English | عربی | Kurdî دواهەواڵ
ڕاستەوخۆ  
 
یەکێتی تۆپی پێی کوردستان چەند بڕیارێکی نوێ دەردەکات 
2020-02-29 [04:39 AM]

ZNA- ھەولێر


ئەمڕۆ شەممە ٢٠٢٠/٢/٢٩ بە ئامادەبوونی سەرۆک و جێگر و سەرجەم ئەندامەکانی، یەکێتی تۆپی پێی کوردستان کۆبوونەوەی ئاسایی خۆی ئەنجامدا و، ئەم بڕیار و راسپاردانەی خوارەوەی دەرکرد:

١- ئاگاداری سەرجەم سەرپەرشتیاران و ھەڵسەنگێنەرانی یارییەکان دەکەینەوە، پێویستە پێش یارییەکان پشکنینی ورد لە ھێلکاری یاریگە و تۆڕی گۆڵەکان و ئاڵای سووچەکان و کێشی تۆپ و پێداویستی یاریزانان لە ژمارە سەر درێس و ناسنامە و باجەکانی نێو یاریگەدا بکەن.

٢- بڕیاردرا بۆ لێژنەی ناوبژیوانان لە تەواوی یارییەکانی داھاتوودا، بە ھیچ شێوەیەک ناوبژیوانان بە (سڕڕەکاری) دانانرێت، بەڵکو باشترین ستافی ناوبژیوانان بۆ یارییەکان دادەنرێت، ئەمەیش لەبەر ھەستیاری یارییەکانی خولی نایابی کوردستان.

٣- ھیچ یاریزانێک بۆی نییە یاری بکات، ئەگەر ناسنامەی ڕەسەن (اێلی) نەبێت، سەرپەرشتیارانی یاری و ناوبژیوانان بەرپرسیارن لە جێبەجێ کردنی ئەم بڕیارە.

٤- داوا لە نوێنەرانی یانە پلەنایابەکانی تیپی فوتساڵی کچانی کوردستان دەکەین، رۆژی شەممە ٢٠٢٠/٣/٧ لە کاتژمێر ١١:٠٠ ـی بەیانی لە بارەگەی یەکێتی تۆپی پێی کوردستان ئامادەبن، بۆ کاری پێویست.

٥- ئێمە لە یەکێتی تۆپی پێی کوردستان لە کاتی ئەنجامدانی یارییەکان ھەرکاتێک بە فەرمی ئاگادار کراینەوە پابەندی تەواوی رێنماییەکانی ھەردوو وەزارەتی ناوەخۆ و تەندروستی حکومەتی ھەرێمی کوردستان تایبەت بە نەخۆشی (کۆڕۆنا) دەبین، لەگەڵ ھیوای سەلامەتی و تەندروستییەکی باش بۆ ھەرێمەکەمان و عێراق و جیھان، خوازیارین ھەموو لایەک پابەندی رێنماییە تەندروستییەکان بین.

٦- یارییەکانی گەڕی حەڤدەیەمی خولی نایابی کوردستان بەمشێوەیەی خوارەوە ئەنجام دەدرێت:

یارییەکانی رۆژی پێنجشەممە ٢٠٢٠/٣/٥

سۆران × برایەتی
دەربەندیخان × شێروانە
ھەندرێن × پێشمەرگەی ھەولێر

یارییەکانی رۆژی ھەینی ٢٠٢٠/٣/٦

ھەولێر × زاخۆ
زێرەڤانی × دھۆک
سیروانی نوێ × پێشمەرگەی سلێمانی

یاسین ئەحمەد 
 





ئەم هەواڵە 280جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad