English | عربی | Kurdî دواهەواڵ
ڕاستەوخۆ  
 
بۆ پاراستنی دڵ هەر خواردن و وەرزشكردن بەس نین
2020-03-04 [09:41 AM]

ZNA ــ هەولێر


ئەوە سەلمێنراوە، كە خواردنی تەندروست و وەرزشكردن و جگەرەنەكێشان بۆ پاراستنی دڵ لە تووشبوون لە نەخۆشییەكان كاریگەرن، بەڵام بەچاوپۆشین لە خواردنی سەوزە و میوە و كردنی راهێنانە وەرزشییەكان چەند میكانیزمێكی تر هەیە، كە دەكرێت بگیرێتەبەر بۆ ئەوەی مەترسییەكانی توشبوون بەنەخۆشییەكانی دڵ و بۆرییەكانی خوێن كەمبكرێتەوە .

لەو بارەیەوە دكتۆر جۆنز هیگنز پزیشكی نەخۆشییەكانی دڵ و لوولەكانی خوێن لە "University of Texas Health Science Center"  لە هیوستن باس لە پێنج ستراتیژییەتی سادە دەكات، كە دەكرێت لەپێناو دەستەبەركردنی تەندروستی دڵ رۆژانە پەیڕەو بكرێت .

بە قسەی هیگنز ئەو پێنج ستراتیژییەتە سادەیە بریتین لە:
یەكەم گرنگیدان بە پاكراگرتنی دەم و ددانەكان، بەپێی لێكۆڵینەوە پزیشكییەكان رۆژانە دوو جار شووشتنی دەم‌و ددانەكان ئەگەری تووشبوون بە نەخۆشییەكانی دڵ  ولوولەكانی خوێن كەمدەكاتەوە .

دووەم خەوی باش، لەبەر ئەوەی بڕی خەو و كولێتییەكەی پەیوەندی هەیە بەزیادبوونی كێش، پەیرەوكردنی سیستەمی خۆراكی تەندروست، تووشبوون بە نەخۆشی شەكرە، بەرزبوونەوەی فشاری خوێن، هەموو ئەمانە هۆكارن بۆ زیادبوونی مەترسییەكانی تووشبوون بەنەخۆشییەكانی دڵ.

سێیەم دووركەوتنەوە لە هەوای پیس، هەوای پیس هەر ژینگە تێكنادات، بەڵكو زیان بە دڵیش دەگەیەنێت، لەبەر ئەوەی بەتێپەڕبوونی كات ئەو تەنۆكە بچووكانەی لەهەوادان دەبنە هۆی زیادبوونی مەترسییەكانی تووشبوون بە جەڵتەی دڵ، هەروەك هۆكارە بۆ تێكچوونی تێكرای پەستانی خوێن و هەوكردنی لوولەكانی خوێن، كە لای خۆیەوە دەبێتە هۆی رەقبوونی خوێنبەرەكان .

چوارەم بەخێوكردنی ئاژەڵی ماڵی، بەپێی لێكۆڵینەوەكان ئەو كەسانەی ئاژەڵی ماڵی بەخێو دەكەن لەكەسانی ئاسایی زیاتر ئاسوودەن‌و كەمتر مەیلی جگەرەكێشانیان هەیە و كەمتر مەترسی توشبوون بە نەخۆشی شەكرەیان هەیە، دواجار كاریگەری لەسەر تەندروستی دڵی دەبێت و ژیانێكی درێژتر دەژین.

پێنجەم پێكەنین، دەوترێت پێكەنین لە دەرمان باشترە بەتایبەت ئەگەر كارەكە پەیوەندی بە تەندروستی دڵەوە هەبێت، دەركەوتووە پێكەنین پەیوەندی هەیە بەباشتركاركردنی لوولەكانی خوێن و دابەزاندنی پەستانی خوێن، ئەوە جگە لە كەمكردنەوەی هەوكردنی خوێنەبرەكان .





ئەم هەواڵە 6349جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad