English | عربی | Kurdî دواهەواڵ
ڕاستەوخۆ  
 
عادل عه‌بدولمه‌هدی نامه‌یه‌كی ئاراسته‌ی سه‌رۆك كۆماری عێراقی فیدراڵ و سه‌رۆكی ئه‌نجوومه‌نی نوێنه‌ران كرد
2020-03-02 [04:12 AM]

ZNA_ هەولێر


سه‌رۆك وه‌زیرانی كاربه‌ڕێكه‌ری عێراق، عادل عه‌بدولمه‌هدی نامه‌یه‌كی ئاراسته‌ی سه‌رۆك كۆماری عێراقی فیدراڵ، به‌رهه‌م ئه‌حمه‌د ساڵح و سه‌رۆكی ئه‌نجوومه‌نی نوێنه‌ران، محه‌مه‌د حه‌لبووسی و نوێنه‌ران كرد.

له‌ نامه‌كه‌دا هاتووه‌: به‌ داخێكی زۆره‌وه‌ راسپێردراو بۆ پێكهێنانی كابینه‌ی نوێ، كه‌ تا ئه‌مڕۆ مۆڵه‌تی ده‌ستووری هه‌بوو كابینه‌كه‌ی رابگه‌یه‌نێت، نه‌یتوانی سه‌ركه‌وتوو بێت و كابینه‌ی نوێ پێكبهێنێت و ئه‌م ره‌وشه‌ش لێمان ده‌خوازێت هه‌نگاوی گونجاو له‌ هه‌مبه‌ری بگرینه‌ به‌ر.

هه‌روه‌ها هاتووه‌: مه‌ترسیدارترین ره‌وشێك كه‌ رووبه‌ڕووی وڵات و گه‌لمان ده‌بێته‌وه‌ درووستبوونی بۆشایی ئیداری و ده‌ستوورییه‌. باشترین رێگه‌چاره‌ش پابه‌ندبوونه‌ به‌ ده‌ستووره‌وه‌. هه‌ر بۆیه‌ داوا ده‌كه‌م:

1- ئه‌نجوومه‌نی نوێنه‌ران له‌ دانیشتنێكی نائاساییدا پرسی یاسای هه‌ڵبژاردن و بازنه‌كانی و كۆمیسیۆنی هه‌ڵبژاردنه‌كان یه‌كلا بكاته‌وه‌. پێشنیازیش ده‌كه‌م رۆژی 4ی كانوونی یه‌كه‌م/ دیسێمبه‌ری 2020 ده‌ستنیشان بكرێت بۆ به‌ڕێوه‌چوونی هه‌ڵبژاردن. پێش 60 رۆژیش له‌و رێكه‌وته‌ ئه‌نجوومه‌نی نوێنه‌ران خۆی هه‌ڵبوه‌شێنێته‌وه‌. له‌ پاڵ سندوقی هه‌ڵبژاردندا سندووقێكی دیكه‌ دابنرێت بۆ ده‌نگدان به‌ گۆڕانكارییه‌ ده‌ستوورییه‌كان و راپرسی له‌سه‌ر ده‌ستوور.

2- راسپاردنی جێگرێكی سه‌رۆك وه‌زیران یان یه‌كێك له‌ وه‌زیره‌كان بۆ ئیداره‌دانی كۆبوونه‌وه‌كانی ئه‌نجوومه‌نی وه‌زیران.

سه‌ره‌ڕای چه‌ند داواكارییه‌كی دیكه‌، سه‌رۆك وه‌زیرانی كاربه‌ڕێكه‌ر داواشیكردووه‌، په‌له‌ بكرێت بۆ پێكهێنانی كابینه‌ی نوێی حكومه‌ت. 





ئەم هەواڵە 1192جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad