English | عربی | Kurdî دواهەواڵ
ڕاستەوخۆ  
 
عارف روژدی: ناکوکییەکان وەلا بنرێن ، چونکە سەرچاوەى دەوڵەمەندى داگیرکەرانە بۆ لەناوبردنمان
2020-04-14 [07:05 AM]

ZNA:ھەولێر


راوێژکارێکی مەکتەب سیاسی پارتی رایگەیاند: لەوەتەى ئەم بەشەى کوردستان (کوردستانى باشور) بە دەوڵەتى عیراقەوە لکێنراوە ، بە چەندین شێوە بەردەوام ڕووبەڕووى چەوساندنەوەو داپلوسین بوتەوە ، هەر لە سەردەمى پاشایەتییەوە (لەوانەیە باشترین قوناغ بێت) پروسەى ڕاگواستن و تەعریب پیادەکراوە.

عارف روشدی سیاسەتمەدار و راوێژکاری مەکتەب سیاسی پارتی دیموکراتی کوردستان بە ئاژانسی ھەواڵی زاگرۆسی راگەیاند: چەندین جار لە شوڕشەکانى بارزان و ئەیلول و گولاندا ، گوندو وارەکانى ولاتەکەمان خاپورکراون ، ساڵى ١٩٦٣ : لە گوندى (صوریا) ى دەشتى سلێڤانەى سەربەقەزاى زاخو نزیکەى (٧٠) کەس بە کومەڵ شەهیدکران ، هەر لە هەمان ساڵدا لە حامییەى سەربازى سلێمانیدا دەیان هاولاتى بێگوناهى ئەو شارە لە سەر دەستى تاوانبار (زەعیم سدیق) گوڵە بارانکران ، ساڵى ١٩٦٩: لە گوندى (دەکان) ى سەر بە قەزاى شێخان تەواوى دانیشتووانى گوندەکە لە ئەشکەوتى (دەکا) دا کە خویان پەنادابوو لە ترسی بوردونمان و هێرشى هێزەکانى حکومەت سوتینران ، لە ٢٤ى ٤ى ١٩٧٤ دا شارى قەڵادزێ بە چەند فروکەیەک خڵتانى خوێنکراو زیاتر لە ٣٠٠ شەهیدو ٥٠٠ بریندارى لێکەوتەوە، لە هەشتاکاندا چەندین گوندو شاروچکە لە دەڤەرە جیاکانى کوردستاندا کیمیاباران وتەختکران ، تاوانکارییەکەیان گەیشتە ئەوەى لە ١٦ى ٣ى ١٩٨٨ دا شارى هەلەبجەى سەرکەش بە گازى کێمیایی و ناپاڵم بخنکێنن ، لە هەمان ساڵدا و لە تاوانکارییەکى دیکەدا (٨٠٠٠) هەزار بارزانى لە ئوردووگاکانى دەورو بەرى شارى هەولێر ئەنفالکران .

عارف روژدی ئاشکراکرد: لە ماوەى ساڵانى شەرى ٨ سالەى عیراق - ئیران دا ، بە تایبەتى لە ساڵى ١٩٨٨دا واتە : بەر لە (٣٢) ساڵ ، کەرب و کینەى شوڤینیانەى داگیرکەرى عەرەبی عیراقى بە سەرکردایەتى بەعسییەکان بۆ لە ناوبردنى گەلەکەمان گەیشتە تروپک و بە دروشم و ناوونیشانى (ئەنفال) ؟؟؟ بەڵی (ئەنفال) ئەنجامدرا.

ھەروەھا ئەو سیاسەتمەدار و راوێژکارە دیاریکرد: ئەنفالەکەیان بریتی بوو لە کوتاییهێنان بە هەمو بوون و بونەوەرەکان (مروڤ ، ژینگە و هەر چى سەرچاوەى دیکەى ژیان ) ، لە ئەنجامدا (١٨٢) هەزار کەس لە نەتەوە و ئایینىە جیاوازەکانى کوردستان لە کوشتارگەیەکى هولوکوستیدا لە ناوبران ، زیاتر لە (٤٥٠٠) گوند خاپورکران.

لەکۆتاییدا ئەوەشی خستەروو: لەم کوستە نیشتیمانى و نەتەوەییەدا پێویستە گەلەکەمان و هەموو لایەنە سیاسییەکانى کوردستان بگەنە ئەو راستییە : ئایا بێجگە لە رێگە گرتن لە چەند بارەبونەوەى ئەم مەینەتانە کارێکى شیاوتر و پیروز تر هەیە ؟ بە دڵنییاییەوە نییە ، ئەو کارەش تەنها بەوە دەکرێت یەکەم : ناکوکییەکان وەلا بنرێن ، چونکە سەرچاوەى دەوڵەمەندى داگیرکەرانە بۆ لەناوبردنمان . دووەم : یەک دەستى و تەبایی لە چواچێوەى حکومەتى هەرێمى کوردستاندا ، هەموومان هەماهەنگ و کارا بین لە پێناوى بە دیهێنانى ئامانجە پیروزەکانمان لە سەربەخویی و پێشکەوتنى کومەڵایەتیدا.





ئەم هەواڵە 3805جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad