English | عربی | Kurdî دواهەواڵ
ڕاستەوخۆ  
 
 خولە گەورەکانی ئەوروپا بەھۆی کۆڕۆنا زیانێکی زۆریان بەردەکەوێت 
2020-04-14 [03:26 AM]

ZNA  - ھەولێر 


رۆژ لە دوای رۆژ ڤایرۆسی کۆڕۆنا لە سەرتاسەری جیھان بڵاودەبێتەوە و تا دێت ژمارەی تووشبووان زیاد دەکات و ھەروەھا بەھۆی ڤایرۆسی زیانێکی زۆر بە ئابووری جیھان گەیشتووە ، ئەمەش سەرجەم لایەنەکانی ژیانی گرتووتەوە و لایەنی وەرزشیش بەشێکی گرنگ بوو لەو زیانانەی بەرکەوت . 

لەم راپۆڕتە تیشک دەخەینە سەر زۆرترین ئەو زیانانەی بەر خولە گەورەکانی ئەوروپا دەکەوێت . 

خولی پریمەرلیگی ئینگلیزی . 

فیدراسیۆنی خولی پریمەرلیگی ئینگلیزی ناچار بوو یارییەکانی ئەم وەرزەی خولەکە رابگرێت ، دوای ئەوەی چەند یاریزانێک و راھێنەرێک تووشی ڤایرۆسەکە بوون. 
لەگەڵ ئەوەی یانەی لیڤەرپول نزیک بوو لە بەدەستھێنانی نازناوەکەی ئەم وەرزە ، بەڵام یارییەکان راگیرا تا کاتێکی نادیار دەوەستێت و پێشبینی دەکرێت زیانەکانی خولی ئینگلیزی ٩٢٥ دۆلار دەبێت ، ئەمەش بەھۆی نەمانی داھاتی پەخش و فرۆشتنی پلیتەکان و ریکلامەکان دەبێت . 

خولی ئیسپانی . 

بارودۆخەکە لە خولی ئیسپانی ئاڵۆزترە ، چونکە وەرزش و بە تایبەتی تۆپی پێ سەرچاوەی سەرەکی داھاتی وڵاتە و بەھۆی یارییەکان ساڵانە گەشتیارێکی زۆر روو لەو وڵاتە دەکەن ، بۆنموونە لە ساڵی ٢٠١٨ لە ٤% گەشتەکان بۆ وڵاتی ئیسپانی بەمەبەستی گەشتی تەرفیھی بووە و بینینی یارییەکان بووە . 
ساڵانە وەرزش تۆپی پێ زیاتر لە ٦٠٠ ملیۆن دۆلار بۆ ئیسپانیا بەدەست دەھێنێت و ھەروەھا ٢٠٠ ھەزار ھەلی کار دەرەخسێنێت ، لەئەگەری ھەڵوەشاندنەوەی خولی ئیسپانی پێشبینی دەکرێت زیانی ٦٧٧ ملیۆن دۆلار بە ئیسپانیا بگات ، لەوانەش ٦١٠ ملیۆن دۆلاری تایبەت دەبێت بە پەخشی تەلەفزیۆنی . 
ھەروەھا یانەکانی ئیسپانیا زەرەرێکی زۆر دەکەن ، بۆنموونە یانەی بەرشەلۆنە نزیکەی ١٩٠ ملیۆن دۆلار زیانی پێدەگات ، بە تایبەتی ئەگەر خولی ئیسپانی و چامپیۆنزلیگ ھەڵوەشایەوە . 
ھەروەھا یانەکە ناچار دەبێت مووچەی یاریزانەکانی بە رێژەی ٢٥% کەم بکاتەوە . 

خولی ئیتاڵی 

خولی ئیتاڵی یەکەم خولی ئەوروپی بوو یارییەکانی راگرت ، بەتایبەتی بڵاوبوونەوەی ڤایرۆسەکە بە شێوەیەکی بەربڵاوە لەئیتاڵی و ژمارەی گیان لەدەست دان بەھۆی ڤایرۆسەکە لەم وڵاتە زۆر بوو . 
ھەروەھا بەشێک لە یاریزانان و راھێنەرانی خولی ئیتاڵی تووشی ڤایرۆسەکە بوون و یەکەم یاریزانیش دانیال رۆگانی بەرگریکاری یانەی یۆڤانتس بوو . 
بە پێی راپۆڕتە رۆژنامەوانیەکان پێشبینی دەکرێت زیانەکانی خولی ئیتاڵی بە ھۆی ڤایرۆسی کۆرۆنا بگاتە ٦٠٠ ملیۆن دۆلار و ھەروەھا لەم پارەیەش ٢٠٠ ملیۆنی تایبەتە بە پەخشی تەلەفزیۆنی و ١٥٠ ملیۆن دۆلاری پارەی پلیت دەبێت . 
لەسەر ئاستی یانەکانیش پێشبینی دەکرێت یانەی یۆڤانتس زەرەر مەندی یەکەم بێت و لە ئەگەری ھەڵوەشاندنەوەی خولی ئیتاڵی و چامپیۆنزلیگ یانەی یۆڤانتس زیاتر لە ١٢٢ ملیۆن یۆرۆ زیانی پێبگات . 


یاسین ئەحمەد 


 





ئەم هەواڵە 3292جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad