English | عربی | Kurdî دواهەواڵ
ڕاستەوخۆ  
 
دکتۆرە ڤیان جاف: پابەندبوونی هاوولاتیان بە رێنمایەکان یەکسانە بە سەلامەتی خۆیان
2020-04-09 [12:18 PM]

ZNA- هەولێر


دکتۆرە ڤیان جاف بەرێوبەری گشتی پلان لە وەزارەتی تەندورستی حکومەتی هەرێمی کوردستان بە ئاژاسی هەواڵی زاگرۆسی راگەیاندن: ڤایرۆسی کۆرۆنا سەرەتا لە ئێرانەوە سەرچاوەی گرت و گوازرایەوە کوردستان لە رێگای ئەو بەرێزانەی کە سەفەری ئێرانیان کردبوو دواتریش چین و ئەوروپا، وەک ئاشکرایە پابەند نەبوونی ھەندێک لەو بەرێزانە کە خۆیان ئاشکرا نەکرد لە ئێران گەرابوونەوە بەداخەوە بووە ھۆی بەرکەوتن بە کەس و کار و خێزانیان و بلاوبوونەوەی نەخۆشی ئەوەی ئێمە لە تەندروستی لە یەکەم رۆژەوە تا ئێستا جەختی لەسەر دەکەینەوە پابەندبوونە بە ھەموو رێنمایەکان و بەھەند وەرگرتنی بابەتەکە بەراگرتنی پاک وخاوێنی و دەست شوشتن بە بەردەوامی نەچوونە دەرەوە لەمال، دوور کەووتنەوە لە قەرەبالغی و بە کارھێنانی ماسک و دەستکێش بەتایبەت لە بازارکردن و شوێنی داخراو و بە ھیچ شێوەیەک تێکەلاوی و نزیکبوونەوە نەبێت لەگەل ئەو بەرێزانەی کە لە دەرەوە ھاتوونەوتەوە یان لە خێزانیان حالەتی پۆزەتیڤی کۆرۆنا هەبووە.
 
 
دکتۆرە ڤیان جاف گووتی: بابەتی کەرەنتینە کردن زۆر بەھەلە لەلایەن ھەندێک خەلک لێکدرایەوە، خۆ ئێستا بەگشتی ھەموو شارەکانی ھەرێمی کوردستان لە کەرەنتینەن بەو شێوەیەی دەرچوون نیە و قەدەغەی ھاتووچۆیە، کاتێک کە گەرەکێک کەرەنتینەش دەکرێت پێویستە خەلک زۆر بە ئاسایی و بە ئارامی بابەتەکە وەرگرێت چونکە خۆیان لە مالەوەن تەنھا تیمە پزیشکیەکان بە شێوەیەک سامپل لە نزیکەکانی تووشبووەکە وەردەگرین کە ئەویش تەنھا مەبەست سەلامەتی خۆیان و پاراستنیانە و دوورخستنەوەیان لە ھەر مەترسیەک وە رێگریکردنە لە تەشەنەکردنی زیاتر، ھاولاتیانی خۆشەویت پێویستە دلنیابن کە ھەرچی دەکرێت و ھەر بڕیارێک تەنھا لە بەرژەوەندی خۆیان و پاراستنی تەندروستی ھەرێمی کوردستانە.
 

هەروەها دکتۆرە ڤیان جاف ئەوەشی بۆ ئاژانسی هەواڵی زاگرۆس خستەروو: بێگوومان پابەندووبی خەلک بەو رێنمایانەی ئاماژەم پێدا ئەرکی پزیشکەکان و پەرستاران وە تەواوی کارمەندانی بواری تەندروستی سووکتر دەکات جگە لە پاراستنی سەرچاوەی دارایی وە کەلوپەل و ھێزی کار.
 
 

دڵشاد یونس هەرکی





ئەم هەواڵە 11899جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad