English | عربی | Kurdî دواهەواڵ
ڕاستەوخۆ  
 
حزبوڵڵای عێراق پشگیریی هێرشی سەر بنکەی تاجی دەکات
2020-03-12 [04:33 AM]

​ZNA - هەولێر


یەکەکانی کەتائیبی حزبوڵڵای عێراق بێ‌ئەوە‌ی هێرشەکەی شەوی رابردوو بۆ سەر بنکەی سەربازیی تاجی بە ئەستۆ بگرێت، داوا لە ئەنجامدەرانی ئەم هێرشە دەکات بۆ تۆمارکردنی ناویان لە مێژوودا خۆیان بناسێنن.

ئەم گروپەی سەر بە حەشدی شەعبی رایگەیاندووە، ئەوان هێرشەکەیان ئەنجام نەداوە، بەڵام پشتگیریی ئەنجامدەرانی دەکەن و لە بەیاننامەیەکدا هێرشی کردووەتە سەر ئەو کەسانەی هێرشی مووشەکیی بۆ سەر بنکەی تاجیان شەرمەزار کردووە.

ئەمە لە کاتێکدایە کە بەرپرسانی باڵای هەرێمی کوردستان و عێراق ئەم هێرشە مووشەکییەیان بە توندیدی شەرمەزار کردووە و رایانگەیاندووە، راهێنەران و سەربازانی وڵاتانی ئەندامی هاوپەیامانیی دژی داعش لەسەر داوای فەرمیی حکومەت و بە مەبەستی پاراستنی وڵات لەدەست تیرۆریستانەوە لە عێراقن.

درەنگانی شەوی چوارشەممە ١١ی ئازار، چەندین مووشەکی کاتیۆشا ئاراستەی بنکەی سەربازیی تاجی لە نزیک بەغدا کران و بە هۆی ئەم هێرشەوە سەرباز و بەڵێندەرێکی ئەمریکایی و سەربازێکی بەرتانیایی گیانیان لەدست دا و چەند کەسێکش بریندار بوون.

بەرلە بڵاوکردنەوەی راگەیەنراوەکەی حزبوڵڵای عێراق، جەنەڕاڵ کنت مەکنزی فەرماندەی هێزەکانی ئەمریکا لە ناوچە لەکاتێدا لە کۆنگرێسی ئەمریکادا قسەی دەکرد، گوتی: بەرپرسانی ئەمریکایی وێڕای ئەوەی لە لێکۆڵینەوە بەردەوامن،  ئەو گومانەیان هەیە خودی حزبوڵڵا هێرشەکەی ئەنجام دابێت.





ئەم هەواڵە 355جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad