English | عربی | Kurdî دواهەواڵ
ڕاستەوخۆ  
 
ماموستایەکێ زانکۆیێ: میدیایا کوردی تارادەکێ باش شیایە روڵ بگێریت دگەهاندنا زانیاریان دا
2020-04-08 [12:35 PM]

ZNA-هەولێر


ماموستایەکێ بەشێ راگەیاندنێ ل زانکۆیا سەلاحەدین راگەھاند، میدیا دڤێت هەڤسەنگییێ ب پارێزیت، هەم رەوشا خەلکی ب شێوەکی گشتی لبەر چاف وەرگریت و ئارامییا دەرونی و فشار و سترێسێ لسەر کێم کەت، ھەروەسا میدیایا کوردی تارادەکێ باش شیایە روڵ بگێریت دگەهاندنا زانیاریان دا.

 

مەھدی شەعبان، ماموستای بەشێ راگەیاندنا کۆلێژا ئەدەبیاتا زانکۆیا سەلاحەدین، ب ئاژانسا ھەواڵا زاگرۆس راگەھاند: ب دیتنا من میدیا دڤێت هەڤسەنگییێ ب پارێزیت، هەم رەوشا خەلکی ب شێوەکی گشتی لبەر چاف وەرگریت و ئارامییا دەرونی و فشار و سترێسێ لسەر کێم کەت، وهەم ژی دڤێت ب شەفافانە  زانیاریا  بگەهینیتێ. ئەڤەژی دێ ب رێکا بەڵاڤکرنا زانیاریێن  راست و دروست ژلایەنێن فەرمی و دیسان ژلایەنێن پسپور و تایبەتمەند و نوژدارا، و هەروەسا ب درو دەرخستنا وان نووچە و هەواڵێن چاواشەکار و نا دروست ب تایبەت ئەڤێن دسوشیاڵ میدیایێ دا بەڵاڤ دبن، چونکە دبنە ئەگەرێ بەڵاڤبونا ترس و دڵ راوکێ دناڤا خەلکی دا.

 

ماموستای بەشی راگەیاندنا کۆلێژا ئەدەبیاتا زانکۆیا سەلاحەدین گووت: میدیایا کوردی تارادەکێ باش شیایە روڵ بگێریت دگەهاندنا زانیاریان دا، بینەر و گوهدار و خوینەرێن کورد دراگەهاندنا هەڤزمانێ خوە دا تەڤایا زانیاری ب دەست دکەڤن، کو هەوجەی دیفچوونا راگەهاندنا بیانی نەکەت، ب تایبەت ئەڤێن گرێدای نافخوەیا کوردستانێ کو لسەرێ هەر دەمژمێرەکێ زانیاری ل میدیایا کوردی دا ئاپدێت دبن، ئەڤەژی جهێ دلخوشییێ یە.

 

مەھدی شەعبان گووتژی: ئەڤ گوتارا نها دهێتە ڤەگوهاستن ل هەمی کەناڵین تەلەفزیونی ورادیویێ دا گەلەك نیزیکی هەڤە، هەر وەشاندنا کونگرێت رۆژنامەڤانی یێت لایەنێن پەوەندیدار ب بابەتێ کورونایێ ڤە ژ وەزارەتا تەندروستی و لێژنێن بلندێن بەرهنگاربوونا کورونایێ و دیسا یێت وەزارەتا نافخویی و بەڵافکرنا بەیانناما، هەروەها بەڵافکرنا رێنماییا، هەمی دەزگایێت میدیایی دکو دەنگەن دچاوانیا بەرهنگاربونا ڤی ڤایروسی دا، چ مانا دمال دا و کەرەنتینێ و چ پابەندبوونا ب رێنماییان.

 

ھەروەسا ماموستا مەھدی ئەڤ چەندەژی روونکر، کو هەبوونا ژورا عەمەلیاتا یا راگەندنێ یاگرنگە هەبیت ب تایبەت دکاودانێ نها دا و قەدەغەکرنا رێکا هاتن وچوونێ دبیت هەمی رۆژنامەڤان نەگەهنە سەرچاوێن زانیاریا بەلێ ب هەبوونا ژۆرا عەمەلیاتا دێ ئەف ئاریشەژی چارەبیت. دیسا دبیت گەلەك کەس گازندا ژ هندێ بکەن کو دکونگرێت روژنامەڤانی دا یێت لایەنێن پەیوەندیدا گەلەك خرڤەبوون پەیدا دبن و ئەف چەندەژی دژی رێنماییانە.

 

رێباز یونس





ئەم هەواڵە 3739جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad