English | عربی | Kurdî دواهەواڵ
ڕاستەوخۆ  
 
هارڤی واینستاین لە زیندان تووشی کۆرۆنا بووە
2020-03-23 [05:20 AM]

هەولێر – ZNA


بەرهەمهێنەری سینەمایی ئەمریکی، هارڤی واینستاین، لە زیندان تووشی ڤایرۆسی کۆرۆنا بووە.

 

واینستاین لە دوای بڕیاری دادگا بەهۆی تاوانبارکردنی بە چەند کەسیسێکی دەستدرێژی و گێچەڵی سێکسی بەرامبەر بە چەند ئافرتێک، بڕیاری 23 سال زیندانی کردنی بۆ دەرچوو.

 

هەر بەم دواییە واینستاین، بەهۆی تێکچوونی باری تەندروستیی گەێندرایە نەخۆشخانە و چارەسەری پێویستی بۆ کرا.

  

ئەو بەرهەمهێنەر سینەماییە چەندین تۆمەتی دەستدرێژی و گێچەڵی سێکسی لەلایەن ژمارەیەک ئەستێرەکانی سینەما رووبەڕووی کراوە و پێشبینی دەکرا بۆ ماوەی 25 ساڵ زیندانی بکرێت.

 

لەلایەکی دیکەوە ئەکتەری کۆری، دانیال دای کیم لەدوای ئەوەی لە ماوەی رابردوو تووشی ڤایرۆسی کۆرۆنا بوو، ئێستا باری تەندروستیی باشترە و بەرەو چاکبوونەوە دەچێت.

 

ئەو ئەکتەرە تەمەن 51 ساڵە رایگەیاند، بەهۆی ئەوەی ئەو تووشی تەنگەنەفەسی نەببوو، بۆیە پێویستی بە نەخۆشخانە نەبووە و توانی لەرێگەی بەکارهێنانی دەرمانی دژ بە مەلاریا بۆ نەهێشتنی ڤایرۆسی کۆرۆنا بەکاریبهینێت.

 

هەر بە دواییە خانمە گۆرانیبیژی ئەمریکی، شارلۆت لۆرانس تووشی کۆرۆنا بووە و باری تەندروستیی جێگیرە.

 

ئەو گۆرانیبێژە تەمەن 19 ساڵە رایگەیاند، دوو رۆژە تووشی ئەو ڤایرۆسە بووە و بە بچووکترین کەسایەتی بەناوبانگ دێت لە رووی تەمەنەوە کە تووشی ئەو ڤایرۆسە دەبێت.

 

 

لەلایەکی دیکەوە ئەکتەری فەرەنسی و جیهانی، ئیدریس ئیلبا، لە 16 ئەم مانگە تووشی ڤایرۆسی کۆرۆنا بوو.

 

ئەو ئەکتەرە لە تویتێکدا لە هەژمارەی تایبەتی خۆی لە تویتەر هەواڵی تووشبوونی بەو ڤایرۆسە بڵاوکردووەتەوە و ئاماژەی بۆ ئەوەکردووە، لە دوای ئەوەی هەستی کرد دووچاری ئەو ڤایرۆسە بووە و خۆی کەرەنتینەکردووە ەو دواتر پشکینی پێویستی ئەنجامداوە.

 

لەلایەکی دیکەوە ئەکتەری نەرویژی و جیهانی، کریستۆڤەر هیڤجۆ، تووشی هەمان ڤایرۆس بووە.

 

ئەو ئەکتەرە لە هەژمارەی تایبەتی خۆی لە ئینستگرام هەواڵی تووشبوونی بەو ڤایرۆسە بڵاوکردووەتەوە.

 

لەلایەکی دیکەوە ئەکتەری سینەمایی تۆم هانکس و هاوژینەکەی کە تووشی ئەو ڤایرۆسە ببوون، ئەو شوێنەیان جێهێشت کە تێیدا کەرەنتینەکرابوون و بۆ ماوەی پێنج رۆژ تێیدا مانەوە و لە ماڵەکەیاندا درێژە بە کەرەنتینەکردنیان دەدرێت.

 

پێشتر هانکس و هاوژینەکەی ریتا ویلسن، لەرێگەی تۆڕە کۆمەڵایەتییەکانەوە هەواڵی تووشبوونیان بەو ڤایرۆسە لە ئۆسترالیا بڵاوکردەوە.

 

 





ئەم هەواڵە 7960جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad