English | عربی | Kurdî دواهەواڵ
ڕاستەوخۆ  
 
بریكاری وەزارەتی پیشەسازی و بازرگانی: ڕۆژانە خۆراكی پێویست بە زیادەوەش دەگاتە كوردستان
2020-04-11 [05:46 AM]

ZNA - هه‌ولێر


 

  بریكاری وەزارەتی پیشەسازی و بازرگانیی حکوومەتی هەرێمی کوردستان سەروەر كەمال هاواری ڕاگەیاند، لە ماوەی ڕابردووشدا بەشێك لە هاووڵاتیان باسیان لە گرانبوونی نرخی هەندێ خۆراك كرد، ئەمەش بەهۆی زۆری خواست لەسەر كاڵاكان و درەنگگەیشتنی كاڵاكان لە ڕێگای دەروازە سنوورییەكانەوە بەهۆی جێبەجێكردنی ڕێنماییە تەندروستییەكان بوو، بەڵام ئێستا بە گرتنەبەری ڕێگای تازە ئەم كێشانە نەماون، وتیشی، ئێستاش بەهۆی ئەو ڕێكارانەی گیراونەتە بەر خەریكە ئەم خەمە كۆتاییی پێ دێت و ڕۆژانە خۆراكی پێویست بە زیادەوەش دەگاتە كوردستان.

سەروەر كەمال هاواری، رايگەیاند، لەگەڵ بڵاوبوونەوەی ڤایرۆسی كۆڕۆنا یەكێك لە خەمە سەرەكییەكانی مەسروور بارزانی، سەرۆكی حكوومەتی هەرێمی کوردستان، خەمی خۆراك بووە، بۆیە هەر زوو بڕیاری دا بە دروستکردنی بۆردێک بۆ دابینکردنی خۆراك و، ئێستاش بەهۆی ئەو ڕێكارانەی گیراونەتە بەر خەریكە ئەم خەمە كۆتاییی پێ دێت و ڕۆژانە خۆراكی پێویست بە زیادەوەش دەگاتە كوردستان.

وتیشی، لە دوێنێوە جووڵەی بازرگانی لە هەرێمی كوردستان بە تەواوی ئاسایی بووەتەوە بە گرتنە بەری ڕێكاری تەندروستی و خۆپارێزی و ئێستاش چه‌ندین كیلۆمەتر بارهەڵگر وەستاون بۆ ئەوەی خۆراك بگوازنەوە كوردستان و بەبەردەوامیش ئەم ڕێژەیە لە زیادبوونە.

بریكاری وەزارەتی بازرگانی و پیشەسازی ئه‌وه‌ی خسته‌روو، هەموو دۆخێكی نائاسایی لە سەرەتادا تا ڕێكخستنەوەی بۆ دەكرێت هەندێك كاتی دەوێت، لە ماوەی ڕابردووشدا بەشێك لە هاووڵاتیان باسیان لە گرانبوونی نرخی هەندێ خۆراك كرد، ئەمەش بەهۆی زۆری خواست لەسەر كاڵاكان و درەنگگەیشتنی كاڵاكان لە ڕێگای دەروازە سنوورییەكانەوە بەهۆی جێبەجێكردنی ڕێنماییە تەندروستییەكان بوو، بەڵام ئێستا بە گرتنەبەری ڕێگای تازە ئەم كێشانە نەماون، بەڵكو نرخی هەندێ جۆرە خۆراك دابەزیوە، چونكە ئێستا لەبڕی 14 ڕۆژ بارهەڵگرەكان بە حەوت ڕۆژ بارەكانیان دەگەیەننە شوێنی مەبەست و بەمەش كرێبارەكانیان كەم دەبێـتەوە و نرخی خۆراكەكان كەمتر دەبێتەوە.

سەروەر كەمال هاواری، روونی كرده‌وه‌، لەسەر بڕیاری سەرۆكی حكوومەت و ئەو ڕێكارانەی وەزارەتی بازرگانی گرتوویەتییە بەر ئاسانكاریی تەواو بۆ بازرگانان كراوە بە مەبەستی كڕینی خۆراك و گواستنەوەی لە نێوان شارەكان و تەنانەت لە كۆگاكان بۆ ناو ماركێتەكانیش ئەم ئاسانكاریانەش بەردەوام دەبن لەپێناو خزمەتی خەڵكی كوردستان و پاراستنی ئاسایشی خۆراك لە هەرێمی كوردستان.

 

KDP.info





ئەم هەواڵە 4471جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad