English | عربی | Kurdî دواهەواڵ
ڕاستەوخۆ  
 
پەیامی مەكتەبی سیاسی پارتی دیموكراتی كوردستان بەبۆنەی رۆژی جیهانی كرێكاران
2020-05-01 [11:20 AM]

ZNA-هەولێر


 

مه‌كته‌بی سیاسیی پارتی دیموكراتی كوردستان به‌ بۆنه‌ی یه‌كی ئایار رۆژی جیهانی كرێكاران په‌یامێكی بڵاوكرده‌وه‌ و رایگه‌یاند: پشتیوانی تەواوی خۆمان بۆ بەدەستهێنانی تەواوی مافە رەواكانی كرێكاران و دابینكردن و فەراهەمكردنی ژیان و گوزەرانێكی شایستە بۆیان ده‌رده‌بڕین.

دەقی پەیامەكەی مەكتەبی سیاسی پارتی دیموكراتی كوردستان :

بەبۆنەی هاتنەوەی (1ی ئایار) جەژنی جیهانی كرێكاران، پیرۆزباییەكی گەرم لە سەرجەم كرێكارانی كوردستان و جیهان دەكەین، چینی كرێكاران هەمیشە رۆڵی گرنگیان لە بونیاتنان و ئاوەدانكردنەوەی وڵاتەكەماندا هەبووە، هەروەها نكوڵی قوربانیدان و دەسكەوتاکانیان ناكرێ لەو بوارەدا بۆیە گرنگی و بایەخی چینی كرێكاران لە خەبات و تێكۆشانی رەوایاندا هەمیشە بەرز دەنرخێنین.

ئەو یادە لەكاتێكدا دێتەوە، كە قەیرانێكی تەندروستی جیهانی گرتۆتەوە و كاریگەری لەسەر تێكڕای بوارەكانی ژیاندا هەیە، بۆیە ئومێدەوارین بەزووترین كات كۆتایی پێبێت و كۆمەڵگەی كوردستانیی و جیهان هەر ساغ و تەندروست و ئاسوودە بن.

بەو بۆنەیەوە وێرای پشتیوانی تەواومان بۆ بەدەستهێنانی تەواوی مافە رەواكانیان و دابینكردن و فەراهەمكردنی ژیان و گوزەرانێكی شایستە بۆ كرێكاران، داواكارین هەردەم شانبەشانی چین و توێژەكانی دیكەی كۆمەڵگەی كوردستانیی هەمان دەست و بازووی بونیادنان و ئاوەدانكردنەوە و بووژانەوەی هەرێمی كوردستان بن تا بەهەموو لایەكمان بتوانین زیاتر هەنگاو بۆ پێشەوە بنێین و مافەكانی گەلەكەمان بەدی بێنین.

جارێكی دیكە(1ی ئایار)جەژنی جیهانی كرێكاران لە سەرجەم كرێكارانی كوردستان و جیهان پیرۆز بێت و ھەمیشە سەرکەوتووبن.

مەكتەبی سیاسی
پارتی دیموكراتی كوردستان
30/4/2020





ئەم هەواڵە 2389جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad