English | عربی | Kurdî دواهەواڵ
ڕاستەوخۆ  
 
یەکەم رۆژی مانگی رەمەزان دیاری دەکرێت
2020-04-21 [02:18 AM]

ZNA-هەولێر


وتەبێژی وەزارەتی ئەوقاف و کاروباری ئایینی رایگەیاند، سبەی لیژنەی بینینی مانگ لە دیوانی وەزارەت لەگەڵ لیژنەی پارێزگاکان کۆدەبێتەوە و بۆ دەستنیشانکردنی یەکەم رۆژی مانگی رەمەزان، لە دوو رۆژی داھاتوو دا بڕیارلە سەر کردنەوەیان یان نە کردنەوەی مزگەتەکان دەدرێت.

نەبەز ئیسماعیل،  وتەبێژی وەزارەتی ئەوقاف و کاروباری ئایینی بە ئاژانسی ھەواڵی زاگرۆسی راگەیاند: سبەی چوارشەمە ٢٢ی٤ی٢٠٢٠ لیژنەی بینینی مانگ لە دیوانی وەزارەت لەگەڵ لیژنەی پارێزگاکان کۆدەبێتەوە و بۆ دەستنیشانکردنی یەکەم رۆژی مانگی رەمەزان، لە رۆژی چوار شەممە چاودێتی مانگ دەکرێت ئەگەر بە بەلگەوە بینرا ئەوەرۆژی پێنج شەممە دەبێتە یەکەم رۆژی مانگی رەمەزان ، ئەگەر لەبەر ھەر ھۆکارێکی کەشوھەوا مانگ نەبینرا راستەوخۆ رۆژی ھەینی دەبێتە یەکەم رۆژی مانگی رەمەزان. 

وتەبێژی وەزارەتی ئەوقاف و کاروباری ئایینی گووتی: وەزارەتی ئەوقاف لەگەڵ لیژنەی باڵای رووبەڕووبوونەوەی کۆرۆنا لە حکومەتی ھەرێمی کوردستان لەسەر ھێڵە بۆ کردنەوەی مزگەوتەکان، چونکە بڕیاری کردنەوەی مزگەوت و ناوەندەکانی خوێندن و ھەموو دامەزراوەکان، کە بەھۆی کۆرۆنا داخراون، لە دەسەڵاتی لیژنەی باڵای رووبەڕووبوونەوەی کۆرۆنا دایە، لە دوو رۆژی داھاتوو دا بڕیارلە سەر کردنەوەیان یان نە کردنەوەی مزگەتەکان دەدەن، ئەگەر مەترسی نەمابێتئ ئەوا مزگەتەکان دەکرێنەوە، ئەم بڕیارە لە دەسەڵاتی وەزارەتی ئەوقاف دا نییە.

نەبەز ئیسماعیل گووتیشی: وەزارەتی ئەوقاف و کاروباری ئایینی پێشنیاری بۆ حکومەتی ھەرێمی کوردستان کردووە ئەگەر ژینگەی تەندروستی لەباربێت ئەوا مزگەتەکان و ھەموو شوێنەکانی تری ئایینی بکرێنەوە، چونکە ئایینەکانیتریش شوێنەکانیان داخراون، بریاری کردنەوەیان دەگەرێتەوە بۆ وەزارەتی تەندروستی و لیژنەی باڵای رووبەڕووبوونەوەی کۆرۆنا لە حکومەتی ھەرێمی کوردستان.


رێباز یونس





ئەم هەواڵە 4927جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad