English | عربی | Kurdî دواهەواڵ
ڕاستەوخۆ  
 
زامی ھەلەبجە ھەرگیز لە یاد ناكرێت
2020-03-18 [08:56 AM]

نوسینی : وەیسی سەعید وەیسی


١٦-٣-١٩٨٨یەكێكی ترە لە رۆژە خەمناكەكانی گەلی كوردستان كە ٣٢ سال بەلەئێستا گەورەترین تاوان دەرحەق بە مرۆڤایەتی و سروشت وژینگەی تێدا ئەنجام درا بەبێ هیچ یاسا ونەریتێكی مرۆڤایەتی بۆیەش ھەلەبجە تاھەتاھەتایە بوویتە برینێكی قول بەجەستەی گەلی كوردستان كە ھەرگیز سارێژ نابێت كە بەرۆژی ماتەمینی گەلی كوردستان ناسراوە كارەساتەكە بە جۆرێك بوو ویژدانی ئەوانی جولاند كە خاوەن ویژدان بوون كە لە چەند چركە ساتێكدا پێنج هەزار مرۆڤی بێ تاوان گیانی سپاردوو بە هەزارانیش بریندارو ئاوارەبوون كە تاكو ئێستاش هندێكیان كاریگەری برینەكانیان هەرماوە كە ئەمەش لوتكەی درەندەیی رژێمی بەعس بەدەردەخات كە تەنها مەبەستی سەرەكی لەئەنجام دانی ئەم تاوانە و سەرجەم تاوانەكانی تر سرینەوە و قركردنی گەلی كوردستان بوو بەلام سوپاس بۆ خوای گەورە نەیانتوانی ئیرادەی گەلی كوردستان لە ناوبەرن وەھەرگیز زامی ھەلەبجە لەیاد ناكرێت.
لەم سالیادەدا گرنگە ھەلوەستە لەھەمبەر چەند راستی یەك بكەین كەلەم چەند خالانەی خوارەوە دەیان خەینەروو.
یەكەم : كارەساتی ھەلەبجە دیارترین و گەورەترین تاوانەكانی مێژووبوو دەرحەق بە گەلی كوردستان كرا كە برینیەكەی زۆر قولە لە جەستەی گەلی كوردستان بەلام كاریگەرێكی گەورەی هەبوو لەسەر ناسینی كێشەی رەوای گەلەكەمان كە بووە پێناسەی مەزلومیەت و قوربانی دان وە هەتاهەتایەش هێمایەكە بۆ دڕندەیی و دیكتاتۆریەتی رژێمی بەعس كە هەرگیز لە بیرناچێتەوە.
دووەم : لەئان وساتی كارەساتەكە دا زۆر ولات و دامەزاوە و رێكخراوی مرۆڤ دۆست ویژدانیان جولا و بەهانای خەلكی لێقەوماوی هەڵەبجە هاتن و دەستی یارمەتیان ھەبوو بەلام لەگەل ئەمەشدا بەداخەوە وولاتانی عەرەبی و ئیسلامی كەمترین هەڵوێستیان هەبوو بێ دەنگ بوون بەرامبەر بەو هەموو زولم و ستەمەیە و هیچ رۆل و كاردانەوەیەكیان نەبوو كە دەبێ مڕۆڤایەتی بەشەرمەوە لە ئاست ھەلەبجەدا بوەستێ ئەمەش مایەی سەرنج وتێرامانە و لەكەێكی رەشە بۆیان چونكە لە روانگەی ئیسلامەوە هەموومان براین دەبێت هەمیشە برای موسلمان لە خەمی برا موسلمانەكەی دابێت و بەرگری لێ بكات گەر هەر هیچ نەبائەوا (اچعف الایمان)بە قسەێكیش بادەبوو ھەلوێستێكیان ھەبا . نازانم دەبێ چ گەلێكی دونیا هێندەی گەلی كورد موسلمان بێت جگە لەوەی تاكە گەلی موسلمانە كە ئارەزوومەندانە موسلمان بووە لە بلاوكردنەوە و گەیاندن و داكۆكی كردن لە پەیامی ئیسلام و خاك و پیرۆزییەكانی رۆلی دیار و گەورەی گێراوە بۆیەش حەق بوو وەلاتانی ئیسلامی غیرەتی ئیمانی و مرۆڤایەتیان جولابا و داكۆكیان لە كێشەی رەوای كورد كردبا .
سێ یەم : ئەنجام دەرانی ئەم تاوانە و سەرجەم تاوانەكانی تر كە دەرحەق بەخەلكی كوردستان كران بە سزای خۆیان گەیشتن و تۆلەی ھەلەبجە و سەرجەم تاوانەكانی تریان لێ كرایەوەو بەرچاوی ھەموو دونیا بەسزای خۆیان گەیشتن .
چوارەم : ھەمیشە ھەلەبجە و ھەلەبجیەكان جێگای رێزو بایەخی كوردستانیان بووینە ھەولی خزمەتكردنیان دراوە لەم چوار چێوەیەدا لە سالی ١٩٩٩ فراكسیۆنی پارتی لە پەرلەمانی كوردستان پرۆژە و داواكاری بە پارێزگاربوونی ئەم شارەی ھەبوو كە سەرەنجام بریاری پەرلەمانی كوردستانی دەربارەی وەرگیرا بۆیەش لە ١٣-٤-٢٠١٤ بە ھەول و كۆششی نێچیرڤان بارزانی سەرۆكی ئەو كاتی حكوومەتی ھەرێمی كوردستان رەزامەندی حكوومەتی فیدرال بەدەست ھات سەبارەت بەپارێزگابوونی ھەلەبجە كەسەرەنجام لە لایەن سەرۆك مسعود بارزانی وەك سەرۆكی ئەوكاتی ھەرێم مەرسومی بە پارێزگابوون بۆشاری ھەلەبجە دەركرا بەمەش ھەلەبجە بووە یەكەم پارێزگا لە سەردەمی حكوومەتی ھەرێمی كوردستان .
پێنجەم : راستە لە ماوەی رابردودا لەزۆر بواردا ھەولی ئاوەدانكردنەوەی دراوە بەلام ھێشتاش پێویستی بە خزمەتی زیاتر ھەیە لەگەل چارەسەركردنی بەركەوتووانی چەكی كیمیاویی تا بەخزمەتكردنیان و ئاوەدانكردنەوەی زیاتری شارەكە سەرجەم برینەكانیان سارێژبكرێن.

سلاو ودرود بۆ گیانی پاكی پێنج ھەزارمرۆڤی بێ تاوانی هەڵەبجە كە بۆهەتاهەتایە ناونیشانی قوربانیدانی گەلی كوردستانن لەرێی رزگاری وئازادیدا.
ھیوای تەندرۆستێكی باش بۆبرینداربووانی چەكی كیمیاوی دەخوازین.





ئەم هەواڵە 463جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad