English | عربی | Kurdî دواهەواڵ
ڕاستەوخۆ  
 
بۆچی یەكدەنگی و یەكرێزی لایەنە سیاسییەكان گرنگە
2020-03-03 [10:00 AM]

ZNA-هەولێر


ئه‌ندامێكی په‌رله‌مانی كوردستان رایگه‌یاند: دوای قۆناغی دەست لە كاركێشانەوەی عادل عەبدولمھدی و راسپاردنی محەمەد عەلاویی بۆ پیكھێنانی كابینەی نوێی حكوومەتی عێراق بینیمان چۆن ھەول دەدرێت گەلی كوردستان پەراوێز بخرێت بەبێ ئەوەی راچاوی خەبات و قوربانیدانی گەلەكەمان و پشكی خۆمان لە عیراقی دوای رووخانی رژێمی بەعس بكەن كە ئەمەش مایەی سەرنج و تێرامانە و ھەولێكی تری تاكرەوییە بۆ پەراوێزكردنی كوڕد.

وه‌یسی سه‌عید وه‌یسی ئه‌ندامی په‌رله‌مانی كوردستان به‌ ئاژانسی هه‌واڵی زاگرۆسی راگه‌یاند: لە دەستوری نوێی عیراقدا ماف و داخوازییەكانی گەلەكەمان جێگیر كراون بۆیەش گرنگە لەگەل ئەم رەوشە تازەیە گەلی كوردستانیش زیاتر یەك دەنگ ویەك رێزبێت كە ھەر بەمەش دەتوانێت بەسەر ھەموو ئەگەرەكان سەر بكەوین كە ئەزموونی رابردووشدا دەریخست ھەر كاتێك كورد یەكرێزو یەك ھەلوێست بووبێت ئەوا توانیوێتی دەسكەوتی گەورە بەدەست بھێنێت و بەسەر گشت لەمپەرەكاندا سەربكەوێت بە پێچەوانەشەوە دووچاری ھەر گرفت و كێشەیەك بووبیت دەرەنجامی پەرتەوازیی و ناتەبایی نێوان لایەنە سیاسیەكان بووە.

وه‌یسی سه‌عید ئاشكرایكرد: گرنگە لەم ئان و ساتەیەدا كە بەرەو و سالیادی راپەرینی ئاداری سالی 1991 دەچین ھەلوەستەیەك بۆ رابردوو بكەین و سەیری رۆژانی راپەرین بكەین كە چۆن لەگەل ئەوەی سەركردایەتی سیاسی بەرەی كوردستانی ھێزو چەكی سەربازی كەمی ھەبوو بەلام توانی بەیەكگرتووی لایەنە سیاسییەكان بەسەر گشت بەربەستەكان سەر بكەوێت و بەھێزترین رژێم لەزۆربەی شارو شارۆچكەكانی ھەرێمی كوردستان لەناو بەرێت، ھەر چەندە ڕاپەرین ڕووداوێکی زۆر گەورەی مێژووی بزوتنەوەی ڕزگاری خوازی گەلی کوردستان بوو کە سەلماندی چیتر گەلی كوردستان ژێر دەستەیی قبول ناکات بەلام لەگەل ئەمەشدا ڕاپەرین بەرھەمی یەك رێزی ویەك ھەلوێستی سەرجەم لایەنە سیاسیەكانی بەرەی کوردستانی بوو کە گشت حیزب و لایەنە سیاسیەکانی بۆ یەک ئامانج کۆكردەوە بەمەش ڕاپەرین پێی گوتین بەیەک رێزی گەل دەتوانرێت سەرکەوتنی گەورە تۆمار بکرێت و ھەنگاو بۆ ئایندەیەکی پڕشنگدار بنێین.

ئه‌و ئه‌ندام په‌رله‌مانه‌ گوتیشی: جێگای خۆیەتی لەم قۆناغەی ئێستادا ھەر ھەموو لایەنەکان بەھەمان ڕۆحیەتی ڕۆژانی ڕاپەرین کار بکەن لە ئاستی ھەستیاری ئەم قۆناغەیەدا بن و زیاتر لە جاران سورتربن لەسەر یەكگرتووی و تەبایی و یەك دەنگی و ھەوڵی پاراستنی دەسكەوتەكان بدەن ھەر چەندە ئەوەی لە ئێستادا لە نێوان لایەنە سیاسیەكاندا ھەستی پێ دەكرێت لە بەغدا مایەی دلخۆشی و ستایشە كەلە چوارچێوەی سەرۆكایەتی ھەرێمی كوڕدستان مامەلە لەگەل بەغدا دەكەن بەلام لەگەل ئەمەشدا گرنگە پەرەی زیاتر بەم یەك رێزییە بدەن كە بەمە دەتواندرێت داكۆكی لە مافە یاسایی و دەستورییەكانمان بكەین و بە كەمتر لەم مافانەمان رازی نەبین كە لە دەستووری عیراق دا جێگیر كراون.

هه‌روه‌ها ئه‌وه‌شی دیاریكرد: بەداخە و دوای چەندین سال لە رووخانی رژێمی بەعس ھێشتا ئەو كەس و لایەنانە ھەر ماون كە بە ھەمان بیركردنەوە و تێروانینی سەرانی بەعس بیردەكەنەوە و بروایان بە (شەڕاكەت -تەوافوق-ھاوسەنگی)نی یە بە دلنیایەوە یەكگرتووی و یەك ھەلوێستی فراكسیۆنە كوردستانیەكان لە بەغدا دەبێتە سەرەتاێكی سەركەوتوو بۆ كاری تری ھاوبەش، چونكە هەڵوێستی فراكسیۆنە كوردستانییەكان لە بەغدا، لەسەر پرسە هەنووكەییەكانی عێراق و پێشڤە چوونە سیاسییەكان، پێویست و گرنگە كە ڕەنگدانەوەی راستەوخۆی لەسەر رەوشی سیاسی هەرێمی كوردستانیش دەبێت، وە دەرفەتێكیش بۆ سەركردەكانی كوردستان دەرەخسێنێت بۆ كاری زیاتری پێكەوەیی تا ھەموویان بە یەکدەنگی نیشتیمانی كار بكەن لە ھەمبەر پرسە جیا جیاکانی کوردستان چونکە ڕەوشەکە وا پێویست دەکات ھەموو لایەك لە ئاست ھەستیاری قۆناغەكەدا بین و بە یەک ڕێزی و یەک دەنگی و تەبایی ھەنگاو بنێین.

له‌كوتاییدا ئه‌وه‌شی خسته‌روو: بە دلنییایەوە یەک ریزی لایەنەکان ھەم لەسەر ئاستی دەرەوە پێگەی ھەرێمی کوردستان بەھێزتر دەکات ھەمیش فاکتەری سەرەکییە بۆ پاراستنیی دەسكەوتەكانی خەلكی کوردستان و زامن كردنی مافە دەستوری و یاساییەكانمان بۆ ئەوەی چیتر رێگا نەدرێت تەنھا لایەنێك بریار لە پرۆسەی سیاسی و بەرێوەبردنی عیراق بدات، خوای گەورە یارمەتی دەری ھەموو لایەكمان بێت بۆ داكۆكی كردن لە مافەكانمان.





ئەم هەواڵە 1618جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad