English | عربی | Kurdî دواهەواڵ
ڕاستەوخۆ  
 
پاراستنی دەسكەوتەكانی ڕاپەرین ئەرك و بەرپرسیاریەتییە
2020-03-07 [10:05 AM]

​ZNA - هەولێر


ئه‌ندامێكی په‌رله‌مانی كوردستان رایگه‌یاند: 29 ساڵ بەر لە ئێستا لە 5 تا 21ی ئادار خەڵکی کوردستان بە پاڵپشتی بەرەی كوردستانی دژ بە ڕژێمی خۆسەپێن و دیکتاتۆری عیراق ڕاپەری کە چەندین ساڵ بوو بە دەست زوڵم و ستەم و ژێر دەستەیی دەیناڵاند.

وه‌یسی سه‌عید وه‌یسی ئه‌ندامی په‌رله‌مانی كوردستان به‌ ئاژانسی هه‌واڵی زاگرۆسی راگه‌یاند: ڕاپەرین وەرچەرخانێكی زۆر گەورەی مێژوویی بزوتنەوەی ڕزگاری خوازی گەلی کوردستانە کە سەلماندی كە ئیدی چیتر ژێر دەستەیی و چەوساندنەوە قبول ناکات چونکە ڕاپەرین بۆ ھەتا ھەتایە بووە ھێمایەک بۆ خۆ بەدەستەوە نەدان و قبول نەکردنی داگیرکاری كە دەسكەوت و گۆرانكاری ھێنایە ئاراوە دەربری خواست و ویستی كوردستانیان بوو.

وه‌یسی سه‌عید ئاشكراكرد: گرنگە ساڵانە لەگەل یادکردنەوەی ئەم بیرەوەریە مێژووییە سوود و وانە لەم ڕووداوە مێژوویە وەربگرین کە بە بیرمان دێنێتەوە سەركەوتنی گەورە لە یەك رێزی و تەبایی دایە چونکە ڕاپەرین بەرھەمی یەك رێزی بەرەی کوردستانی بوو کە حیزب و لایەنە سیاسیەکان لە ناو یەک بەرەیەدا بۆ یەک ئامانج کۆبونەوە کە سەرەنجام توانییان بەسەر گەورەترین رژێم سەربکەون بەمەش ڕاپەرین سەلماندی بەیەک رێزی گەل دەتوانرێت سەرکەوتنی گەورە تۆماربکرێت و ھەنگاو بۆ ئایندەیەکی پڕشنگدار بنێین کە لەگەل یادكردنەوەی ڕۆژانی ڕاپەرین  گرنگە ھەر ھەموو لایەكمان  بەھەمان ڕۆحیەتی ڕۆژانی ڕاپەرین کار بکەن لە ئاستی ھەستیاری ئەم قۆناغەی ئێستای کوردستان.

ئه‌و ئه‌ندام په‌رله‌مانه‌ دیاریشیكرد: راپەرین گەورەترین دەسكەوتی بۆ گەلەكەمان بە دەست ھێنا ئەویش دروست بوونی قەوارەی ھەرێمی كوردستان بوو كە ئەرك و بەرپرسیارەتییە ھەوڵی ڕێکخستنی ڕیزەکان و یەکدەنگی نیشتیمان بدەین بۆ پاراستنی  چونکە ڕەوشەکە وا پێویست دەکات لە جاران سوورتر بیین لەسەر یەک ڕێزی و یەک دەنگی و تەبایی كە پاراستنی دەسكەوتەكانی راپەرین بە یەكرێزی لایەنە سیاسییەكان دەكرێت كە بە داخەوە ئەگەر چی لە رابردوودا رۆلەكانی كوردستان راپەرینیان دژ بەرژێمی بەعس كرد بەلام ھێشتا ئەوانەی بەعس ئاسا بیردەكەنەوە و بەھەمان عەقلییەت مامەلە ده‌كەن ھەر ماون بۆیەش لە دژایەتی و پەراوێز خستنی كورد بەردەوامن كە دوا ھەولی شیان پێكھنانی كابینەكەی عەللاوی بوو بەبێ بەشداری كوڕد كە ئەمەش پێچەوانەی دەستووری ھەمیشەیی عیراقە كە لەسەر بنەمای شەراكەت و تەوافوق و ھاوسەنگی داندراوە.

له‌ كوتاییدا ئه‌وه‌شی خسته‌روو: تەنھا بەیەكھەلوێستی لایەنە سیاسییەكان دەتوانین داكۆكی لەمافە یاسایی و دەستورییەكانی خەلكی كوردستان بكەین و كە ڕاپەرین زۆر بە جووانی فێری کردین كە تەنھا بە یەک ریزییەوە سەردەكەوین.





ئەم هەواڵە 1591جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad