English | عربی | Kurdî دواهەواڵ
ڕاستەوخۆ  
 
سه‌رۆكى هه‌رێمى كوردستان له‌گه‌ڵ نوێنه‌رى تايبه‌تى سكرتێرى گشتيى نه‌ته‌وه‌ يه‌كگرتووه‌كان له‌ عێراق كۆبووه‌وه‌
2020-03-16 [08:49 AM]

ZNA_ هەولێر


سه‌رله‌به‌يانيى ئه‌مڕۆ دووشه‌ممه‌ 16/3/2020 به‌ڕێز نێچيرڤان بارزانى، سه‌رۆكى هه‌رێمى كوردستان له‌گه‌ڵ خاتوو جێنين پلاسخارت، نوێنه‌رى تايبه‌تى سكرتێرى گشتيى نه‌ته‌وه‌ يه‌كگرتووه‌كان له‌ عێراق كۆبووه‌وه‌.

له‌ كۆبوونه‌وه‌كه‌دا دوايين پێشهاته‌كانى دۆخى سياسيى عێراق و هه‌وڵه‌كانى ده‌ستنيشانكردنى كانديدێك بۆ پێكهێنانى كابينه‌ى تازه‌ى حكوومه‌تى فيدراڵى عێراق تاوتوێ كران و هه‌ردوولا جه‌ختيان له پێويستيى سه‌قامگيريى سياسى و پێكهێنانى حكوومه‌تێك كرده‌وه‌ كه‌ وه‌ڵامده‌ره‌وه‌ى داوا ڕه‌واكانى خه‌ڵك و پارێزه‌رى مافه‌ ده‌ستوورييه‌كانى گه‌ل و پێكهاته‌كانى وڵات بێت، له‌مباره‌يه‌شه‌ باس له‌ ڕۆڵى ئه‌رێنى و يارمه‌تيده‌رانه‌ى نه‌ته‌وه‌ يه‌كگرتووه‌كان له‌ عێراق كرا.

دۆخى ئه‌منى و مه‌ترسييه‌كانى سه‌رهه‌ڵدانه‌وه‌ى تيرۆر و په‌سه‌ندنى جموجوولى داعش و به‌ره‌نگاربوونه‌وه‌يان، گرنگيى به‌رده‌واميى هاوكارى و پشتگيريى هاوپه‌يمانيى نێوده‌وڵه‌تى بۆ عێراق و هاوكارى و هه‌ماهه‌نگيى نێوان پێشمه‌رگه‌ و سوپاى عێراق به‌تايبه‌تى له‌ ناوچه‌ كێشه‌ له‌سه‌ره‌كان بۆ به‌ره‌نگاربوونه‌وه‌ى تيرۆر، دۆخى داراييى عێراق و ڕێكاره‌كانى به‌رگيرى له‌ بڵاوبوونه‌وه‌ى په‌تاى كۆرۆنا و پابه‌نديى به‌ ڕينماييه‌كانى ڕێكخراوى ته‌ندروستيى جيهانى و لايه‌نه‌ په‌يوه‌نداره‌كانى بوارى ته‌ندروستى، چه‌ند ته‌ورێكى ديكه‌ى كۆبوونه‌وه‌كه‌ بوون.





ئەم هەواڵە 688جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad