English | عربی | Kurdî دواهەواڵ
ڕاستەوخۆ  
 
سه‌رۆكى هه‌رێمى كوردستان به‌دواداچوون بۆ دوايين پێشهاته‌كانى په‌تاى كۆرۆنا ده‌كات
2020-04-07 [12:38 PM]

ZNA_ هەولێر


 

به‌ڕێز نێچيرڤان بارزانى، سه‌رۆكى هه‌رێمى كوردستان له‌ په‌يوه‌نديى ته‌له‌فۆنيدا له‌گه‌ڵ به‌ڕێزان وه‌زيرانى ناوخۆ و ته‌ندروستى، پارێزگارانى هه‌ولێر، سلێمانى، دهۆك و هه‌ڵه‌بجه‌ و سه‌رپه‌رشتيارانى هه‌ردوو ئيدارى گه‌رميان و ڕاپه‌ڕين، به‌دواداچوونى بۆ دوايين پێشهاته‌كانى په‌تاى ڤايرۆسى كۆرۆنا كرد‌.
ئه‌مڕۆ سێشه‌ممه‌ 7/4/2020 سه‌رۆك نێچيرڤان بارزانى له‌ په‌يوه‌ندييه‌كه‌دا له‌گه‌ڵ لايه‌نه‌ به‌رپرسه‌كان، دوايين پێشهاته‌كانى بڵاوبوونه‌وه‌ى په‌تاى ڤايرۆسى كۆرۆنا و ڕێكاره‌كانى حكوومه‌ت و لايه‌نه‌ په‌يونداره‌كانى بۆ ڕێگريكردن له‌ بڵاوبوونه‌وه‌ى زياترى په‌تاكه‌ تاوتوێ كرد و له‌ دۆخى پارێزگاكان و هه‌ردوو سنوورى گه‌ر‌ميان و ڕاپه‌ڕين و به‌ڕێوه‌چوونى كاره‌كان و پێداويستى و كه‌موكورييه‌كان و كاريگه‌ريى ده‌رهاويشته‌ و لێكه‌وته‌كانى په‌تاكه‌ى له‌سه‌ر ژيان و گوزه‌رانى هاووڵاتييانى هه‌رێمى كوردستانى پرسييه‌وه‌.
به‌ڕێز سه‌رۆكى هه‌رێمى كوردستان سوپاس و ده‌ستخۆشى له‌ هه‌ردوو وه‌زاره‌تى ناوخۆ و ته‌ندروستى و پارێزگا و ئيداره‌كان و يه‌كه‌ كارگێڕييه‌كان و پزيشكان و كارمه‌ندانى ته‌ندروستى و پێشمه‌رگه‌ و ئاسايش و ته‌واوى هێزه‌كانى ناوخۆ و كارمه‌ندانى ده‌روازه‌ سنوورييه‌كان و فڕۆكه‌خانه‌كان و هه‌موو ئه‌وانه‌ كرد كه‌ له‌ به‌ره‌نگاربوونه‌وه‌ى په‌تاكه‌دا‌ به‌شدارن و هه‌موو هه‌وڵێك بۆ كۆنترۆڵكردنى ده‌ده‌ن.
سه‌رۆك نێچيرڤان بارزانى هه‌روه‌ها سوپاسى هاووڵاتييانى كرد كه‌ پابه‌ندى ڕێنماييه‌كانن بۆ خۆپاراستن و داواى كرد هه‌مووان تا ئه‌وپه‌ڕى به‌رده‌وام بن له‌ پابه‌ندى و هاوكاريى هه‌وڵه‌كانى حكوومه‌ت بكه‌ن بۆ ڕێگريكردن له‌ بڵاوبوونه‌وه‌ى زياترى په‌تاكه، دووپاتيشى كرده‌وه‌ كه‌ ڕێكار و ڕێنماييه‌كان و پابه‌نديى هاووڵاتيان تا ئێستا ئه‌نجامى باشى به‌ده‌سته‌وه‌ داوه‌ و هيواى خواست به‌ هاوكاريى هه‌موو لايه‌ك ئه‌م دۆخه‌ سه‌خته‌ش تێپه‌ڕێنرێت.





ئەم هەواڵە 3622جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad