English | عربی | Kurdî دواهەواڵ
ڕاستەوخۆ  
 
چین فرۆكەیەكی پێداویستیە پزیشیكیەكانی ناردە ئەمەریكا
2020-03-30 [09:37 AM]

​ZNA – هەولێر


بەپێی هەواڵی راگەیاندنەکانی ئەمریکا فڕۆکەیەکی پێداویستی پزیشکی لە چینەوە گەیشتووەتە نیویۆرک کە ١٣٠ هەزار دەمامکی جۆری "N95"، ملیۆنێک و ٨٠٠ هەزار دەمامکی نەشتەرگەری، ٧٠ هەزار گەرمیپێو و نزیکەی ١٠ ملیۆن دەستکێشی پزیشکی هەڵگرتووە.

هەروەها کۆشکی سپی لە روونکردنەوەیەکی دا ئەوەی خستوەتەڕوو،  کە بۆ بەرەنگاربوونەوەی ڤایرۆسی کۆرۆنا لەنێوان هەردوو وڵاتدا لەسەر ئاستی کەرتی گشتی و کەرتی تایبەت هەماهەنگی کراوە، لەو چوارچێوەیەشدا بڕیارە چین ٢٠ فڕۆکە پێداویستی پزیشکی رەوانەی ئەمریکا بکات کە یەکەم فڕۆکەیان گەیشتووەتە نیویۆرک.

لە روونکردنەوەکەدا جەخت لەوەكراوەتەوە، هێنانی پێداویستییە پزیشکییەکان لەڕێی دەریاوە ٢٠-٤٠ رۆژی پێویستە، بەڵام بەهۆی مەترسی خێرا بڵاوبوونەوەی ڤایرۆسەکەوە رێگای ئاسمانییان هەڵبژاردووە و بڕیارە لە ماوەی دوو بۆ سێ رۆژدا هەر ٢٠ فڕۆکەکە بگەنە ئەمریکا.

لەلایەکی دیکەشەوە ناردنی پێداویستی پزیشکی لە چینەوە بۆ ئەمریکا لە کاتێکدا دۆناڵد ترەمپ بەردەوام ڤایرۆسی کۆرۆنای نوێ (COVID-19) بە "ڤایرۆسی چین" ناودەبات بووە جێی ستایشی هاووڵاتییە ئەمریکییەکان.

 





ئەم هەواڵە 250جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad