English | عربی | Kurdî دواهەواڵ
ڕاستەوخۆ  
 
وەزارەتی دارایی کێشەی دەرماڵەى هەزاران فەرمانبەر چارەسەر دەكات
2020-03-10 [07:47 AM]

​ZNA – هەولێر


 بەرپرسێکی وەزارەتی دارایی دەڵێت، بەپێی رێنمایی ژمارە 7ی دارایی کە لە 25ی 2ی 2020 دەرچووە، کێشەی هەزاران فەرمانبەر چارەسەرکراوە.

ئەردەلان محەمەد، بەرێوەبەری گەنجینەی سلێمانی کە سەر بە وەزارەتی دارایی یە  بە باسی راگەیاند: فەرمانبەرێکی زۆرمان هەیە بە ئۆتۆمبێلی خۆیان یان لەسەر ئەرکی خۆیان هاتوچۆیان دەکرد، دەرماڵەکەی هاتووچۆیان پێ نەدەدرا، بەڵام ئەو کێشەیە لەبەرژەوەندی فەرمانبەران بەڕێنماییەكی وەزراەتی دارایی چارەسەرکرا و مانگانە بۆیان خەرج دەکرێت".

ئەو روونی کردەوە: ئەوانەی لە ساڵانی رابردوو ئەو دەرماڵەیان بۆ خەرج نەدەکرا قەرەبو ناکرێنەوە، بەڵکو لە1ی 1ی 2020وە بۆیان خەرج دەکرێت، پێشووتر رێنماییەک هەبوو دەرماڵەکە بۆ بەشێکی زۆری فەرمانبەران خەرج نەدەکرا لە کاتێکدا ئەو فەرمانبەرانە لەسەر ئەرکی خۆشیان هاتووچۆیان دەکرد، بەڵام لەمەودوا بۆیان خەرج دەکرێت".

ئەردەلان محەمەد گوتیشی: پێشوتر رێنماییەک هەبوو وای کردبوو ئەو دەرماڵەیە خەرج نەکرێت" رێنماییەکە بەو جۆرە بوو، کەوا هەر فەرمانگەیەک ئۆتۆمبێلی حکوومی هەبێ یان ئۆتۆمبێلی بۆ هاتووچۆکردن بەکرێ گرتبێت ئەوە ئەو فەرمانبەرانەش دەرماڵەی جوگرافی نایانگرێتەوە کە بە ئۆتۆمبێلی خۆیان هاتووچۆ دەکەن".

ئەو دووپاتی کردەوە: "60 هەزار دینار بۆ ئەوانەی لە شوێنە دوورەکان کار دەکەن خەرج دەکرێت، 50 هەزار دینار بۆ ئەوانەی لە لادێکان کار دەکەن، 40 هەزار دینار بۆ ئەوانەی لە سەنتەری ناحیەکان کاردەکەن، 30 هەزار دینار بۆ ئەوانەی لە سەنتەری قەزاکان کاردەکەن، 20 هەزار دیناریش بۆ ئەوانەی لە سەنتەری پارێزگاکان کار دەکەن".

بەرپرسەکەی دارایی دووپاتیکردەوە،هەرفەرمانبەرێک سوودمەند بێت لە گواستنەوەی بەخۆڕایی مافی پێدانی دەرماڵەی شوێنی جوگرافی نییە.

 

 





ئەم هەواڵە 6772جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad