English | عربی | Kurdî دواهەواڵ
ڕاستەوخۆ  
 
حكومەت كارێك لە فەرمانبەران قەدەغە دەكات
2020-03-10 [08:11 AM]

ZNA – هەولێر


هیوا ئەفەندی، سەرۆکی فەرمانگەی تەکنەلۆژیا و زانیاری ئەنجومەنی وەزیرانی کوردستان بە باسی راگەیاند: ئەنجوومەنی وەزیران رەزامەندی داوە پارێزەران لە سسیستەمی تۆماری بایۆمەتری تۆمار بكرێن، دەشڵێت، نوێنەری سەندیكای پارێزەران سەردانی ئێمەیان كردووە، تەنها هەندێك رێكاری لۆجستی هەیە دەبێت خۆیان بەرپرسیاریەتی دارایی لە ئەستۆ بگرن، وەكو تۆماری شۆفێرانی تەكسی سیستەمەكە ئامادەیە، سیستەمەكەش پیشانی سەندیكا دراوە كە چۆن كار دەكات".

ئەفەندی ئاماژەی بەوەشدا، لە 23ی 2ی 2020 سەرۆكی دیوانی ئەنجوومەنی وەزیران رەزامەندی داوە لەسەر تۆماری بایۆمەتری بۆ ئەندامانی سەندیكای پارێزەران، هەروەها لە ماوەیەكی كەمدا پڕۆسەكە دەست پێ دەكات و كارەكەش زۆر ناخایانێت، ئەوان نازانن چەند پارێزەر هەیە بەڵام ئێمە كێشەمان نییە ئەگەر یەك ملیۆنیش بێت".

ئەو گوتیشی:" ئامانجی سەرەكی ئەو كارە ئەوەیە بە پێی یاسا ئەو كەسانەی كاری پارێزەرایەتی دەكەن نابێت فەرمانبەری حكوومەت بن و مووچەخۆر بێت".

سەرۆکی فەرمانگەی تەکنەلۆژیا و زانیاری ئەنجومەنی وەزیرانی کوردستان دووپاتی كردەوە:  ئەو سیستەمەی ئامادەی دەكەن زۆر نزیكە لە سیتەمی تۆماركردنی شۆفێران، لە رێگەی سیستەمی بایۆمەتری پرسی قەدەغەکردنی تەکسی لە فەرمانبەران رێکدەخرێتەوە.

ئەفەندی ئەوەشی ئاشكرا كرد:" تاکە شوێن بۆ ئەوەی دڵنیابین کەوا کەسێک داوای مۆڵەتی شۆفێری تەکسی دەکات و مووچەخۆر نیە لە رێگەی بایۆمەتری وردبینی و بەراوردی بۆ دەکرێت".

دەشڵێت: هەر پارێزەرێك ئەگەر پێشووتر وەك فەرمانبەر مووچەخۆر تۆمار كرابێت ئەو كاتە سیستەمی ئێمە ئاشكرای دەكات، ئەوەی مووچەخۆر نەبێت، ئەوە رێگەی پێ دەدرێت كاری پارێزەری بكات، ئەو پارێزەرانەش ئاشكرا دەكرێن كە مووچەخۆرن شوێنەكەشیان دیاری دەكرێت.

 





ئەم هەواڵە 19687جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad