English | عربی | Kurdî دواهەواڵ
ڕاستەوخۆ  
 
عێراق... كه‌سی شه‌شه‌م له‌ عێراق توشی كۆرۆنا بوو، سه‌رچاوه‌كه‌ش ئێرانه‌
2020-02-27 [12:52 PM]

ZNA - هه‌ولێر


وەزارەتی تەندروستی و ژینگەی عێراق، تۆمارکردنی حاڵەتێکی دیکەی تووشبوون بە ڤایرۆسی کۆرۆنا راگەیاند، بەوەش ژمارەی حاڵەتەکانی تووشبوون بە ڤایرۆسەکە کە تا ئێستا لە عێراق تۆمارکراون، گەیشتە شەش حاڵەت.

وەزارەتی تەندروستی و ژینگەی عێراق راگەیەندراوێکی لە هەژماری تایبەتی خۆی لە تۆڕی کۆمەڵایەتی فەیسبووک بڵاوکردووەتەوە و تیایدا ئەوەی ئاشکراکردووە کە گەنجێکی دانیشتووی شاری بەغدا کە پێشتر سەردانی ئێرانی کردووە و دوای گەڕانەوەی بۆ عێراق لە یەکێک لە بنکە تەندروستییەکان پشکنینی بۆ کراوە.

بەپێی راگەیەندراوەکە، ئەنجامی پشکنینەکان جۆری نوێی ڤایرۆسی كۆرۆنا (covid-19) له‌ گەنجەکەدا بەدی کراوە.

لە راگەیەندراوەکەدا ئاماژە بەوەشکراوە کە لەئێستادا، تووشبووەکە لە یەکێک لە نەخۆشخانەکانی بەغدایە و رەوشی تەندروستی جێگیرە.

وەزارەتی تەندروستی و ژینگەی عێراق باسی لەوەشکردووە کە بەپێی رێنمایەکانی تەندروستی نێودەوڵەتی، هەموو رێوشوێنێکی بۆ چاودێکردنی رەوشی تەندروستی کەسە تووشبووەکە بە ڤایرۆسی کۆرۆنا گرتووەتەبەر.

پێشتر وەزارەتی تەندروستی و ژینگەی عێراق، تۆمارکردنی چوار حاڵەتی تووشبوون بە ڤایرۆسی کۆرۆنا لە کەرکووک و حاڵەتێکیش لە نەجەف راگەیاندبوو.





ئەم هەواڵە 9076جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad