English | عربی | Kurdî دواهەواڵ
ڕاستەوخۆ  
 
په‌يامى سه‌رۆكى هه‌رێمى كوردستان له‌ يادى ئه‌نفالدا
2020-04-14 [03:41 AM]

ZNA_ هەولێر


له‌ يادى سى و دوو ساڵه‌ى شاڵاوه‌ به‌دناوه‌كانى ئه‌نفالدا، به‌ ڕێز و شكۆوه‌ هه‌موو ئه‌و قوربانييانه‌ به‌بير ده‌هێنينه‌وه‌ كه‌ له‌و تاوانكارى و جينۆسايده‌دا گيانيان به‌خشى و سه‌رى ڕێز و نه‌وازش له‌به‌رده‌م گيانى پاكى ئه‌وان و ته‌واوى شه‌هيدانى كوردستان داده‌نوێنين، سڵاو و ڕێز بۆ خێزان و كه‌سوكارى سه‌ربه‌رزيان.

ئه‌نفال يه‌كێك له‌ سامناكترين و دڕه‌نده‌ترين تاوانه‌كانى مێژووه‌ كه‌ ئافره‌ت، پياو، منداڵ و پيرى نه‌ناسيوه‌ و بێباكانه‌ هه‌مووانى پێكه‌وه‌ به‌ره‌و مه‌رگى به‌كۆمه‌ڵ ڕاپێچ كردووه‌، هه‌روه‌ها ژينگه‌ و ئاوه‌دانى ته‌خت كردووه‌ و هه‌موو شوێنه‌وارێكى ژيانى سڕيوه‌ته‌وه‌. ئه‌و سياسه‌ته‌ ڕه‌گه‌زپه‌ره‌سته‌ى به‌عس بووه‌ هۆى ئه‌وه‌ى ته‌نيا له‌ شاڵاوه‌كانى ئه‌نفالدا زياتر له‌ (180) هه‌زار هاووڵاتيى كوردستان گيانيان سپارد و كۆمه‌ڵكوژ و زينده‌به‌چاڵ كران، جگه‌ له‌ وێرانكردنى هه‌زاران دێهات و ده‌يان شارۆچكه‌ى كوردستان.

له‌ كاتێكدا ئه‌مڕۆ يادى ئه‌و ئازيزانه‌ و ته‌واوى شه‌هيدانى كوردستان ده‌كه‌ينه‌وه‌، ده‌بێ هه‌موو هه‌وڵێكمان بۆ ئه‌وه‌ بێت كه‌ به ‌هيچ شيوه‌يه‌ك ڕێگه‌ نه‌درێت جارێكى ديكه‌ نه‌ گه‌لى كوردستان و نه‌ هيچ گه‌ل و ملله‌تێكى ديكه‌ى سه‌رزه‌مين، ڕووبه‌ڕووى ئه‌و تاوانكارى و جينۆسايده‌ ببنه‌وه‌، ده‌بێ ده‌وڵه‌تى عێراقيش وه‌ك ئه‌ركى ياسايى و ئه‌خلاقيى خۆى، ئاوڕێكى جددى له‌ كه‌سوكارى قوربانييان بداته‌وه‌ و قه‌ره‌بوويان بكاته‌وه‌.

هه‌ر وه‌ك چۆن دادگای باڵای تاوانه‌كانی عێراق ئه‌نفاله‌كانى به‌ جینۆساید و تاوانى دژى مرۆڤایه‌تى و تاوانى جه‌نگ ناساند، داواكارين كۆمه‌ڵگه‌ى نێوده‌وڵه‌تيش ئه‌و تاوانكارييانه‌ به‌ جينۆسايد بناسێنێت، له‌م پێناودا به‌رده‌وام ده‌بين و هه‌موو هه‌وڵێكمان ده‌خه‌ينه‌ گه‌ڕ، هه‌روه‌ها به‌رده‌وام ده‌بين بۆ دۆزينه‌وه‌ى ڕوفاتى شه‌هيدان و گێڕانه‌وه‌يان بۆ ئامێزى نيشتمان.‌

له‌م ياده‌دا دروود بۆ گيانى شه‌هيدان كه‌ هه‌ميشه‌ له‌ ياده‌وه‌ريى گه‌لى كوردستاندا به‌ زيندوويى ده‌مێننه‌وه‌.

نێچيرڤان بارزانى

سه‌رۆكى هه‌رێمى كوردستان

14/4/2020





ئەم هەواڵە 3622جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad