English | عربی | Kurdî دواهەواڵ
ڕاستەوخۆ  
 
تاڵیبان هۆشداری لەناوچوونی رێککەوتنەکەی لەگەڵ ئەمەریکا دەدات
2020-04-06 [02:08 AM]

ZNA - هەولێر


 

تاڵیبانی ئەفغانستان هۆشداری دەدات سەبارەت بەو ڕێککەوتنە ئاشتیانەیەی لەگەڵ ئەمریکادا واژووی کردوە ئاشکرای کرد ئەو رێککەوتنە لەسەر لێواری داڕمانە.

تاڵیبان، واشنتۆن تۆمەتبار دەکات بەوەی پێشێلکاری لە ڕێککەوتنەکەدا کردووە و فڕۆکەی بێفڕۆکەوانی بەکارهێناوە و خەڵکی سیڤیل کراونەتە ئامانج.

لە ڕاگەیاندنەکەی درەنگانێکی ڕۆژی یەکشەممەیدا، تاڵیبان ڕەخنە و ناڕەزایی بەرامبەر حکومەتی ئەفغانستانیش دەربڕیوە بەهۆی ئەوەی دواکەوتووە لە ئازادکردنی پێنج هەزار گیراوی تاڵیبان، بەپێی ڕێککەوتنەکە دەبوو ئازاد کرابان.

تاڵیبان دەڵێت، هێرشەکانی خۆی سنوردارکردووە بۆسەر هێزە ئاسایشیەکانی ئەفغانستان لە گوندە دوورەکاندا، وە هیچ هێرشێکی نەکردۆتە سەر هێزە نێونەتەوەییەکان و ئەفغانیەکان لە شارەکاندا یانیش لە دامەزراوە لەشکرییەکاندا.

تاڵیبان جەخت دەکاتەوە لەوەی ئەو کۆت و بەندانەی دانراون، هیچ وردەکارییەکی لەو ڕێککەوتنەدا باس نەکراوە کە لە مانگی دوودا واژوو کراوە.

تاڵیبان ئاگاهی دەدات سەبارەت بە ڕوودانی توندوتیژی زیاتر، ئەگەر بێتوو وەک دەڵێت ئەو پێشێلکاریانە بەردەوام بن.

توندڕەوان دەڵێن، بە بەراورد لەگەڵ ساڵی ڕابردوودا، هێرشەکانیان کەم کردۆتەوە، بەڵام دەشڵێن بەردەوامیدان بەو پێشێلکاریانە، ژینگەی بێمتمانەیی دروست دەکات و ئەو بێمتمانەییەش هەر تەنها زیان لە ڕێککەوتنەکە نادات، بەڵکو ئەگەرەکانی شەڕیش زیاتر دەکات.

 

voa





ئەم هەواڵە 3451جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad