English | عربی | Kurdî دواهەواڵ
ڕاستەوخۆ  
 
لەسالیادی لە سێدارەدانی پێشەوا قازی محەمەد
2020-03-31 [05:27 AM]

نوسینی : وەیسی سەعید وەیسی


 

نامرن ئەوانەی وا لە دڵی مللەتدا دەژین.

دوای ئەوەی لە(22)ی كانوونی دووەمی سالی 1946 لە مەیدانی چوارچرای شاری مەھاباد كۆماری كوردستان بەرابەرایەتی پێشەوا قازی محەمەد راگەیەندرا كە بە یەكەمین كۆماری كوردستانی دادەندرێت و ماوەی(330)رۆژ تەمەنی بوو بەداخەوە لە ئاكامی گەلەكۆمەی نێودەولەتی و پشت تێكردنی ھەندێك سەرۆك خێلێك لە(17)ی كانوونی یەكەمی ھەمان سال كۆتایی بەدەسەلاتی كۆماری كوردستان ھات كەسەرەنجام (73)سال بەر لە ئێستا لە(31-3)ی سالی 1947 بە بریاری دادگاێکی نایاسایی لە مەیدانی چوارچرا و لەو شوێنەی کە کۆماری کوردستانی تێدا راگەیەندرا (پێشەوا قازی محەمەد)لە سێدارە درا بۆیەش ھەموو سالێ (31-3)یەكێكی ترە لە رۆژە رەش و ناخۆشەكانی مێژووی گەلی كورد چونكە لەم بەروارەدا بەر لە(73)سال غەدرێكی تری مێژوویی لەگەلی كورد كرا ئەگەر چی تەمەنی كۆماری كوردستان كورت بوو تەنھا (11) مانگێك بوو بەلام ھیواو ئومێدێكی گەورەبوو بۆ كوڕدستانیان بەم كارەشیان دوژمنان توانیان ئامانجی خۆیان بێنەدی و کۆماری کوردستان لەناوبەرن وپێشەوا قازی لەسێدارە بدەن بەلام نەیان توانی ئیرادەی گەلی کوردستان وھەستی كوردانەو بیری نەتەوەیی تاكی كورد بۆ ئازادیخوازی لەناو بەرن. سەرۆک مسعود بارزانی لە لاپەرەکانی١٩٧—١٩٨—١٩٩ی پەرتوکە بە نرخەکەی بارزانی وبزووتنەوەی رزگاریخوازی کوردباس لەدوایین دیداری نێوان قازی محەمەد و بارزانی نەمر دەخاتەروو کەچۆن پێشەوا قازی لەبەر خوای گەورە دەپارێتەوە بارزانی نەمر بپارێزێت و سەرکەوتوویی بکات کە ھەرلەوێش ئالاێکی کوردستان دەداتە دەستی بارزانی نەمروپێ دەلێت (ئەمەنیشانەی کوردستانە دەتدەمێ وەکو ئەسپاردەیەک لەملتدابێ چونکە پێم وایە تۆ لە ھەموو کەس باشتر پارێزگاریی دەکەیت) سوپاس بۆ خوای گەورە ئێستاشی لەگەل دابێ ئالایەکە لە دەستێکی ئەمین دایە لە ماوەی چەند سالی رابردودا بینیمان چۆن لەو ولاتانەی كە نكۆلیان لە بوونی مرۆڤی كوردی دەكرد لەژێر ئالای پیرۆزی كوردستان پێشوازیان لە سەرۆك مەسعود بارزانی دەكەن كە ئەمەش دەرئەنجامی سیاسەتی حەكیمانەی جەنابیانە كە دڵنیاین هەلاتنی رۆژی گەشی كوردان لەسایەی فكرەو سیاسەتە دروست و دروستەكانی دێتە دی کە بۆ یەکەم جاریش لە مێژوودا توانی بەڵگەیەکی یاسایی بۆ بەدەستهێنانی سەربەخۆیی کوردستانیان بەدەستبێنێت، کە ئەویش ڕیفراندۆمی سەربەخۆیی بووكە بە دلنیایەوە ھەر كاتێك دەرفەت برەخسێت ئەوا ئالای كوردستان ھەلدەدرێت ریفراندۆمیش بەئامانج دەگات . سلاو دروود بۆ گیانی پاکی پێشەوا قازی محەمەد و ھاوەلانی و مەلا مستەفا بارزانی وھەموو شەھیدانی رێگای ئازادی کوردستان. سلاو لە پێشمەرگەی كوردستان كەھەمیشە ئالای كوردستانیان بەبەرزی ھێشتۆتەوە.





ئەم هەواڵە 1063جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad