English | عربی | Kurdî دواهەواڵ
ڕاستەوخۆ  
 
پێشمەرگە، شکۆی نیشتیمان
2020-04-01 [11:18 AM]

نوسینی : رەوان ئیدریس بارزانی


پێش مەرگ کەوتن پیشەیەکە، مرۆڤێک ناتوانێت بڕوانامەی تێدا بەدەست بهێنێت . بە درێژایی خەباتی چەکداری و سەرهەڵدانی بزووتنەوەی رزگاریخوازی کورد و کوردستان، نیشتیمانی ئێمە بە هەزاران خوێندكار لە پێناو وەرگرتنی بڕوانامەی پێشمەرگایەتی، لە زانکۆکانی شاخ و ئەشکەوت، وانەی گەرما و سەرما، برسێتی و تێنوویەتی، هەوراز و نشیوییان تێپەڕاندووە و بە خوێنی خۆیان هەموو دەر و دیواری ئەم زانكۆیانەیان بە دروشمی ئازادی و چۆكدانەنان نەخشاندووە! پیشەیەکە، هێندە پیرۆز و بێ¬هاوتایە لە سەرووی هەموو پیشەیەكی دیکەیە؛ چونكە خوێنی خۆی دەبەخشێت و گیانی خۆی بەخت دەكات بۆ ئەوەی هاونیشتیمانیانی بژیت و نیشتمانی نەڕۆخێت! پێشمەرگە، لە هەر شوێنێك ئازادی و مافە ڕەواكانی نەتەوەكەی بكەوێتە مەترسییەوە، یەكسەر لەوێ ئامادە دەبێت، بۆ دابینكردنی ئازادی و گەڕاندنەوەی مافەكان. لە کوێش مەترسی و هەڕەشەیەك لەسەر خاک و ئاو وهەوا و سرووشتە جوانەكەی نیشتیمانی هەبێت، ئەوا سینگی دەبێتە قەڵغان و دیواری خۆڕاگری و سەنگەری بەرگریکردن . وشەی كوردستان لە قامووسەكاندا، بەبێ پێشمەرگە و خەباتەكەی پێناسە ناكرێت؛ چوونکە هەوێنی دەستپێک و کۆتایی بونیادنان و نەڕۆخانی وڵاتمان بۆ هیممەتی بەرخودانی و بەخشینی خوێنی هەزاران هەزار لە ئەندامانی پێش مەرگ کەوتن دەگەڕێتەوە . بۆیە پێویستە و ئەرکی سەرشانمانە ڕێز لە خەباتی دوێنێ و ئەمڕۆی پێشمەرگە بگرین و ئەگەر تا ئێستا نەتوانراوە وەک پێویست خزمەتیان بکرێت، یا لە ئاستی قوربانیدان و ماندووبوونیان کەمتەرخەمی هەبووبێت، دەبێ بەخۆماندا بچینەوە و هەردەم لەبەرچاومان بن.





ئەم هەواڵە 1018جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad