English | عربی | Kurdî دواهەواڵ
ڕاستەوخۆ  
 
ئەمریکا لە عێراق و ئێران گەمارۆی خستە سەر ٢٠ کەسایەتی
2020-03-26 [05:18 AM]

​ZNA - هەولێر


وەزارەتی خەزێنەی ئەمریکا بە تۆمەتی هاوکاری کردنی لەشکری سوپای قودسی ئێران لە عێراق و ئێران گەمارۆی خستە سەر ٢٠ کەسایەتی.

بە پێی راگەیەنراوی وەزارەتی خەزێنەی ئەمریکا، ئەم کسانە و کۆمپانیاکانیان هەتا ئێستا رێگەخۆشکەری چالاکەییەکانی لەشکری قودسی سوپای پاسدارانی ئێران بوونە.

وەزارەتی خەزێنەی ئەمریکا رۆژی پێنجشەممە ٢٦ی ئازار لە راگەیەنراوێکدا بڵاوی‌کردەوە، ئەم کسایەتیانە و دامەزراوەکانیان لەلایەن لەشکری قودسەوە کاریان پێدەسپێردێت و چەک و تەقەمەنیی کوشندەی ئەم لەشکرەوە دەگەیەننە گروپە تیرۆریستییەکانی وەک کەتائیبی حزبوڵڵا و عسائیبی ئەهلی حەق.

وەزارەتی خەزێنەی ئەمریکا ناوی کەسایەتی و دامەزراوە گەمارۆدراوەکانی بەمجۆرەی خوارەوە راگەیاندووە:

-‌ نێوەندی نۆژەن‌کردنەوەی مەزارگە پیرۆزەکانی عێراق کە دامەزراوەیەکی سەر بە لەشکری قودسی سوپای پاسدارانە و بەرپرسەکەی لە‌لایەن قاسم سولەیمانی فەرماندەی پێشووی لەشکری قودسەوە دەسنیشان کراوە.

-‌ کۆمپانیای سنوورداری بیناسازی و کڕین‌ وفرۆشتنی "بەهجەتولکەوسەر" کە بەکۆمپانیای کەوسەرناسراوە و لە عێراق یەکێک لە دامەزراوەکانی سەربە سوپای قودسە و بە نوێنەرایەتیی ئەم سوپایە کارەکانی دەکات.

-‌ محەمەد جەلال مائاب سەرۆکی ئێستای نێوەندی نۆژەن کردنەوەی مەزارگە پیرۆزەکان.

-‌ حەسەن پلارک، یەکێک لە خاوەنانی کۆمپانیای کەوسەر.

-‌ عەلیڕەزا فەداکار، یەکێکی دیکە لە خاوەنانی کۆمپانیای کەوسەر لە شاری نەجەف.

-‌ محەمەد غەریفی، لە پێوەندی لەگەڵ سوپای قودس و یەکێک لە کارمەندانی کۆمپانیای کەوسەر.

-‌ مەسعوود شووشتەری پوستی، یەکێکی دیکە لە خاوەنانی کۆمپانیای کەوسەر.

-‌ ماشەڵڵا بەختیاری، لە کۆمپانیای کەوسەر کە  لە لقی بانکی میللی لە بەغدا کاری سپی‌کردنەوەی پارەی دەکرد.

-‌ کۆمپانیای پاپۆڕوانیی خەمائلی عێراق بە هۆی چالاکی لە سنووری ئومولقەسر و پێشیلکردنی گەمارۆی سەر فرۆشتنی نەوتی ئێران.

- حەسەن سەبووری نژاد، ناسراو بە ئەندازیار مورتەزا کە لەبەشی دارایی کۆمپانیا خەمائل کار دەکات.

- کۆمپانیای تیجارەتی سەرچاوە نوێیەکان و هەروەها " وەلی قوڵی ‌زادە" کە هاوکاری سەبووری نژاد بووە.

- محەمەد سەعید عەزافەئەلبەهادلی، بەڕێوەبەر گشتیی کۆمپانیای پاپۆڕوانیی خەمائیل و عەلی فالح المەنسووری ناسراو بە سەید ریزوان.

-‌ سەید رەزا مووسەوەی‌فەڕ، بەرپرسی بەشی دارایی کۆمپانیا خەمائیل

- کۆمپانیای سامان کیمیای رۆژهەڵاتی ناوین.

- عەلی فەرحان ئەسەدی

-‌ سەید یاسر مووسەوی‌فەڕ

- مەهدی قاسم‌زادە

- شێخ عەدنان ئەلحەمیداوی لە گروپی کەتائیبی حزبوڵڵا.

 





ئەم هەواڵە 1621جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad