English | عربی | Kurdî دواهەواڵ
ڕاستەوخۆ  
 
بەرپرسێکی تەندروستیی جیهانی: کۆرۆنا لە کوردستان لەژێر کۆنترۆڵدایە
2020-03-07 [09:43 AM]

ZNA ــ هەولێر


بەرپرسێکی رێکخراوی تەندروستیی جیهانی لە عێراق رایدەگەیێنێت، ئەو رێوشوێنانەی بۆ تەشەنە نەسەندن و بڵاوبوونەوەی ڤایرۆسی کۆرۆنا لە هەرێمی کوردستان گیراونەتەبەر، شتێکی زۆر باشە، سەرەڕای تۆمارکردنی چەند تووشبوویەک، بەڵام رەوشەکە لەژێر کۆنترۆڵ دەرنەچووە.بە پێویستیشی دەزانێت مامەڵەیەکی دروست لەگەڵ ئەو کەسانە بکرێت کە بەو پەتایە دەمرن، چونکە ئەو کەسەی بەو پەتایە دەمرێت رێژەیەکی زیاتر لەو ڤایرۆسەی هەڵگرتووە.

 

وائیل حەتاحت، بەرپرسی هۆبەی فریاکەوتنی رێکخراوی تەندروستیی جیهانی لە عێراق، لە میانی بەشداریکردنی لە نووڕۆژی دۆستانی تۆڕی میدیایی رووداو لەبارەی رێوشوێنەکانی پێشگیری لە کۆرۆنا لە عێراق و کوردستان رایگەیاند، هەڵسەنگاندنی ئەوان بۆ ئەو بابەتە پشت بەوە دەبەستێت کە خەڵک و دامەزراوە حکومییەکان چۆن خۆیان دەپارێزن.

 

ئەو بەرپرسە دەڵێت، ئەو یاسا و رێنماییانەی کە گشتاندنیان بۆ کراوە سەبارەت بە قوتابخانەکان و دامەزراوە حکومییەکان شتێکی زۆر باشە، ئەگەر چی کاریگەری خراپی لەسەر ئابووری و خوێندن دەبێت، بەڵام بۆ تەندروستیی گشتی شتێکی باشە، پێویستە پەیوەندی نێوان کەسەکان لەم کاتەدا لەگەڵ یەکدی کەمبکرێنەوە، تەنها لە شوێنی کراوە نەبێت، بەڵام بۆ شوێنە داخراوەکان پێویستە بە شێوەیەکی باش کۆنترۆڵ بکرێت.

 

وائیل حەتاحت، دەڵێ، خاڵی دووەم کە بەدواداچوونی لەسەر دەکەن، "چاودێریکردن و بەدواداچوونی ئەو کەسانەیە کە بەر لە 14 رۆژ دەرکەوتووە کە تووشبوون، ئەویش لە چوارچێوەی رێگەکانی بڵاوبوونەوەی نەخۆشییەکە، هێشتا بەو ئاستە نەگەیشتەوە کە لەژێر کۆنترۆڵ دەربچێت، چەند کەیسێک دەستنیشان کراون کە جێگەی گومان نییە، بەڵام لەژێر کۆنترۆڵدایە و دەشتوانین کۆنترۆڵی بکەین".

 

سەبارەت بەو رێککارانەشی کە پێویستە لەگەڵ کەسێک بگیرێتەبەر کە بەو پەتایە گیانی لەدەستداوە، بەرپرسی هۆبەی فریاکەوتنی رێکخراوی تەندروستی جیهانی گوتی: "بە شێوەیەکی گشتی هەر کەسێک بەو پەتایە بمرێت دەبێت بە شێوەیەکی دروست مامەڵەی لەگەڵ بکرێت، بێگومان ئەو کەسەی بەو پەتایە دەمرێت رێژەیەکی بەرز لەو ڤایرۆسەی هەڵگرتووە، بۆ دەبێت ئاگایی و خۆ پارێزیمان زیاتر بێت، بە تایبەت لەگەڵ ئەو کەسانەی کە بەریەککەوتنی راستەوخۆیان لەگەڵ ئەو کەسە هەیە، چ کارمەندانی تەندروستی و چ ئەوانەشی مامەڵەیان لەگەڵ ئەو کەسەدا کردووە".

 

 

 

س.ڕووداو





ئەم هەواڵە 2203جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad