English | عربی | Kurdî دواهەواڵ
ڕاستەوخۆ  
 
پزیشکە چینییەکان کەڵەشاخ وەکو چارەسەرێک بۆ تووشبووانی کۆرۆنا بەکاردەهێنن
2020-03-11 [05:14 AM]

ZNA ــ هەولێر


 

بەشێک لەوانەی لە چین تووشی ڤایرۆسی کۆرۆنا بوون لەلایەن پزیشکە چینییەکانەوە لەڕێگەی تەکنیکی کەڵەشاخ و دەرزی ئاژنینەوە لە نەخۆشخانەی خاچی سوور لە ووهان چارەسەریان بۆ دەکرێت.

 

تۆنگ شیاۆلین، کەسایەتیی ئەکادیمی چینی لە ئەکادیمیای زانستەکانی چین و سەرۆکی دەستەی تەکنیکی پزیشکیی کولتووریی چین رایگەیاند، کەڵەشاخ بە شێوەیەکی کاریگەر یارمەتیی چاکبوونەوەی نەخۆشەکان دەدات و بە تەکنیکێک ناویدەبات کە دەرمانی کیمیایی تێدا بەکارناهێنرێت.

 

چین رایگەیاندووە، رۆژی 11ی ئاداری 2020 ژمارەی تووشبووانی کۆرۆنا زیادیان کردووە، هۆکارەکەیشی بۆ گەڕانەوەی ئەو هاووڵاتییە چینیانە گەڕاندووەتەوە کە لەو وڵاتان گەڕاونەتەوە کە ڤایرۆسی کۆرۆنا تێیاندا بڵاوبووەتەوە.

 

شاری ووهان بە سەنتەری بڵاوبوونەوە ڤایرۆسی کۆرۆنا دادەنرێت، میدیا فەرمییەکانی چین ئەمڕۆ ئاماژەیان بەوە کرد، سەرجەم ئەو نەخۆشخانانەی کە بۆ چارەسەرکردنی تووشبووانی کۆرۆنا لە شارەکە دروستکرابوون، داخراون؛ ئەمەش بەهۆی کەمبوونەوەی بەرچاوی تووشبووانی ڤایرۆسەکە.

 

تاوەکو ئێستا لە جیهاندا 121 هەزار و 508 کەس تووشی ڤایرۆسی کۆرۆنا بوون، چوار هەزار و 383 کەس بەهۆی ڤایرۆسەکەوە گیانیان لەدەستداوە و 66 هەزار و 941 کەسیش چاکبوونەتەوە.

 

زۆرترین رێژەی تووشبوون و گیانلەدەستدان بەهۆی ڤایرۆسەکە و چاکبوونەوە لە چین بوون، بەشێوەیەک کە تاوەکو ئێستا 80 هەزار و 790 کەس تووشبوون و 61 هەزار و 611 کەس چاکبوونەتەوە، هەروەها سێ هەزار و 158 کەسیش گیانیان لەدەستداوە.

 

لە ئیتاڵیا تاوەکو ئامادەکردنی ئەم هەواڵە 10 هەزار و 149 کەس تووشی ڤایرۆسەکە بوون، 631 کەس گیانیان لەدەستداوە و هەزار و چوار کەسیش چاکبوونەتەوە. لە ئێرانیش بەهۆی ڤایرۆسەکەوە نۆ هەزار کەس تووشبوون، 354 کەس گیانیان لەدەستداوە و دوو هەزار و 959 کەس چاکبوونەتەوە.

 

رێکخراوی تەندروستیی جیهانی دەڵێت، ئێستا سەنتەری بڵاوبوونەوەی ڤایرۆسەکە شاری ووهانی چین نییە، بەڵکو ئەوروپا بووە بە سەرچاوەی بڵاوبوونەوەی ڤایرۆسی کۆرۆنا.

 

 

س.ڕووداو





ئەم هەواڵە 6385جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad