English | عربی | Kurdî دواهەواڵ
ڕاستەوخۆ  
 
ئەمەریکا زياتر لە هەشت ملیار دۆلار بۆ ڕووبەڕووبوونەوەی کۆرۆنا دابین دەکات
2020-03-05 [11:02 AM]

ZNA - هەولێر


 

ئەنجومەنی نوێنەرانی ئەمەریکا بۆ تەرخانکردنی 8.3 ملیار دۆلار بۆ ڕووبەڕووبوونەوەی نەخۆشی کۆرۆنا پـرۆژە بڕیارێکی پەسەندکرد، ئەو ڤایرۆسە تا ئێستا 11 کەسی لە ئەمەریکا لە کۆی 154 کەس کوشتووە.

ئەنجومەنی نوێنەران بە دەنگی 415ئەندام بەرامبەر دوو ئەندام پـرۆژە بڕیارەکەی پەسەندکرد. ئەم بڕە پارەیە زۆر لەوەی سەرۆک ترامپ لە کۆنگرێسی داواکردبوو زیاترە کە 2.5 ملیار دۆلار بوو.

ئەندامانی هەردوو پارتی کۆماری و دیموکرات پشتیوانی لە پـرۆژەکە دەکەن.

بڕیارە سبەی ئەنجومەنی سینات تاووتوێی پـرۆژە بڕیارەکە بکات و پـێشبینی دەکرێت لەوێش پەسەندبکرێت تاوەکو ڕەوانەی بەردەم سەرۆک ترامپ بکرێت و ئەویش واژوی بکات و ببێتە بڕیار.

پـێشتر سەرۆک ترامپ گوتویەتی ئەگەر کۆنگرێس لەو بڕە پارەیەی داوایکردووە زیاتر تەرخان بکات، ئەو لاری نیـیە.

بەپـێی پـرۆژە بڕیارەکە پارەکە تەرخان دەکرێت بۆ یارمەتیدانی ویلایەتەکان و حکومەتی فیدراڵی لە هەوڵەکانیان بۆ قەڵاچۆکردنی ڤایرۆسی کۆرۆنا و هەروەها بۆ دروستکردنی کوتان (ڤاکسین) و دابینکردنی بۆ ئەمەریکایـیەکان.

خانم نیتا لۆوی دیموکرات سەرۆکی کۆمیتەی دابینکردنی بوجە لە ئەنجومەنی نوێنەران گوتی" دەبێت بە خێرایی بڕیارەکە دەربکەین، ژیانی خەڵکی لە مەترسیدایە."

 

بەر لە دەنگدانەکە بە ماوەیەکی کورت، 4 ڕێبەری دیموکرات و کۆماری نێو کۆنگرێس لە پـلانێکی نهێنی بۆ کۆنگرێس ئاگادارکرانەوە ئەگەر نەخۆشیـیەکە لە واشنتن بڵاوبوویەوە.

 

جێی ئاماژەیە واشنتن بەو پـێـیەی پایتەختە، بەردەوام خەڵکی لە ویلایەتەکانی دیکە و سەرانسەری جیهان سەردانی دەکەن. تەنیا بینای کۆنگرێس ساڵانە نزیکەی 3 ملیۆن کەس سەردانی دەکەن.





ئەم هەواڵە 6367جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad