English | عربی | Kurdî دواهەواڵ
ڕاستەوخۆ  
 
چۆن بەتەمەنەکان لە ڤایرۆسی کۆڕۆنا بپارێزین؟
2020-04-12 [05:24 AM]

ZNA  - ھەولێر 




لەگەڵ بڵابوونەوەی ڤایرۆسی کۆڕۆنا لەسەرتاسەری جیھان ، مەترسییەکی زۆر لەسەر بەتەمەنەکان ھەیە کە بەپێی ئەوەی ئەوان ھێزی بەرگری لەشییان لاوازترە بەبەراورد بەکەسانی دیکە و زۆرینەی ئامارەکان دەرخەری ئەوەن کە ئەوانەی گیان لەدەست دەدەن ئەو کەسانەن کە تەمەنیان سەرووی ٦٠ ساڵییە ، بەڵام ئەمە تەنھا ھۆکاری گیان لەدەست دان نییە ، بەڵکو ئەوانەی گیانیان لەدەستداوە نەخۆشی دیکەشییان ھەبووە وەک شەکرە و شێرپەنجە ... ھتد . 

لەگەڵ ئەوەی ھیچ رێنماییەکی تایبەت نییە بۆ بەتەمەنەکان بۆ ئەوەی خۆیان لە کۆڕۆنا بپارێزن ، بەڵام دەکرێت ھاوشێوەی کەسانی دیکە ، کەسە بەتەمەنەکان ئەم رێنماییانەی خوارەوە جێ بەجێ بکەن . 
١.دەست شووشتن و بەشێوەیەکی بەردەوام و بەئاوی گەرم و سابون . 
٢. تەعقیم کردنی دەستەکان بە بەکارھێنانی مادەی تایبەت . 
٣. دوور کەوتنەوە لە تەوقەکردن . 
٤. دوور کەوتنەوە لە قەرەباڵغی . 
٥. خاوێنکردنەوە و تەعقیم کردنی ئەو کەلوپەلانەی رۆژانە بەکار دێن . 
٦. دوور کەوتنەوە لە بەکارھێنانی گواستنەوەی گشتی . 
٧. ھەڵگرتنی ھەندێک خۆراکی تایبەت و دەرمان تایبەت بە نەخۆشە بەتەمەنەکان . 


ھەروەھا پزیشکان ئامۆژگاری بەتەمەنەکان دەکەن کە ئەگەر ناچار نەبوون سەردانی نۆرینگەکان نەکەن و تا دەکرێت لە رێگەی تەلەفۆن و پەیوەندی دیکە رێنمایی تەندروستی بە حاڵەتەکانی خۆیان وەربگرن . 


دوورکەوتنەوەی کۆمەڵایەتی ، مەترسی بۆ سەر ژیانی بەتەمەنەکان ھەیە ؟ 


پزیشکەکان ھۆشداری دەدەن لە دوورکەوتنەوەی کۆمەڵایەتی ، ھەرچەندە ئەمە یەکێکە لە ھۆیەکانی خۆپاراستن لە کۆڕۆنا ، بەڵام ئەمەش دەبێتە ھۆی دوور کەوتنەوەی کۆمەڵایەتی و ئەمەش گرفتێکی گەورە بۆ بەتەمەنەکان دروست دەکات . 
لەبەر ئەمە پێویستە کەسە بەتەمەنەکان لەم دابڕینە کۆمەڵایەتیە بەدوور بن چونکە کاریگەری نێگەتیڤی لەسەر لایەنی تەندروستیان دروست دەکات . 


بەڵام لەگەڵ ئەوەش پێویستە کۆبوونەوەکان بە شێوەیەکی تەندورستانە بێت و کاریگەری لەسەر تەندروستی کەسە بەتەمەنەکان دروست نەکات . 
ھەروەھا پزیشکەکان داوا لە بەتەمەنەکان دەکەن بۆ خۆپارێزی لەکۆڕۆنا ، خواردنی تەندروست بخۆن و ھەندێک راھێنانی وەرزشی ئەنجام بدەن و بەشێوەیەکی باش بخەون ، چونکە ئەمانە دەبێتە ھۆی بەھێزبوونی بەرگری لەش . 

یاسین ئەحمەد
سەرچاوە | ڕخبار الان
 





ئەم هەواڵە 3655جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad