English | عربی | Kurdî دواهەواڵ
ڕاستەوخۆ  
 
پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی جەژنی سەری ساڵی ئاینی ئێزدیان
2020-04-14 [09:53 AM]

ZNA_ هەولێر


 

 بەبۆنەی جەژنی سەری ساڵی ئاینی خوشك و برایانی ئێزدی، گەرمترین پیرۆزبایی لە كەسایەتی و میری ئێزدیان و ئەنجوومەنی رووحانی كوردانی ئێزدی وسەرجەم ئێزدیان لە كوردستان و جیهان دەكەین، هیوادارین ئەو جەژنە و گشت جەژن و بۆنەكانتان لە سایەی ئازادی و سەقامگیریی هەرێمی كوردستان بە خێر و خۆشی بۆ هەموو لایەك بگەڕێـتەوە و مایەی دڵنەوایی و ئارامیی و موژدەی كۆتایی هێنانی ناخۆشی و دەردەسەریەكانی پێبێت.

ئەم جەژنە لەکاتێکدا پیرۆز دەکەین کە پەتای کۆڕۆنا کوردستان و ھەموو جیھانی گرتۆتەوە، وا پێویست دەكات هەموو لایەك هاوكار و پابەندبین بە رێنماییە تەندروستیەکان لە پێناو تەندروستی و سەلامەت تاک بەتاکی کۆمەڵگەکەمان و زاڵبوون بەسەر مەترسیەکانیدا. 
 
بەوبۆنەیەوە جارێکیتر پاڵپشتی تەواو و بەردەوامی ماددی ومەعنەوی پارتیمان و سەرۆك مەسعود بارزانی دووپات دەكەینەوە بۆ پاراستنی كوولتوری رەسەنی ئێزدیاتی و گەڕاندنەوەی ئارامی و سەقامگیریی بۆ تەواوی ناوچەكانتان و كاركردن بۆ زیاتر ئاوەدانكردنەوەو پەرەپێدان و پێشكەوتنی گیانی برایەتی و پێكەوەژیان و تەبایی لای گشت پێكهاتەكانی كۆمەڵگەی كوردستانیی.

جارێكی دیكە جەژنتان پیرۆزبێت و ئومێدی بەختەوەریی و خۆشگوزەرانیتان بۆ دەخوازین..

مەكتەبی سیاسی
 پارتی دیموكراتی كوردستان
14/4/2020





ئەم هەواڵە 3841جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad