English | عربی | Kurdî دواهەواڵ
ڕاستەوخۆ  
 
ئایا ئافرەت و منداڵ کەمتر تووشی ڤایرۆسی کۆڕۆنا دەبن ؟
2020-03-31 [05:21 AM]

ZNA- ھەولێر 



تا ئێستا بە پێی ئامارە فەرمییەکان زۆرترین رێژەی مردن بە ڤایرۆسی کۆڕۆنا لە نێو پیاوان بووە ، بەبەراورد بە ئافرەتان و منداڵان . 

بەپێی دوایین ئامار کە لەسەر ٤٤ ھەزار کەسی تووشبوو ئەنجامدراوە رێژەی مردنی پیاوان بە ڤایرۆسی کۆڕۆنا ٢,٨% ، بەڵام لەلای ئافرەتان ١,٧% بووە . 

ھەروەھا رێژەی مردن لەی ھەرزەکاران و منداڵان  ئەوا رێژەکە نەگەیشتووتە ٠,٢% ، بەڵام رێژەی مردن لەلای بەتەمەنەکان گەیشتووتە گەیشتووتە ١٥% بەتایبەتی ئەوانەی تەمەنیان لە سەرووی ٨٠ ساڵیدابوو . 

پرسیارەکە ئەوەیە ، ئایا منداڵان و ئافرەتان کەمتر تووشی ڤایرۆسەکە دەبن ؟ 
دوو شیکردنەوە ھەیە بۆ ئەم بابەتە، لەوانەیە یەکیان پەیوەندیدار بێت بە جەستەیان و چۆنیەتی مامەڵەکردنی جەستەی ئەو مرۆڤانە لەگەڵ ڤایرۆسەکە . 
لەمبارەیەوە دکتۆر ناتالی مایرمۆت لە زانکۆی کینگزکۆلدج دەڵێت ، یەکێک لە ھۆکارەکانی کەمتر تووشبوونی منداڵان بەم ڤایرۆسە بۆ ئەوە دەگەرێتەوە کە دایکان و باوکانیان زۆر ئاگاداریانن و دەیانپارێزن . 

چی ئافرەتان رزگار دەکات ؟ 

ئەمەی بەلای زانایان سەرسۆڕھێنەر نەبوو ئەوەبوو کەرێژەی مردنی پیاوان زیاتر بوو لە ئافرەتان ، چونکە لە بەشێکی زۆری پەتایەکان ھەست بەم شتە کراوە . 
بەشێکی وەڵامەکەی بۆ ئەوە دەگەرێتەوە کە لە رووی تەندروستی لەشی ئافرەتان بەھێزترە لە لەشی پیاوان ، ئەمەش بەھۆی ئەوەی پیاوان زیاتر جگەرە دەکێشن و مەی دەخۆنەوە و ئەمەش سیستەمی بەرگری لەشییان لاواز دەکات . 
ئەمەش بەتەواوەتی لە وڵاتی چین بەدەرکەوت ، چونکە رێژەی جگەرەکێشان لەلای پیاوانی چینی ٥٣% ، بەڵام ئافرەتانی چینی تەنھا لە ٣% جگەر دەکێشن . 
لەلای خۆشییەوە پرۆفیسۆر پۆل ھانتەر لە زانکۆی ئیست ئەنگلیا دەڵێت ، جیاوازییەکی زۆر ھەیە لە بەرەنگاربوونەوەی لەشی ئافرەتان بۆ ڤایرۆسەکان بەبەراورد بە پیاوان ، ھەندێک بەڵگە ھەیە دەیسەلمێنی کە لەشی ئافرەتان رژێنێک دەردەدات کە زیاتر خۆی دەگونجێنێت لەگەڵ پێکوتەی دژەی ئەنفلوەنزا. 

ئایا لەشی منداڵان توانای کۆنترۆلی کردنی ڤایرۆسی کۆڕۆنای ھەیە ؟ 

جیاوازییەکی زۆر ھەیە لەنێوان سیستەمی بەرگری لەشی منداڵان و پێگەیشتوان . 
لە قۆناغی منداڵی سیستەمی بەرگری لەشی بە تەواوەتی پێنەگەیشتووە لەبەر ئەمە کاردانەوەی خێرای ھەیە لەبەرامبەر شتەکان ، لەبەر ئەمە منداڵ زیاتر تووشی تا دەبێتن . 
شتێکی دیکە ھەیە ئەویش ڤایرۆسی کۆڕۆنا ، سیستەمی بەرگری لەشی منداڵ ناوروژێنێت ، بەڵام تا ئێستا نازاندرێت ھۆکاری ئەم حاڵەتە چییە ؟ 
وەک چۆن دکتۆر ماکدیرمۆت دەڵێت : ھەندێک منداڵ ھەیە تووشی ڤایرۆسەکەش دەبێت ، بەڵام ھیچ نیشانەیەکی لێ بەدەرناکەوێت . 
بەڵام لەگەڵ ئەوەش ئەو زانیارییانەی لەسەر تووشبوونی منداڵ بەم ڤایرۆسە تا ئێستا کەمە . 

ياسين احمد
سەرچاوە | پێگەی BBC





ئەم هەواڵە 8962جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad