English | عربی | Kurdî دواهەواڵ
ڕاستەوخۆ  
 
پەیامی لقی دوو ی پارتی دیموکراتی کوردستان لەیادی ڕێککەوتننامەی ١١ ی ئاداری ساڵی ١٩٧٠
2020-03-10 [03:29 AM]

ZNA_ هەولێر


یۆبیلی زێڕینی ڕێککەوتننامەی یازدەی ئادار
بەڵگەی ئیرادەی پتەوی نەتەوەی کوردو شکستی سیاسەتی سەرکوتکردن

ڕێککەوتننامەی (١١ ی ئادار) ئەنجام ودەسکەوتی ئەو شۆڕشەمەزنەبو کە بارزانی نەمر ڕابەرایەتیکردودوژمنێکی سەرسەختی ناچارکرد لەبەردەم ئیرادەی پتەوی گەلی کوردو ورەی پۆڵاینی پێشمەرگەدا بەچۆکدابێت وبەفەرمی دان مافەڕەواکانمدا بنێت.

یازدەی ئازار ڕەتکردنەوەی ئەو عەقڵیەتە شۆڤینی و دژەمرۆڤانەبوو کەکۆکبون لەسەر سڕینەوەی نەتەوەی کوردو بۆهەمیشە داگیرکردنی خاکەکەی و سەرکوتکرن و بەپاشکۆکردنی تاکەکانی ،پوچەڵکردنەوەی ئەوپیلانە نەگریسانەبو کەئامانجیان دەستەمۆکردنی مرۆڤی کوردبوو.

بارزانی و پێشمەرگەکانی ئەو حەقیقەتەیان کردە واقیع کە ئاگروئاسن ئیرادەی ئازادیخوازی وژیاندۆستی  کوردی پێناشکێنرێ و سیاسەتی ئینکارکردن و بەچۆکداهێنان و دەستەمۆکردن و زوڵم وستەم بەرامبەربەو گەلە ئاشتی ویستە  ئەنجامە حەتمیەکەی بەچۆکداهاتن و ملدانە بۆ داواڕەواو مافە نەتەوەییەکانی.

ڕێکەوتنناممەی یازدەی ئادار دەسکەوتی مستەفا بارزانی مەزن وپارتی دیموکراتی کوردستان وشۆڕشی مەزنی ئەیلول و تێکۆشان وبەرخودان و قوربانیەگەورەکانی نەتەوەی کوردوگەلی کوردستانە ،کەبو بەیەکەم بەڵگەنامەی مێژوویی ودیکۆمێنتی نەتەوەیی دانپیانراو لەمێژوی هاوچەرخی نەتەوەییمماندا.

لەدوای ساڵی ١٩٧٠ و جێبەجێردنی ڕێکەوتنەکە، سەرکردایەتی پارتی دیموکراتی کوردستان لەژێر ڕێنماییەکانی بارزانی نەمرولەڕێگەی نوێنەرەکانی لەعێراق جوانترین نمونەی حوکمڕانی و شەراکەت ودەوڵەتداری و چەسپاندنی بنەماکانی دیموکراسی و یەکتری قبوڵکردنی لەووڵاتەدا پێشکەشکردو لەکوردستانیش لەنێوان ساڵآنی ١٩٧٠ تا ١٩٧٤ حوکومڕانیەکی سەردەمیانەی دادپەروەری بەرجەستەکرد کەلەوساڵانەدا بوارەکانی پەروەدەو فێرکردن وزانکۆ وناوەندەکانی خوێندن و بواری تەندروستی و خزمەتگوزاریەکانی ژیانێکی سەردەمیانەی شایستە بەتەواوی بوژانەوەو هەنگاوی پێویست بۆ بەتەواوی چارەسەرکردنی کێشەکانی زەوی و زاری کشتوکاڵی و موڵکایەتی هاوێژران و جیاوازی چینایەتی و کۆمەڵایەتی نەهێڵراو دادپەروەری و یەکاسانی بەرقەراربوو ،کوردستان بەرەو ئاوەدانی و گەشاوەیی هەنگاوی خێرای دەهاویشت.

پەشیمانبونەوەی دەسەڵاتدارانی عێراق و پابەندنەبون بەڕێکەوتنەکە ئەووڵاتەی بەرەو هەڵدێر بردو سەرانی دەسەڵاتی بەغدای خستە ناو پیلانێکی شومی شۆڤینی کەدواتر شەڕو وێرانکاری بەدوای خۆیداهێناو گەلانی عێراقی لەشەڕی کاولکاری ئێران-عێراق و دواتریش شەری داگیرکاری کوێت تێوەگلاند، کەئەنجامەکەی برسیبونی خەڵک ونەهامەتی و کوشتارو وێرانکاری زۆربوو،لەبەرامبەردا گەلی کورد بەڕابەرایەتی بارزانی مەزن و پارتی دیموکراتی کوردستا ن بەسەر پیلانگێڕیەکاندا سەرکەوت و ئیرادەی بتەوی کوردو پێشمەرگەکانی بارزانی هەرزو بونە داینەمۆی بەردەوامی شۆڕش ، شاخ وسەنگەری پێشمەرگە بەئاوەدانی و ورەبەرزی مانەوەوشۆڕش بەردەوامبو تالەڕاپەڕیندا بەیەکجاریدوژمنان و پیلانگێڕان وپیلانەکانیان کەوتنە  بەر ڕقی پیرۆزی جەماوەرو پێشمەرگەو ئیرادەی مانەوەو ژیاندۆستی بەسەر عەقڵیەتی سەرکوتکردن و سڕینەوەدا سەرکەوت.

لەدوای پڕۆسەی ئازادی عێراق،ڕێککەوتننامەی یازدەی ئازار بوە بنەما بۆ ڕێککەوتنی کوردستان و عێراق و داڕشتنەوەی دەستورو چەسپاندنی مافەکانی کوردو کوردستانیان تیایداو بنیاتنانی عێڕآقی فیدڕاڵی ودیموکراسی و شەراکەتی ڕاستەقینە.

لەکاتێکدا یادی ڕێککەوتننامەی (١١ی ئادار) دەکەینەوە کە نیوسەدە بەسەر ئەو دەسکەوتە مەزنەدا تێپەڕیوە،ئەو ڕاستیە بیردەخەینەوە کەعەقڵیەتی دژایەتیکردن وهەوڵی نادیدەگرتنی مافەکانی کوردو کوردستانیان وهەڵپەی سڕینەوەو لەناوبردن، دەرەنجامەکەی کاولکاری و وێرانبونی وڵاتەو کۆتاییەکەشی بەچۆکداهاتن یان لەناوچونە،بۆیە دەبێ ئەومێژووە ببێتە ئەزمون بۆهەموان وبنەمایەکیش بێ بۆ هەنگاونان بەرەو ئایندەیەکی باشتر.

سڵاوو درود بۆ ڕابەری نەتەوە مستەفا بارزانی مەزن
درود بۆڕوحی پاکی شەهیدان
حورمەت بۆ شۆڕشگێڕو خەباتکارانی دوێنێ وئەمڕۆ
ڕێز بۆ خانەودەی سەبەرزی شەهیدان و پێشمەرگە قارەمانەکانمان.





ئەم هەواڵە 2086جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad