English | عربی | Kurdî دواهەواڵ
ڕاستەوخۆ  
 
چین ٢٣ ملیۆن ماسک بۆ ئێران دەنێرێت
2020-03-17 [12:21 PM]

ZNA - هەولێر



ئەمڕۆ سێشەممە دەسەڵاتدارانی ئێران رایانگەیاند، بارێکی تەندروستی لە چینەوە گەیشتووە، ٢٣ ملیۆن ماسک و دوو ملیۆن جلی خۆپارێزی و ١٠ هەزار ئامێری گەرمیپێوی تێدایە.

لە هەواڵێکدا گومرگی ئێران ئاماژەی بەوەدا، کارونی یەکەمی ماسکەکانی چینی گەیشتە فرۆکەخانەی ئیمام خومەینی باشوری تارانی پایتەخت.

باسی لەوەش کرد، بارەکە ٢٣ ملیۆن ماسکە لەوانە ٢٠ ملیۆنیان ماسکی سێ چینیە و سێ ملیۆنەکەی دیکەش لە جۆری ئێن ٩٥ و ١٠ هەزار گەرمی پێوی لەش و دوو ملیۆن جلی خۆپارێزی کە پزیشکان و پەرستاران بەکاری دەهێنن.

تەلەڤیزیۆنی فەرمی ئێران بڵاویکردەوە، بەرپرسی پەیوەندییە گشتییەکان و راگەیاندن لە وەزارەتی تەندروستی ئێران، کیانوش جیھانپور رایگەیاندووە کە لەمیانی ٢٤ کاتژمێری رابردوودا، ١٣٥ کەسی دیکە لە ئێران بەھۆی تووشبوون بە ڤایرۆسی کۆرۆنا گیانیان لەدەستداوە.

کیانوش جیھانپور تیشکی خستووەتە سەر ئەوەش کە بەوشێوەیە ژمارەی ئەو کەسانەی گیانیان لەدەستداوە بۆ ٩٨٨ کەس بەرزبووەتەوە و ژمارەی تووشبوانیش ھەزار و ١٧٨ کەس زیادیکردووە و بووەتە ١٦ ھەزار و ١٦٩ کەس.





ئەم هەواڵە 1642جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad