English | عربی | Kurdî دواهەواڵ
ڕاستەوخۆ  
 
كۆڕۆنا ژیانی هەزاران كەس دەپارێزێت
2020-03-15 [08:58 AM]

ZNA – هەولێر


بەهۆی بڵابوونەوەی ڤایرۆسی کۆرۆنا لە جیهان، هاتووچۆی ئۆتۆمبێل و بارهەڵگرەکان کەمیکردووە، هەندێک لە کارگەکان داخراون و پیسبوونی ژینگە بۆ ئاستێکی  زۆر نزم  دابەزیوە.

فرانکۆس گێمێن، بەڕێوەبەری دامەزراوەی چاودێریی هۆگۆ بە سایتی فۆربیسی راگەیاند:  ژمارەی ئەو کەسانەی بە پیسبوونی ژینگە دەمرن زۆر زیاترن لەوانەی بە ڤایرۆسی کۆرۆنا دەمرن، تەنها لە فەرەنسا ساڵانە 48 هەزار کەس بەهۆی پیسبوونی ژینگە دەمرن، لە چینیش زیاد لە ملیۆنێک کەس بەهۆی پیسی ژینگە گیان لەدەست دەدەن.

فرانکۆس دەڵێت، قەدەغەی هاتووچۆ و داخستنی کارگەکان، خەڵک زیاتر دەپارێزێت لە دەست دووکەڵ و ژینگەی پیس، بەمەش بەهۆی کۆرۆنا، ژیانی زۆر زیاتری هاووڵاتیان دەپارێزرێت بە بەروارد بەو کەسانەی بەهۆی قەدەغەی هاتووچۆ، لە کۆرۆنا دەپارێزرێن ئەگەر دۆخەکە بەمجۆرە بەردەوام بێت.

دەشڵێت، من تێناگەم پیسبوونی ژینگە خەڵک زۆر زیاتر دەکوژێت و ساڵ دوای ساڵ کاریگەرییەکانی زیاتر دەردەکەون، بەڵام خەڵک بچووکترین هەنگاو نانێت بۆ پاراستنی ژینگە، کەچی بەهۆی بڵاوبوونەوەی ڤایرۆسێک کە رێژەی کوشندەیی کەمترە لەو ژەهرەی دەیخەینە هەواوە، رێکاری تووند گیراوەتەوە بەر.

بەگوێرەی داتاکانی رێکخراوی تەندروستی جیهان، ساڵانە حەوت ملیۆن کەس بەهۆی پیسبوونی ژینگە دەمرن.

 





ئەم هەواڵە 6199جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad