English | عربی | Kurdî دواهەواڵ
ڕاستەوخۆ  
 
مام و برازا ، دوو دەمێن جودا ب ئێک بیر و ڕا پاراست ڕۆژ ئاڤا
2020-04-16 [10:18 AM]

نڤیسینا : غیاس خالد زێباری


د گەرمە گەرما هێرشێن تیرۆرستێن داعش بۆ سەر ڕۆژ ئاڤایێ کوردستانێ و کەتنا پڕانیا باژێرێ کۆبانێ ، ب فەرمان و دەستپێشخەریا سەرۆک مەسعود بارزانی لرۆژا ۲۱/۱۰/۲۰۱٤ ڕەزامەندیا پەرلەمانێ کوردستانێ هێزێن پێشمەرگەهێن کوردستانێ ب چەکێن گران گەهشتنە وی باژارێ کوردستانێ و لدەمەکێ کورت دا بوونە مەزنترین هێزا کاریگەر بۆ شکاندنا داعشێن تیرۆرست و رزگارکرنا باژارێ کۆبانێ و دەوروبەر ، ل وی دەمی وێ سەرکەفتنێ دەنگڤەدانەکا مەزن دایەڤە ، براستی ژی بریارەکا وێرەکانە و نەتەوی و نشتیمانی و مرۆڤایەتی بوو . ئەو چوونا پێشمەرگەهێن کوردستانێ و د وان کاودانێن تایبەت یێن هەرێمی ناڤخۆیی زۆر ڕامانان ددەت ، ژوانا خەمخۆریا سەرۆک بارزانی بۆ کورد و کوردستانێ و داکۆکیکرن و بەرڕەڤانیکرن ل ماف و ئارمانجێن خەلکێ کوردستانێ ل هەمی پارچان و ..... هتد . ب تایبەت د دەلیڤێن دژوار و بەرتەنگ دا . نهۆ ژی ژبوی پاراستنا رۆژ ئاڤایێ کوردستانێ ل پەتایا ڤایرۆسا کۆرۆنایێ و شیانێن وان یێن سنۆردار ژلایێ ساخلەمی و فەڕامۆشکرنا وێ پارچا کوردستانێ ل گەهاندنا هاریکاریێن ساخلەمی ژبەر ناکۆکیێن هێزێن نیڤ دەولەتی هەرێمی ، سەرەرای بەڵاڤبوونا وێ پەتایێ ل هەرێما کوردستانێ و هەبوونا قەیرانێن ئابووری ، ب فەرمانا سەرۆک نێچیرڤان بارزانی ژلایێ ساخلەمی هاریکاری گەهشتنە رۆژ ئاڤایێ کوردستانێ ، ئەڤەژی دێ بنە ڤاکتەرێن سەرەکی و کاریگەر بۆ پاراستنا خەلکێ رۆژ ئاڤا لڤێ ڤایرۆسا کۆژەک . ئەڤ بریار و هاریکاریێن ب فەرمانا سەرۆکێ هەرێمێ دیسان هەمان ڕامانێن چوونا پێشمەرگەهێن کوردستانێ ددەت . ب دیتنا من بۆ پارتی و ماڵا بارزان ئەڤ ڕەنگە بریار و سەرەدەریە گاڤێن نۆڕمال و سرۆشتی نە ، چونکی بەری سەد ساڵا ژی ماڵباتا بارزان خودان ئەڤ هەلویستە بوونە ، چ پشتەڤانیا شێخ عەبدولسەلام بارزانی بۆ شۆرەش و بزاڤێن پارچێن دیتر یێن کوردستانێ ، یان ژی پشتەڤانی و بەڕەڤانیا بارزانی نەمر ل کۆمارا کوردستان ل مەهاباد . بڕەنگەکێ گشتی ماڵباتا بارزان ماڵباتەکا کوردستانی و نەتەوی و نشتیمانی یە ، هەردەم د بەرهەڤن بۆ ئێکرێزیا گەلێ کورد و پشتەڤانیێ ل هەمی پارچێن کوردستانێ . سەرۆک مەسعود بارزانی و سەرۆک نێچیرڤان بارزانی ژی درێژەپێدەرێن وێ رێبازێ نە ، لەوما پاراستنا کۆبانێ و رۆژ ئاڤایێ ل تیرۆرستێن داعش ب ئەرکێ خۆ زانی ، هەر وەستا هاریکاریا وێ پارچا کوردستانێ ب پێتڤی و کادرێن ساخلەمی ژلایێ سەرۆک نێچیرڤان بارزانی و هەولێن وی یێن بەردەوام بۆ چارەسەرکرنا پرسێن سیاسی و ئاشتەوایا نافخۆیی تەکەزیکرنە لسەر هەمان رێک و رێباز و بیر و باوەر . لڤی سەردەمی پاراستنا رۆژ ئاڤایێ کوردستانێ ل پەتایا ڤایرۆسا کۆرۆنایێ ، گاڤەکا هەرە مەزن و پیرۆز و مرۆڤایەتی و کوردانەیە ، چونکی شیانێن دەڤەرێن کوردستانی یێن لژێر دەسهەڵاتا خۆسەر دا یێن سنووردارن ، نە حکومەتا سووریا نەژی رێکخراوێن نیڤ نەتەوی ، نەژی وەڵاتێن زلهێز پشتەڤانی و هاریکاریێ لێ ناکەن . لێ گرنگە دەسهەڵاتا وێ دەڤەرێ بۆ نهۆ و پاشەرۆژێ ڤان گاڤێن هەرێما کوردستانێ و حکومەتا هەرێما کوردستانێ ب گشتی و روولێ سەرۆک مەسعود بارزانی و سەرۆک نێچیرڤان بارزانی لبەرچاڤ بگرن بۆ پرسێن سیاسی و کارگێری رێنمایێن وان بجهــ بینن چونکی مەبەستا وان ئێکرێزی و ئاڤەدانی و ئێمناهی و رزگاری یە و پارێزەر و بەرفرەهکرنا مافێن نەتەوی و نشتیمانی یە ل وێ دەڤەرێ و ئەڤە بەڵگەنە کۆ ب ئێک چاڤ هەمی دەڤەرێن کوردستانێ و کوردستانیا دبینن .





ئەم هەواڵە 877جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad