English | عربی | Kurdî دواهەواڵ
ڕاستەوخۆ  
 
سلێمانی... بڕێكی زۆر چپس له‌ناوده‌به‌ن
2020-04-27 [03:35 AM]

ZNA - هه‌ولێر


 

هاوڕێ محه‌مه‌د، سه‌رۆكی لیژنه‌ی كۆگاكانی سه‌ربه‌لیژنه‌ هاوبه‌شه‌كانی قائیمقامیه‌تی سلێمانی رایگه‌یاند: به‌هۆی نه‌بونی به‌رواری دروستكردن و به‌سه‌رچون له‌ كۆگاكانی فرۆشگای مه‌به‌ست لیژنه‌كه‌ ده‌ستی به‌سه‌ر (141) كارتۆن چپسی (كیرۆز)دا گرتوه‌.

وتی: به‌پێی تایبه‌تمه‌ندی بازرگانیی له‌ عێراق، پێویسته‌ ئه‌و كاڵاوشمه‌كانه‌ی له‌ناوبازاڕه‌كاندا ده‌فرۆشرێن، كاتی دروستكردن و به‌سه‌رچونی به‌سه‌ره‌وه‌ بێت و به‌شێوه‌ی لێزه‌ر له‌سه‌ری چاپكرابێت، به‌پێچه‌وانه‌وه‌ ده‌ستی به‌سه‌ردا ده‌گیرێت.

وتیشی: رۆژانه‌ لیژنه‌كه‌‌ سه‌ردانی كۆگاكانی عه‌مباركردنی ئه‌و كاڵاڕوشمه‌ك و خوارده‌مه‌نیانه‌ ده‌كات بازرگانه‌كان له‌ بازاڕی شاری سلێمانی به‌ هاوڵاتیانی ده‌فرۆشن و پشكنینی فیزیایی ده‌كه‌ن، له‌حاڵه‌تی هه‌بونی گومان له‌ كاڵایه‌ك، به‌نوسراو نمونه‌ی ره‌وانه‌ی تاقیگه‌كانی به‌ڕێوه‌به‌رایه‌تی چاودێری ته‌ندروستی و زانكۆی سلێمانی ده‌كه‌ن بۆ پشكنینی كیمیایی و به‌كترۆلۆجی تا دڵنیابونه‌وه‌ لێی.

رونیكرده‌وه‌: لیژنه‌كانی قائیمقامیه‌تی سلێمانی وه‌ڵامی پشكنینه‌كان ده‌كه‌ن به‌ بنه‌مای بڕیاردان له‌سه‌ر ئه‌و كاڵاوشمه‌ك و خوارده‌مه‌نیانه‌ی ده‌ستی به‌سه‌ردا گیراوه‌ كه‌ شیاوه‌ بۆ خواردن و به‌كارهێنان یان پێویسته‌ له‌ناوببرێت.

سه‌رۆكی لیژنه‌كه‌ داوای له‌ دایكان و باوكان كرد، به‌وریاییه‌كی زیاتره‌وه‌ ئاگاداری ئه‌و خۆراكه‌ ماددانه‌بن مناڵه‌كانیان له‌ دوكانی گه‌ڕه‌كه‌كان ده‌یكڕن، له‌كاتی هه‌بونی گومان له‌سه‌ر هه‌رجۆره‌ خۆراكێك، لیژنه‌ هاوبه‌شه‌كانی قائیمقامیه‌ت له‌ڕێی ژماره مۆبایلی‌ (07708677777) لێ ئاگادار بكه‌نه‌وه‌.

ئاماژه‌ی بۆ ئه‌وه‌شكرد: به‌فه‌رمانی قائیمقامی سلێمانی ته‌واوی ئه‌و چپسه‌ی ده‌ستی به‌سه‌ردا گیراوه‌ له‌لایه‌ن كه‌سانی پسپۆڕ و شاره‌زاوه‌ له‌ ناوچه‌ی دو‌ر له‌ شوێنی نیشته‌جێبونی هاوڵاتیان له‌ناو ده‌برێت.

 

 





ئەم هەواڵە 2920جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad