پێکھاتەی سەرەکی پێک دێت، ئەوانیش کورد و عەرەبی شیعە و سوننەن، ئەگەرچی بەڕێژە عەرەبی شیعە ٥٥%ی دانیشتووانی عێراق پێک دێنێت، بەڵام لەبەر ئەوەی دەستووری تەوافوقی بووە، ھەموو حکوومەتەکانیش بە تەوافوق پێک ھاتوون، ھەتا ھەرسێ سەرۆکایەتییەکە وەک عورفێک بە تەوافوق بەسەر سێ پێکھاتەکەدا دابەش کراون، بەڵام ئەگەر بێت و زۆرینە بیەوێ بەناوی دیموکراسیەتەوە حوکمی ئەوانی دیکە بکات، ئەوە عەدالەتی تێدا نامێنێ.

ئەو شارەزایەی دەستوور گوتیشی: " ئێمە جارێکی دیکە لەدوای پڕۆسەی ئازادیی عێراق گەڕاینەوە بەغدا لەسەر بنەمای دەستوور بوو وەک گرێبەستێکی نوێ لەگەڵ گەلانی عێراق، لە سێ شوێن دەستوور ئاماژە بە تەوازنی سیاسی دەکات، بەتایبەتی کورد و عەرەب."

دکتۆر تارق گەردی ڕوونی کردەوە: "ئەگەر لەناو شیعە ململانێ ھەبێت بۆ دیاریکردنی سەرۆکوەزیران ئەو پڕۆسەیەکی دیموکراسیە، بەپێچەوانەوە سەرۆکوەزیران شیعە بێت و لەژێر عەباوە خەڵک بکرێتە وەزیر و بەناوی سەربەخۆوە کوتلەکان وەزیر دانێن، ئەوە سەربەخۆ نییە، ھەرێمی کوردستان تایبەتمەندیی خۆی ھەیە و وەک ھەرێمێکی فیدڕاڵی، حکوومەت و دەزگای فەرمی و شەرعیی خۆی ھەیە، ھەر ھەماھەنگییەک ھەبێت، دەبێت لە ڕێگەی دەزگا فەرمییەکانی ھەرێمی کوردستانەوە بێت."

 

KDP.info





ئەم هەواڵە 4039جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad