English | عربی | Kurdî دواهەواڵ
ڕاستەوخۆ  
 
ماموستایەکی زانکۆ: میدیا پێویستە بەشێوەیەكی بابەتیانە مامەلە لەگەل ئەم دۆخەی ئێستا بکات
2020-04-05 [04:34 AM]

ZNA-هەولێر


 

 

ماموستایەکی بەشی رایگەیاندنی کۆلێژی ئەدەبیاتی زانکۆی سەلاحەدین رایگەیاند، میدیا پێویستە بەشێوەیەكی بابەتیانە  و تەندروستانە مامەڵە بكات بەرپرسیار بێت لە بەرامبەر گواستنەوەی زانیارییەكان، سەرەتایی هاتنی ڤایرۆسی کۆرۆنا بۆ هەرێمی كوردستان ئەوەمان دەبینی لە كەناڵە ڕاگەیاندنەكان مامەڵەكردن لە ئاستێك بوو تاكەكانی توشی دڵەراوكێ و تا ئاستێك بۆ خەڵكانێك تۆقین بوو.

 

باران محەمەد عەبدوللا ماموستا لە بەشی راگەیاندنی کۆلێژی ئەدەبیاتی زانکۆی سەلاحەدین، بە ئاژانسی ھەواڵی زاگرۆسی راگەیاند: میدیا پێویستە بەشێوەیەكی بابەتیانە  و تەندروستانە مامەڵە بكات بەرپرسیار بێت لە بەرامبەر گواستنەوەی زانیارییەكان و هاوكات بەرپرسیارە لە هۆشیاركردنەوەی تاكەكان لە چۆنیەتی خۆپارێزی، میدیا بەرپرسیارە لەوەی ترس نەخاتە ناو كۆمەڵگا لە كاتی بوونی حاڵەتی نەخوازراو وەك مردن یان تووش بوون بە پەتای كۆرۆنا دارشتنی هەواڵەكەی نەبێتە هۆی دارووخانی ورەی تاكەكان پێویستە لە پاڵ ئەوانە ئەوە بیری خەڵكی بهێنێتەوە كە تەواوی لایەنە پەیوەندیدارەكان لەسەر هێلن بۆ پاراستنی تەندروستی هاولاتیان.. میدیای كوردی لە هەواڵەكان یان لە بەرنامەكانی گفتوگۆ بكات لەگەڵ كەسانی پسپۆر و شارەزا بۆ ئەوەی تاك بزانێت چۆن رووبەروبونەوەی ئەم دۆخە ببێتەوە،، هەر دەزگایەكی ڕاگەیاندن ستراتیژیەتێكی تۆكمە دابرێژێ بۆ ئەوەی گشت ڕاگەیاندنكاران و كارمەندەكان بەرچاو روونی تەواویان هەبێت لە كاتی ڕووماڵكردنی بابەتی پەیوەندیدار بە پەتای كۆرۆنا.

 

ماموستای بەشی راگەیاندنی کۆلێژی ئەدەبیاتی زانکۆی سەلاحەدین گووتی: دەتوانین بڵێن میدیای كوردی لە قۆناغی سەرەتایی هاتنی ئەم ڤایرۆسە بۆ هەرێمی كوردستان ئەوەمان دەبینی لە كەناڵە ڕاگەیاندنەكان مامەڵەكردن لە ئاستێك بوو تاكەكانی توشی دڵەراوكێ و تا ئاستێك بۆ خەڵكانێك تۆقین بوو لەگەڵ هەر حاڵەتێكی توشبوون بەبەرپرسیارنە مامەڵە نەدەكرا بەڵام لە ئێستادا تا ئاستێك ڕاگەیاندنەكان ئەم قۆناغەی ترس و تۆقینیان تێپەراندووە سەبارەت بە ڕۆڵی هۆشیاركردنەوەی تاكەكان كە لە ئێستادا لە پاڵ پێدانی زانیاری ڕاگەیاندن ئەركی هۆشیاری لەسەر شانە، بەشێك لە دەزگاكان توانیویانە پشت ببەستن بە كەسانی شارەزا بەڵام بەداخەوە لە هەندێ كەنالی ڕاگەیاندن ئاستی هۆشیاری بەشێكی لە ستافی دەزگاكە هێندە بەرز نییە بۆیە نا بەرپرسانە دۆخەكە دەخرێتەروو.

 

باران محەمەد عەبدوللا گووتیشی: بەدڵنیایەوە دەزگا ڕاگەیاندنەكان و ستافی دەزگاكان بە گشتی پێویستان بە یەك بوونێك هەیە لەسەر ئاستی ئەوەی ئەوە بخەنەڕوو كە دۆخێكی نەخوازراو هەیە پیویستە تەواوی پەیامە میدیایەكان بۆ چۆنیەتی رووبەروبونەوە و خۆپارێزی و هەڵبەت دروستكردنی هیوا و بڵاوكردنەوەی پەیامێكی هۆشیارانە و بەرپرسیارانە تەواوی دەزگاكان كار بكەن لەسەر ستراتیژیەتێك كە هەڵگری پەیامی خۆپارێزی تەندروستی جەستەیی و دەروونی بێت. لە ئێستادا كە دەیبینین تەواوی لایەنەكانی ژیان وەستاوە بەڵام ڕاگەیاندنكاران و كارمەندانی دەزگا ڕاگەیاندنەكان بەردەوام هەوڵی گەیاندنی هەواڵ و ڕاستیەكان دەدەن خاڵی گرنگ ئەوەیە ڕاگەیاندنكاران ئەم ئازاد بوونەیان لە بوونیان لە شوێنە پێویستەكان و ئەو هەواڵانەی بڵاویان دەكەنەوە ئەو زانیاریانە بێت كە لە ئێستادا پێویستە بۆیە بوونی ژورێكی عەمەلیات بۆ باشتركردن و رێكخستنی كارو چالاكیەكان پێویستە و ئەركی دەزگا راگەیاندنەكان ئاسانتر دەكات و روانبینینی ڕۆژنامەنوسانیش روونتر دەبێت بۆ ئەوەی بزانن لەگەڵ بوون. هەر هەواڵێك  چۆن مامەڵەبكەن و بیگەیەنن بە جەماوەر.

 

ھەروەھا ماموستا باران رایگەیاند: خاڵێكی تر بە پێویستم بینی باسی لێوە بكەم هۆشیاری ڕاگەیاندنكاران لە چۆنیەتی خۆپاراستیان لەوەی ئەوان نەبن بە هۆكاری گواستنەوەی ڤایرۆسەكە و خۆیان نەبن بە سەردێری هەواڵەكان بەداخەوە ڕۆژانە لە كەناڵە تەلەفزیۆنەكانەوە هەندێ پەیامنێر  یان ڕۆژنامەنوس ئەبینی زۆر نابەرپرسانە مامەڵە دەكات بەستنی دەمامك و لابردنی لە كاتی قسەكردنی لەگەڵ هاوڵاتیان یان لەو كاتەی قسە بۆ جەماوەر دەكات ئەمانە ڕەنگە ببێتە هۆی ئەوەی لەم ماوە كورتە توشی كارەساتێكی تەندروستی ببێت یاخود بوونی ڕێژەیەكی زۆر و لە ڕادەبەدەری ڕۆژنانەنوس لە دەرەوە و هەندێكی بێ بوونی ئیشێك تەنها بەهۆی ئەوەی ڕێگە پێدانی هەیە.. لە دۆخی ئێستادا دەزگا ڕاگەیاندنەكان بە ستافێكی كەمترەوە دەتوانن كارەكانیان ڕاپەرێنن بۆ ئەوەی خودی ڕۆژنامەنوس نەبێت بە هەواڵ پێویستە هەموو تاكەكان بەرپرسیار بن بەرامبەر هەموو مرۆڤایەتی و ڕاگەیاندنكاران و دەزگا ڕاگەیاندنەكان لە ریزی پێشەوەی ڕاپەراندنی ئەم ئەركە هۆشیارییەن و خۆشیان پێویستە لە خۆیانیدا جێبەجێی بكەن.

 

 

رێباز یونس





ئەم هەواڵە 2074جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad