English | عربی | Kurdî دواهەواڵ
ڕاستەوخۆ  
 
به‌یاننامه‌ی وه‌زاره‌تی كاروباری شه‌هیدان و ئه‌نفالكراوان له‌یادی ۳۳ ساڵه‌ی بەرکەوتووانی كیمیابارانكردنی بالیسان و شیخ وه‌سانان و دوڵی خۆشناوه‌تی
2020-04-16 [04:12 AM]

ZNA_ هەولێر



كه‌س و كاری سه‌ربه‌رزی شه‌هیدان 
خه‌ڵكی خۆڕاگر و تێکۆشەری دۆڵی خۆشناوه‌تی

۳۳ ساڵ له‌مه‌وبه‌ر له‌ ۱٦ / ٤ / ۱۹۸۷ رژێمی به‌عسی له‌ناوچوو تاوانێكی تری خسته‌ سه‌ر ئه‌و تاوانانه‌ی كه‌له‌ چوارچێوه‌ی كۆمه‌ڵكوژی و له‌ناوبردنی گه‌لی كوردستان جێبه‌جێی ده‌كرد، له‌و روژه‌دا رژێمی له‌ناوچوو به‌چه‌كی قه‌ده‌غه‌كراوی كیمیاوی گوندی شێخ وه‌سانان و بالیسان و گونده‌كان دۆڵی خوشناوه‌تی چەند جارێک بۆمباران كرد و له‌ئه‌نجامدا چه‌ندین  قوربانی شه‌هید و بریندارى لێكه‌وته‌وه‌.
هەر ئەوکات ژمارەیەک لە بریندارەکان دوور له‌هه‌موو به‌هایه‌كی مرۆڤایه‌تی لەلایەن رژێمەوە زینده‌به‌چاڵکران کە لە دوای روخانی ڕوفاتی ژمارەیەک لەو‌ شەهیدانە ‌له‌ گۆرێكی به‌كۆمه‌ڵدا له‌كارگه‌ی قیری هه‌ولێر دۆزرانه‌وه‌ و گه‌رێندرانه‌وه‌ زیدی باوك وباپیرانیان و به‌خاك سپێردرانه‌وه‌.
بەشێکی زۆری بەرکەوتووانی چەکی کیمیاوی  ئەو ناوچانەش کە ڕزگاریان بوو تائێستاش ئاسەواری ئەو چەکە بە جەستەیانەوە ماوە و کاریگەری لەسەر تەندرووستیان درووستکردووە.

خه‌ڵكی خۆراگری بالیسان و شیخ وه‌سانان و دوڵی خۆشناوه‌تی.
مێژوو شاهیدی خۆراگری و قوربانیدانی ناوچه‌كه‌تان ده‌دات كه‌هه‌رده‌م پشتیوان و پاڵپشتی شۆرشه‌كانی گه‌لی كوردستان بوون و له‌مێژووی كوردایه‌تیدا لاپه‌ره‌ی ره‌نگین به‌خوێنی قوربانیدانتان نه‌خشاندوه‌.
بەرگری و خۆڕاگریتان لەبەرانبەر ‌مه‌ترسیدارترین چه‌كی کۆکوژی كیمیاوی شکستی بە پیلانی دوژمنان هێنا و ئێوەش سەربەرزانە لە سەر خاکەکەی خۆتان مانەوە.
 ئێمە لە وەزارەتی کاروباری شەهیدان و ئەنفالکراوان خزمه‌تی زیاتری كه‌سوكاری سه‌ربه‌رزی شه‌هیدان و ئه‌نفالكراوان و به‌ركه‌وتوانی چه‌كی كیمیاوی و تاقانه‌كانی جینوساید له‌و سنوره و هه‌موو كوردستان 
بە ئەرکی سەرشانمان دەزانین.

کەسوکاری سەبەرزی شەهیدان 
له‌ كاتێكدا ئێمه‌ یادی ۳۳ ساڵه‌ی بەرکەوتووانی كیمیابارانی ناوچه‌كه‌تان ده‌كه‌ینه‌وه‌ كوردستان لە قۆناغی خۆپارێزی لە مه‌ترسییەکانی ڤایرۆسی كۆرۆنادایە و لەبەر پابەندبوون بە ڕێکار و ڕێنماییە تەندرووستییەکان نەتوانرا وەک ساڵانی 
پێشوو مەراسیمی شایستە بۆ یادی شەهیدەکانمان بکەینەوە، لەگەڵ ئەوەی بۆ هەمیشە یادی شەهیدانمان بەرز ڕادەگرین هه‌وڵه‌كانی وه‌زاره‌تی كاروباری شه‌هیدان و ئه‌نفالكراوان به‌رێگار و شێوازی تر بەردەوامە بۆ ئەوەی ئه‌و تاوانانەی بەرانبەر گەلی کوردستان کراون  ‌له‌سەر ئاستی نێوده‌وڵه‌تی بناسرێن . 

درود بۆ روحی پاکی شه‌هیدانی بالیسان و شیخ وه‌سانان و دوڵی خۆشناوه‌تی و سەرجەم شەهیدانی کوردستان 
سەربەرزی بۆ کەسوکاریان 

وه‌زاره‌تی كاروباری شه‌هیدان و ئه‌نفالكراوانی حکومەتی هەرێمی کوردستان
16/4/2020





ئەم هەواڵە 3448جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad