English | عربی | Kurdî دواهەواڵ
ڕاستەوخۆ  
 
یەکێتی تۆپی پێی کوردستان چەند بڕیارێکی نوێ دەردەکات 
2020-03-07 [02:09 AM]

ZNA- ھەولێر 


ئەمڕۆ شەممە ٢٠٢٠/٣/٧ بە ئامادەبوونی سەرۆک و جێگر و سەرجەم ئەندامەکانی، یەکێتی تۆپی پێی کوردستان کۆبوونەوەی ئاسایی خۆی ئەنجامدا و، ئەم بڕیار راسپاردانەی خوارەوەی دەرکرد.

١- ئاگاداری سەرجەم یانەکانی خولی نایابی تۆپی پێی کوردستان دەکەینەوە، پابەندبن بە بڕیاری حکومەتی ھەرێمی کوردستان تایبەت بە ئامادەنەبوونی جەماوەری وەرزشی لە یاریگەکاندا بە ھۆی بڵاوبوونەوەی ڤایرۆسی (کۆڕۆنا)، خوازیارین سەرجەم یانەکان و یەکەی کارگێری شار و شارۆچکەکان ئەم بڕیارە وەک خۆی جێبەجێ بکەن و ھاوکارمان بن، کە سوود و قازانجی تەندروستی بۆ ھەمووان ھەیە.
٢- سەرجەم یارییەکانی گەڕی ھەژدەیەمی خولی نایابی کوردستان لە رۆژی پینجشەممە ٢٠٢٠/٣/١٢ بەرێوە دەچێت.
٣- یاری دوا گەڕی خولی پلەیەکی کوردستان لە نێوان یانەکانی (چەمچەماڵ و ھەڵۆ) لە رۆژی پێنجشەممە ٢٠٢٠/٣/١٢ لە یاریگەی یانەی چەمچەماڵ لە کاتژمێر ٢:٣٠ ـی ئێوارە ئەنجام دەدرێت، یانەی چەمچەماڵ و یەکەی کارگێری قائیمقامیەتی چەمچەماڵ، ئامادەبوون و ئامادەنەبوون و رێکخستنی جەماوەری وەرزشی لە ئەستۆی ئەوانە.
٤- لەسەر پێشنیاری لێژنەی ھەڵسەنگاندنی ناوبژیوانانی کوردستان، بڕیاردرا بە راگرتنی ھەردوو ناوبژیوان (ھێمن مەحموود و سەفین قادر) بۆ ماوەی یەک مانگ لە بەرێوەبردنی یاری، ئەمەیش بە ھۆی ھەڵەی زەقیان لە یاری نێوان دھۆک و سیروانی نوێ لە خولی نایابی کوردستان.
٥- دوای کۆبوونەوە لەگەڵ نوێنەرانی یانە پلەنایابەکانی فوتساڵی کچانی کوردستان، لەسەر داوا و پێشنیاری خۆیان ئەم بڕیارانەی خوارەوە درا:
ڕ- خولی نایابی فوتساڵی کچانی کوردستان بۆ وەرزی ٢٠١٩/٢٠٢٠ لە رۆژی ھەینی رێکەوتی ٢٠٢٠/٣/٢٧ بە بەشداری حەوت یانە دەست پێدەکات.
ب- خولەکە بە یەک قۆناغ ئەنجام دەدرێت، دواتر چوار یانەی پلەکانی پێشەوە (یەکەم، دووەم، سێیەم و چوارەم) بۆ قۆناغی کۆتایی سەردەکەون و لە کۆبوونەوەی ھونەری بڕیار لەسەر چۆنیەتی بەرێوەچوونی یارییەکانی چوارگۆشەی زێرین دەدرێت.
ت- یاریزانانی دەرەوەی ھەرێم پێویستە پشکنینی تەندروستی باوەڕپێکراویان ھەبێت و رادەستی لێژنەی پێشبڕکێکان بکرێت.
پ- ھەر لێدوانێک لە لایەن کارگێرانی یانەکان و ستافی ھونەری و یاریزانان بدرێت، کە پێچەوانەی ئەم بڕیارانە بێت، تووشی سزا و لێپێچینەوە دەبن.
ج- بە ھۆی گۆرٍینی شێوازی بەرێوەچوونی خولەکە، دووبارە تیروپشکی خولی نایابی فوتساڵی کچان راکێشرایەوە، یارییەکانی گەڕی یەکەم بەمشێوەیەی خوارەوە دەبێت:
چۆمان × زێرەڤانی
ئافرەتانی ھەولێر × دووکان
سیروانی نوێ × ئەفرۆدەیت
ھەڵەبجەی شەھید چاوەڕوانە





ئەم هەواڵە 616جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad