English | عربی | Kurdî دواهەواڵ
ڕاستەوخۆ  
 
په‌يامى سه‌رۆكى هه‌رێمى كوردستان له‌ يادى جينۆسايدكردنى كوردانى فه‌يليدا
2020-04-06 [02:35 AM]

ZNA_ هەولێر


له‌ يادى چل ساڵه‌ى جينۆسايد و تاوانى ڕاگواستن و بێسه‌روشوێنكردنى كوردانى فه‌يليدا كه‌ يه‌كێكى ديكه‌ بوو له‌ زنجيره‌ى تاوانه‌كانى ڕژێمى به‌عس به‌رامبه‌ر به‌ گه‌لى كورد، سه‌رى ڕێز و نه‌وازش بۆ گيانى پاكى شه‌هيدانى كوردى فه‌يلى داده‌نه‌وێنين و به‌ ڕێز و شكۆوه‌ ياديان ده‌كه‌ينه‌وه‌.

ڕاگواستن و ‌ده‌ركردنى سه‌تان هه‌زار كوردى فه‌يلى و بێسه‌روشوێنكردنى ده‌يان هه‌زارى ديكه‌يان، ده‌ستبه‌رسه‌رداگرتنى موڵك و ماڵ و لێسه‌ندنه‌وه‌ى ڕه‌گه‌زنامه‌يان ته‌نيا له‌به‌ر ئه‌وه‌ى كه‌ كوردن و پشتگيرييان له‌ شۆڕش و مافه‌كانى گه‌له‌كه‌يان كردووه‌، به‌ هه‌موو مانايه‌كى وشه‌ جينۆسايدێك بوو به‌رامبه‌ر به‌ كوردانى فه‌يلى ئه‌نجام درا.

له‌م ياده‌دا و به‌و پێيه‌ى ئه‌م تاوانه‌ى به‌عس به‌رامبه‌ر كوردانى فه‌يلى له‌لايه‌ن دادگاى باڵاى تاوانه‌كانى عێراقه‌وه‌ به‌ جينۆسايد ناسراوه‌، دووباره‌ داوا له‌ حكوومه‌تى عێراق ده‌كه‌ينه‌وه‌ قه‌ره‌بووى كوردانى فه‌يلى بكاته‌وه‌ و ئه‌ركى ياسايى و ئه‌خلاقيى خۆى به‌جێ بگه‌یه‌نێت، هه‌روه‌ها كێشه‌ى گێڕانه‌وه‌ى ڕه‌گه‌زنامه‌ و ملك و ماڵه‌كانيان چاره‌سه‌ر بكات.

دروود بۆ گيانى پاكى شه‌هيدانى كوردى فه‌يلى و ته‌واوى شه‌هيدانى كوردستان.

سڵاو و ڕێز بۆ خانه‌واده‌ سه‌ربه‌رزه‌كانيان.

نێچيرڤان بارزانى

سه‌رۆكى هه‌رێمى كوردستان

6/4/2020​





ئەم هەواڵە 3496جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad