English | عربی | Kurdî دواهەواڵ
ڕاستەوخۆ  
 
ئەوێن ڤایرۆسێ بەڵاڤ دکەن ، ل کۆڕۆنایێ ڤایرۆستر و کۆژەکترن
2020-03-29 [12:50 PM]

نڤیسینا : غیاس خالد زێباری


مەبەستا من ل ڤایرۆس درۆست کرنێ نە ئەوە یێ ڤایرۆسێ درۆست دکەت یان دادهێنیت ، لێ مەبەستا من ئەو کەسن یێن هەلگرێن ڤایرۆسێ و ئەوێن هەلگرێن ڤایرۆسێ ب قاچاغی بۆ مەرامێن دارایی ، ل دەڤەرەکێ یا وەڵاتەکی بۆ جهێن دیتر ڤەدگۆهێزن . پشتی دەرکەفتن و بەڵاڤبوونا ڤایرۆسێ کۆڕۆنا ل پڕانیا وەڵاتێن جیهانێ ، ژ وان هەرێما کوردستانێ . ژلایێ گیانی و ئابووری زیانێن مەزن گەهاندینە . باشترین ڕێک بۆ لخۆ دوورکرنا ڤێ ڤایرۆسێ و پاراستنا ژیان و ساخلەمیا مرۆڤان ، خۆ دوورکرن و ڤەدەرکرنێ یە ل کۆمبوون و خڕڤەبوون و تێکەتیا مرۆڤان . لەوما هەمی دەسهەڵات و حکومەت ڕێکارێن تۆند گرتنە بەر بۆ ژێک ڤاڤارتنا مرۆڤان ، نەخاسمە ئەوێن هەلگرێن ڤایرۆسێ و یێن گۆمان لسەر هەی . خۆشبەختانە حکومەتا هەرێما کوردستانێ هەتا نهۆ لسەر ئاستێ جیهانێ پێشەنگە ل دەرکرنا بریار و ڕاسپاردێن گۆنجایی بۆ پاراستنا ساخلەمیا وەڵاتیێن خۆ و بجهــ ئینانا وان و خەلکێ کوردستانێ ژی هەتا ڕاددەیەکێ باش هاریکارێن حکومەتا هەرێما کوردستانێ نە بۆ بجهــ بریار و رێکارێن حکومەتێ و سازیێن ساخلەمی ، ئەڤە ژی جهێ شانازیێ یە . لێ نابیت بهێتە ڤەشارتن کۆ هێشا خەلکەک ل هەرێما کوردستانێ هەیە ، بەرۆڤاژی رێکار و بریارێن حکومەتێ سەرەدەریێ دکەت ، چ ئەوێن ل دەرڤەی وەڵاتێ زڤرین و خۆ ئاشکرا نەکری ، یان ئەوێن ب ڕەنگەکێ نە یاسایی و قاچاغ بووینە بازرگانێن زڤراندنا وان وەڵاتیێن ل دەرڤەی هەرێما کوردستانێ دزڤرینن . ڕەنگە هندەک ژوان بۆ مەڕامێن سیاسی بیت دژی حکومەتا هەرێما کوردستانێ ب سەرۆکاتیا مەسرۆر بارزانی داکۆ پلانا وان یا مۆکۆم و د بەرژەوەندا ساخلەمیا جڤاکێ کوردستانێ سەرنەگریت ..! هەروەسا ئەو کەسێن ڤێ ڤایرۆسێ ب مەترسێ نەبینن و پەیگیریێ بڕێنمایی و بریارا حکومەتا هەرێما کوردستانێ نەکەن و بەردەوامیێ نەدەنە خۆ ڤاڤێرانێ و تێکەلی نەکرنێ . ڕاستە ئەڤ ڤایرۆسە مەترسیەکا مەزنە لسەر تەڤایا مرۆڤایەتیێ ، لێ ئەو کەسێن خودان ئەڤ هەلویست و ڕەفتارێن نەمرۆڤایەتی ل ڤایرۆسا کۆڕۆنا مەترسیدارترن ، چونکی ئەو دبنە ئەگەرێ بەڵاڤبوونا ڤی دژمنێ بەزر و بهێز و کۆژەک کۆ ژیانا خەلکێ خۆ و وەڵات و دەسهەڵاتداریێ دئێخنە د مەترسیێ دا و دکەنە قوربانی بەرژەوەندێن خۆ . مرۆڤی چەند دەسهەڵاتە نەڤێت لێ و ژدانا مرۆڤی قەبۆل ناکەت خەلکەکێ بێ گۆنەهــ بکەته قوربانی . ئەڤ کەسێن ب ئەنقەست دبنە ئەگەرێ بەڵاڤبوونا ڤایرۆسی یان هەر نەۆشیەکا دیتر دناڤ جڤاکی دا هەڤپشکێن گۆنەهێ نە ، ئانکۆ د پشکدارن ل نەساخکرن و کوشتنا خەلکی بێ ئەگەر . پێتڤی یە هەمی دەسهەڵاتدارێن هەرێمێ بێ جوداهی تەڤایا شیانێن خۆ بمەزێخین بۆ هاریکاریا دەسهەڵاتا بجهــ ئینانێ بۆ پاراسنا خاسلەمیا وەڵاتیان و خەلک ژی ل بریار و رێنما و ڕاسپاردێن حکومەتێ دەرنەکەڤیت ، دا گەل و دەسهەاتداریا مە لسەر ڤی دوژمنێ کۆژەک و نەدیار زاڵ ببین . پێتڤی یە حکومەت ژی هەمی کەس و لایەنێن خەمسار و سەرپێجیا یاسا و ڕێنمایی یان دکەن ، بێ جوداهی ببەتە بەردەم یاسایێ و بهێە دادگەهکرن و بۆ خەلکی ژی دیار و ئاشکرا بکەن ، دهەر پۆست و پلەیەکێ دابن . ئەڤرۆ دەم دەمێ ئێکگرتنێ و هەڤکاریێ یە بۆ دەربازبوونا کوردستانێ لڤێ بەڵایا مەزن کۆ جیهان هەمی پێ حیبەتی و مژوول کریە . نە دەمێ بازرگانیکرنێ بۆ مرۆڤا و سیاسەتێ و بەرژەوەندێن بەرتەسکێن ماددی و سیاسی . ل دووماهیێ دبێژینە وان کەس و لایەنێن بڤی ئاوایی ، هوون لڤێ ڤایرۆسا کۆڕۆنایێ ڤایرۆستر و کۆژەکتر و دۆژمنترن .





ئەم هەواڵە 1153جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad