English | عربی | Kurdî دواهەواڵ
ڕاستەوخۆ  
 
یۆنان: هەر کۆچبەرێک بە نایاسایی بیەوێت بێتە نێو خاکی یۆنان دەیگەڕێنینەوە بۆ تورکیا
2020-03-02 [07:58 AM]

ZNA – هەولێر


سەرۆک وەزیرانی یۆنان رایگەیاند، بە هەموو شێوەیەک پارێزگاری لە سنوورەکانی وڵاتەکەیان دەکەن و رێگە بە هاتنی کۆچبەران نادەن، ئاماژەی بەوەش کرد، هەر کۆچبەرێک بە نایاسایی بیەوێت بێتە نێو خاکی یۆنان دەیگەڕێننەوە بۆ تورکیا.

کریاکۆس میتسوتاکیس، سەرۆک وەزیرانی یۆنان لە توویتێکیدا لەبارەی هاتنی لێشاوی کۆچبەران بۆسەر سنوورەکانی وڵاتەکەی نووسیویەتی "ئاسایشی نەتەوەییمان بڕیاریانداوە ئاستی رووبەڕووبوونەوە لەسەر سنوورەکانمان بۆ ئەوپەڕی زیادبکەن، تاوەکو مانگێکی دیکە ئێمە هیچ داواکارییەک بۆ مافی پەنابەرێتی پەسند ناکەین".

سەرۆک وەزیرانی یۆنان لە توویتێکی دیکەیدا ئاماژەی بەوە کردووە، بە هیچ شێوەیەک رێگە بە هاتنی کۆچبەران بۆ نێو وڵاتەکەیان نادەن، هۆشداری بە کۆچبەران دەدات کە هەوڵنەدەن بێنە نێو یۆنانەوە، چونکە دەیانگەڕێننەوە.

کریاکۆس میتسوتاکیس دەشڵێت، سنوورەکانی یۆنان سنووری دەرەوەی ئەوروپان و دڵنیایی دەدات بە وڵاتانی ئەوروپی کە بۆ دڵنیاکردنەوەیان "ماددەی 78.3 لە رێککەوتنی TFEU کارادەکەین".

بەهۆی هێرشی سوپای سووریا لە ئیدلب كە 33 سەربازی تورکیا کوژران، تورکیا دەروازە سنوورییەکانی لەگەڵ ئەوروپا بەڕووی کۆچبەراندا کردەوە و رایگەیاند، چیدی ناتوانێت بەر بە لێشاوی کۆچبەران و ئاوارەکان بگرێت، یۆنان و وڵاتانی ئەوروپاش رێوشوێنەکانیان تووندتر کردووە بۆ رێگری لە گەیشتنی کۆچبەران بە وڵاتەکانیان.

 

 





ئەم هەواڵە 322جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad