English | عربی | Kurdî دواهەواڵ
ڕاستەوخۆ  
 
عێراق.. ژمارەی تووشبووان بە کۆرۆنا دوو هەزاری تێپه‌ڕاند
2020-04-30 [10:24 AM]

ZNA - هه‌ولێر


 

وەزارەتی تەندروستیی عێراق لە راگەیەنراوێکدا رایگەیاند، ٧٥ کەسی دیکە تووشبووی ڤایرۆسی کۆرۆنا بوونە و دوو کەسیش گیانیان لەدەستداوە، كۆی گشتی ئه‌و كه‌سانه‌ی تووشی ڤایرۆسه‌كه‌ بوونه‌ گه‌یشته‌ 2003 حاڵه‌ت و 92 كه‌سیش گیانیان له‌ ده‌ستداوه‌.

بەپێی راگەیەنراوەکە، ٢٧ نەخۆش دوای چارەسەری پزیشکیی پێویست چاکبوونەتەوە.

بەپێی ئامارەکانی وەزارەتی تەندروستیی عێراق، ژمارەی تووشبووان بە ڤایرۆسی کۆرۆنا لەو وڵاتە لە ئێستادا دوو هەزار و سێ حاڵەتە، لەو ژمارەیە ٩٢ حاڵەتی گیانلەدەستدان تۆمارکراوە و هەزار و ٣٤٦ حاڵەتیش چاکبوونەتەوە.

کۆمسیۆنی باڵای مافەکانی مرۆڤ لە بەسرە، داوای لە هەردوو شانەی قەیرانی کۆرۆنا لە عێراق و ئیداره‌ی خۆجێیی بەسرە کرد، باری نائاسایی لە پارێزگاکە رابگەیەندرێت، بەمەبەستی کۆنتڕۆڵکردنی ڤایرۆسەکە و گرتنەبەری رێکاری زیاتری خۆپارێزی.

دوێنێ وه‌زاره‌تی ته‌ندروستی عێراق راگه‌یه‌نراوێكی بڵاوكرده‌وه‌، تێیدا رایگه‌یاند، له‌ ماوه‌ی 24 كاتژمێری رابردوودا پشكنینی پزیشكی بۆ 8 هه‌زار و 278 گومانلێكراو ئه‌نجامدراوه‌ و تووشبوونی 75 كه‌سی دیكه‌ به‌ په‌تاكه‌ به‌م شێوه‌یه‌ی خواره‌وه‌ پشتڕاست كرایه‌وه‌:

به‌غدا/ روسافه‌: 15 حاڵه‌ت

به‌غدا/ كه‌رخ: 3 حاڵه‌ت

به‌غدا/ شاری پزیشكی: 2 حاڵه‌ت

به‌سره‌: 50 حاڵه‌ت

كه‌ربه‌لا: 1 حاڵه‌ت

واست: 1 حاڵه‌ت

موسه‌ننا: 3 حاڵه‌ت

وه‌ك له‌ راگه‌یه‌ندراوه‌كه‌دا هاتووه‌، له‌ ماوه‌ی شه‌و و رۆژێكدا 2 كه‌س به‌هۆی په‌تاكه‌ گیانیان له‌ده‌ستداوه‌، هه‌ردووكیان له‌ شاری به‌غدان و یه‌كێكیان له‌ ناوچه‌ی روسافه‌ و ئه‌وی دیكه‌شیان له‌ ناوچه‌ی كه‌رخ بووه‌، له‌كاتێكدا 27 حاڵه‌تی چاكبوونه‌وه‌ له‌ ڤایرۆسه‌كه‌ راگه‌یه‌ندرا، وه‌ك ئه‌مه‌ی خواره‌وه‌:

به‌غدا/ روسافه‌: 8 حاڵه‌ت

به‌غدا/ كه‌رخ: 1 حاڵه‌ت

به‌غدا شاری پزیشكی: 8 حاڵه‌ت

نه‌جه‌ف: 1 حاڵه‌ت

كه‌ربه‌لا: 1 حاڵه‌ت

به‌سره‌: 1 حاڵه‌ت

كه‌ركووك: 2 حاڵه‌ت

زیقار: 1 حاڵه‌ت

موسه‌ننا: 2 حاڵه‌ت

هه‌ولێر: 2 حاڵه‌ت

 





ئەم هەواڵە 11971جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad