English | عربی | Kurdî دواهەواڵ
ڕاستەوخۆ  
 
هەتا زۆر نەبن ، کێم نابن ..!
2020-03-24 [01:48 AM]

نڤیسینا : غیاس خالد زێباری


رۆژ بۆ رۆژ و گاڤ ب گاڤ ، ل گەناڵێن ڕاگەهاندنێ و سۆشیال میدیایێ ، ئامارێن نوو یێن ڤەگرتنا ڤایرۆسێ کۆڕۆنایێ ل سەرتاسەرێ جیهانێ بلند دبن ، ڕێژا وان ل وەڵاتەکی بۆ وەڵاتەکێ دیتر جوداهی هەنە . زێدەبوونا ڕێژا مرنێ و ڤەگرتنێ لهەر جهەکێ مرۆڤی غەمبار و دلگران دکەت لێ پێتڤی یە بەرامبەر بلندبوونا ژمارا کەسێن دهێنە کەرەنتیکرن و ئاشکراکرنا کەسێن هەلگرێ ڤی ڤایرۆسێ کۆژەک و ڕێکارێن توندێن دەسهەڵاتێ پێتڤی یە مرۆڤ دلشاد ببیت . مخابن هێشتا رێژەیەکا زۆرا خەلکێ مە لدەمێ گوهــ ل پەیاما زێدەبوونا کەسێن ئاکرابوویێن هەلگرێن ڤی ڤایرۆسی ، دلگران دبن ...! ب تایبەت ل هەرێما کوردستانێ ، ئەڤەژی تێگەهشتنەکا چەوتە ، چونکێ چەند زوو کەسێن هەنێ بهێنە ئاشکراکرن ، فاکتەر و دەرگەهێن بەرفرەهبوون و بەڵاڤبوونا وێ دناڤ جڤاکی دا دهێنە گرتن . چەند بلەز کەسێن هەلگرێن ڤی ڤایرۆسی بهێنە ئاشکرا کرن ، چارەسەری و کۆنترۆلکرن دێ ب ساناهیتر بیت . ژبەرکۆ مانەڤا وان دناڤ جڤاکی دا چەند گیرۆ ببیت ، ژمارا ڤەگرتیا دێ زێدەتر بیت . ئەز وەکی تاکەک ب ئاشکرابوونا ژمارا وان لڤان چەند رۆژان ل هەرێما کوردستانێ دلخۆش بووم و ئەڤە نیشانێ خەمخۆری و سەرکەفتنا پلانا حکومەتا هەرێما کوردستانێ دبینم . چونکی جوداهی دناڤبەرا ، زێدەبوونا کەسێن تۆشبوویی و یێن ئاشکرا کری هەیە ، مخابن زۆر سازیێن ڕاگەهاندنێ یێن کوردستانێ زێدەبوون و ئاشکراکرنا رێژا کەسێن هەلگرێن ڤایرۆسێ لگەل یێن ڤایرۆس ڤەگرتی ژێک جودا ناکەن ، ئەو کەسێن دهێنە ئاشکراکرن پشکەکن ل کەسێن هەلگرێن ڤایرۆسێ لێ هێشتا د بەزرن و شانەیێن ڤەشارتیێن کۆڕۆنایێ نە و گاڤ بۆ گاڤێ سنوورێن خۆ بەرفرەهـ دکەن و ئەگە زوو نەهێنە ئاشکراکرن دێ ل کۆنترۆلێ دەرچیت . ژبەر ڤێ چەندێ حکومەتا هەرێما کوردستانێ و سازیێن ساخلەمی ژبۆ پاراستنا خەلکێ رۆژ ب رۆژ ڕێکارا تۆندتر دکەن . پێتڤی یە هەمی تاکێن جڤاکی دگەل حکومەتێ د هاریکار بن بۆ دەربازکرنا ڤێ تاعوونێ ب کێمترین زیان و ب تایبەت ئاشکراکرنا کەسێن گۆمان لێکری و دەرنەکەفتن لمال . چونکی باشترین و کاریگەرترین چەکێ ژناڤبرنا ڤی ڤارۆسی ئەڤ چەندەیە . دەربارەی ئاشکرابوونا رێژەیەکا بلندا کەسێن هەلگرێن ڤی ڤایرۆسی ژی پێتڤی یە نەبنە جهێ مەترسیێ و دلگرانیا خەلکی ، چونکی چەند ڕێژا وان زوو بلندن و ئاشکرا ببیت کۆنترۆلکرن دێ ب ساناهیتر بیت و زیان دێ کێمتر بن . هەتا ڕێژە و ژمارا هەلگرێن ڤایرۆسێ کۆڕۆنایێ یێن ئاشکراکری بلند نەبیت ، ڕێژە و ژمارا ڤەگرتنێ کێم نابیت . پێتڤی یە هەمی خەلکێ کوردستانێ ئێک دەنگی و ئێک ڕێزی ژبووی پاراستنا ساخلەمیا خۆ و جڤاکی بریار بدەت ، بەلێ بۆ پشتەڤانیا حکومەتا هەرێما کوردستانێ و بجهــ ئینانا بریار و رێکارێن وێ و خۆ کرەنتیکرنێ .





ئەم هەواڵە 376جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad