English | عربی | Kurdî دواهەواڵ
ڕاستەوخۆ  
 
سەرۆکێ هەرێمێ ، وەکی هەر جار
2020-04-22 [01:01 AM]

نڤیسینا : غیاس خالد زێباری


ئەرکێ هەر سەرۆکەکی ، ل ماڵباتێ بگرە هەتا وەڵاتی ، ئەوە ئێکرێزی و بەرژەوەندیا خەلکی ب پارێزیت ، ماڵبات ئانکۆ خێزان ب هەبوونا سەرۆکەکێ هەسەنگ و دادوەر بهێز دکەڤیت ، گەشە دکەت ، ساخلەم دبیت و بەردەوام دبیت ، ماڵباتا بڤی ڕەنگی شەپۆلێن خۆ یێن ئەرێنی دگەهینتە دەوروبە هەتا دگەهیتە جڤاگی . سەرۆکێ وەڵاتی ژی بڤی ئاوایی یە ، پێتڤی یە هەردەم فاکتەر و سەیوانا هەمی تاکێن جڤاکی بیت بۆ پاراستنا ماف و بەرژەوەندێن وان و دابینکرنا ئاشتیا جڤاکی و چارەسەرکرنا پرس و ئاریشێن وان . چونکی سەرۆک ، سەرۆکێ تەڤایا وەڵاتی یە ب هەمی تەخ و چین و لایەنێن سیاسی ، یێن پشکدار و نە پشکدار د حکومەتێ دا . ب تایبەت لدەمێ سەرهەلدانا ئاریشە و ناکۆکیان .

سەرۆک نێچیرڤان بارزانی سەرۆکێ هەرێما کوردستانێ ، هەردەم بڤی ئەرکی رابوویە و بەرژەوەندێن گشتی یێن گەل و وەڵاتێ خۆ بلندتر ل هەمی بەرژەوەندا فەرتر کرینە و هەردەم کلیل و فاکتەرێ چارەسەرکرنا پرس و ئاریشێن سیاسی بوویە ل کوردستانێ ، دناڤبەرا ئالیێن سیاسی ، سەرۆک نێچیرڤان بارزانی ئەگەرێ ئاشتەوایا جڤاکێ کوردستانێ بوویە و ب ئێک چاڤ سەرەدەری لگەل بوویەر و روودان و ناکۆکیا کریە و لسەر دەستێ جەنابێ وی هاتینە چارەسەرکرن . هەولێن سەرۆک نێچیرڤان بارزانی بۆ ئێک گۆتاری و ئێک رێزیا هێز و ئالیێن سیاسی چ بۆ ناڤخۆیا هەرێما کوردستانێ یان ژی بۆ لسەر ئاستێ ئیراقێ ، هەردەم بووینە ئەگەرێن بهێزکرنا کوردستانێ و پاراستن و پێشڤەبرنا ماف و ئارمانجێن خەلکێ کوردستانێ . ژبلی ڤێ چەندێ روولەکێ کاریگەر هەیە بۆ لێکنێزیک کرنا ئالیێن سیاسی یێن کوردستانی ل پارچێن دیتر . ئەڤەژی نیشانێ خەمخۆری و دلسۆزیا جەنابێ وی بۆ جڤاکێ کوردستانی و دۆزا سیاسی یا کوردستانی . نهۆ ژی پشتی پەیدابوونا ناکۆکیێ و شەرێ راگەهاندنێ و سۆشیال میدیایێ دناڤەرا پارتی دیموکراتی کوردستان و پشکەکا سەرکردایەتیا ئێکەتی نشتیمانی ،

کۆ د بنەڕەت دا پرسەکا ئاسایی و یاسایی بۆ دناڤبەرا حکومەتا هەرێما کوردستانێ و وان سەرکردێن ئێکەتیێ و پارتی چ پەیوەندی پێڤە نەبوو ، لێ هندەک کەسێن پاڵدەر و کورت بین و هەلگرێن هزرا حزبایەتیەکا تۆند ڕەو بەرتەسک و دەڤەرکاتی ،

حەژێکەرێن دووبەرکیێ و سەرهەلدانەڤا شەرێ ناڤخۆیی و دوو ئیدارەی یێ ، بڕەنگەکێ ڕێکخستی و پلان دارشتی بۆ لاوازکرنا پێگەهێ هەرێمێ و حکومەتا هەرێمێ بن پەردا ئازادیا ڕاگەهاندێ و دەربڕینێ ئاشێ دوو بەرەکیێ گێرا و شیرێن شەرێ نافخۆیی سەقا کرن .

ئەو پرسێن ئاسایی و یاسایی ئێخستنە دناڤ چارچۆڤەکێ سیاسی و حزبایەتی دا .

ژبۆ تەشەنە نەکرنا وی ئاگری و سەرنەگرتنا حەزێن نەحەزان ، نێچیرڤان بارزانی وەکی هەر جار ب ئەرکێ خۆ یێن نەتەوی و نشتیمانی و جڤاکی و مرۆڤایتی ڕابوو ئاریشە بەرەڤ ئاراستەیا چارەسەریێ بر ،

 ئەز باوەرم ب حیکمەت و لێزانینا سەرۆک نێچیرڤان بارزانی دێ ڤێ ئاریشێن و ئاریشێن داهاتی ژی بن بڕ کەت ، ئەگەر لایەنێن بەرامبەر ژی ب ئەرکێ ڤیان گەل و وەڵاتی ڕاببن و گۆهداریێ لێ بکەن . مخابن لدەمێ پێشکێشکرنا گۆتارا سەرۆکی لسەر وان ئاریشا ، زمان درێژ و بێ حورمەتێن تۆڕێن جڤاکی و بیرتەسکێن حزبایەتی و هەژێکەرێن دووبەرەکیێ و کورد کوژیێ ، خۆڕا نەگرت ، لەوما ب شوازەکێ توند تر و بیرتەسکرتر و دۆژمنکارانە زێدەر ل بەرێ ب پۆست و کۆمێنتێن بێ رێز کەسایەتیا خۆ بێ رێزتر کرن .

 ئەوا مللەتی دڤێت سەرۆک نێچیرڤان بارزانی بێ ڕابوو و پێتڤی یە هەمی کەسایەتی و ئالیێن سیاسی بەرژەوەندێن گشتی و ئاشتەوایا جڤاکی لبەرچاڤ بگرن و لدیڤ بانگەوازا سەرۆکی بهێن و ترسنۆک و فتنەچیێن تۆرێن جڤاکی شەرمزار و روو ڕەش بکەن .





ئەم هەواڵە 217جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad