English | عربی | Kurdî دواهەواڵ
ڕاستەوخۆ  
 
هاتووچۆ بڕیارێك له‌به‌رژه‌وه‌ندی شۆفێران ده‌رده‌كات
2020-02-25 [07:33 AM]

​ZNA – هه‌ولێر


بڕیاری پاره‌دانی سزای هاتوچۆ به‌شێوه‌ی قست گۆڕانکاری تێدا دەکرێت به‌بێ هیچ پێشه‌کییه‌ک دەبێت، که‌ پێشتر ده‌بوایه‌ هاووڵاتی بڕی 250 هه‌زار دینار وه‌کوو پێشه‌کی بدات.

هەروەها له‌کاتی ئه‌نجامدانی کڕین و فرۆشتن له‌سه‌ر هه‌ر ئۆتۆمبێلێک، که‌ پاره‌ی سزای له‌سه‌ر بێت، ده‌توانرێت پاره‌که‌ نه‌درێت و بکرێت به‌ قیست، قیسته‌كه‌ش بکه‌وێته‌ سه‌ر لایه‌نی کڕیار، به‌ مه‌رجێک‌ هه‌ردوولا (کڕیار و فرۆشیار) له‌سه‌ری ڕازی بن و کڕیار له‌ هاتوچۆ به‌ڵێننامه‌ بدات که‌ پاره‌که‌ له‌ماوه‌ی ساڵێکدا ده‌داته‌وه‌.

له‌ حاڵه‌تی به‌سه‌رچوونی ساڵیانه‌ و که‌ڵه‌که‌بوونی بڕێکی زۆری پاره‌ی سزای هاتوچۆ، ڕێگا ده‌درێت به‌ تازه‌کردنه‌وه‌ی ساڵیانه‌ به‌ مه‌رجێک خاوه‌ن ئۆتۆمبێل به‌ڵێننامه‌ بدات که‌ له‌ ماوه‌ی ساڵێکدا پاره‌ی سزاکان بداته‌وه‌، ساڵیانه‌که‌شی بۆ ماوه‌ی ساڵێک نوێ ده‌کرێته‌وه‌.

عەمید ئەسعەد مەلا کەریم، بەڕێوەبەری پلاندانان لەبەڕێوەبەرایەتی گشتی هاتوچۆی هەرێمی کوردستان بە باسی راگەیاند، لابردنی پێشەکی بۆ پاره‌دانی سزای هاتوچۆ هەموو هەرێمی کوردستان دەگرێتەوە، گوتی:" خۆی لە بنەڕەتدا بڕیاری دانی سزای هاتوچۆ و غەرامەی کامێرا، بە قیست هیچ پێشەکیەکی تێدا نەبوو، ئەو پێشەکیە کارێکی یاسایی نەبوو، بۆیە ئەو پێشەکیەکە لادرا و کارئاسانیەکی باشە بۆ هاووڵاتیان و شۆفێران."

ئه‌و ئاشکراشی کرد:  شۆفێرێک ملیۆنێک دینار سزا و غەرامەی هاتووچۆی لەسەر بێت بۆی دابەشی 12 پشکی یەکسان دەکرێت و هیچ پێشەکیەک وەرناگیرێت، بەڵکو ئە پارەی یەکەمجار لێی وەردەیگرێت وەکە قیستی یەکەم بۆی ئەژمار دەکرێت.

بەرپرسەکەی هاتووچۆ ده‌شڵێت: بەهۆی خراپی دۆخی دارایی خەڵکی کوردستان ، شۆفێرێكی زۆر سزای هاتووچۆیان لەسەرە، بۆیه‌ هەوڵ دەدەین ئاسانکاری بکرێت بۆ ئەوەی قەرزەکانی سەر شۆفێران کە بەهۆی نوێنەکردنەوەی ساڵیانە و کامنێرای هاتووچۆ و سزاکانی تر لەسەریان کەڵەکەبووە بدرێنەوە."

 

 





ئەم هەواڵە 16771جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad